15Leviticus 15

1Locutusque est Dominus ad Moysen et Aaron, dicens :Select Leviticus 15:1

2Loquimini filiis Israël, et dicite eis : Vir, qui patitur fluxum seminis, immundus erit.Select Leviticus 15:2

3Et tunc judicabitur huic vitio subjacere, cum per singula momenta adhæserit carni ejus, atque concreverit fœdus humor.Select Leviticus 15:3

4Omne stratum, in quo dormierit, immundum erit, et ubicumque sederit.Select Leviticus 15:4

5Si quis hominum tetigerit lectum ejus, lavabit vestimenta sua, et ipse lotus aqua, immundus erit usque ad vesperum.Select Leviticus 15:5

6Si sederit ubi ille sederat, et ipse lavabit vestimenta sua : et lotus aqua, immundus erit usque ad vesperum.Select Leviticus 15:6

7Qui tetigerit carnem ejus, lavabit vestimenta sua : et ipse lotus aqua, immundus erit usque ad vesperum.Select Leviticus 15:7

8Si salivam hujuscemodi homo jecerit super eum qui mundus est, lavabit vestimenta sua : et lotus aqua, immundus erit usque ad vesperum.Select Leviticus 15:8

9Sagma, super quo sederit, immundum erit :Select Leviticus 15:9

10et quidquid sub eo fuerit, qui fluxum seminis patitur, pollutum erit usque ad vesperum. Qui portaverit horum aliquid, lavabit vestimenta sua : et ipse lotus aqua, immundus erit usque ad vesperum.Select Leviticus 15:10

11Omnis, quem tetigerit qui talis est, non lotis ante manibus, lavabit vestimenta sua, et lotus aqua, immundus erit usque ad vesperum.Select Leviticus 15:11

12Vas fictile quod tetigerit confringetur : vas autem ligneum lavabitur aqua.Select Leviticus 15:12

13Si sanatus fuerit qui hujuscemodi sustinet passionem, numerabit septem dies post emundationem sui, et lotis vestibus et toto corpore in aquis viventibus, erit mundus.Select Leviticus 15:13

14Die autem octavo sumet duos turtures, aut duos pullos columbæ, et veniet in conspectum Domini ad ostium tabernaculi testimonii, dabitque eos sacerdoti :Select Leviticus 15:14

15qui faciet unum pro peccato et alterum in holocaustum : rogabitque pro eo coram Domino, ut emundetur a fluxi seminis sui.Select Leviticus 15:15

16Vir de quo egreditur semen coitus, lavabit aqua omne corpus suum : et immundus erit usque ad vesperum.Select Leviticus 15:16

17Vestem et pellem, quam habuerit, lavabit aqua, et immunda erit usque ad vesperum.Select Leviticus 15:17

18Mulier, cum qua coierit, lavabitur aqua, et immunda erit usque ad vesperum.Select Leviticus 15:18

19Mulier, quæ redeunte mense patitur fluxum sanguinis, septem diebus separabitur.Select Leviticus 15:19

20Omnis qui tetigerit eam, immundus erit usque ad vesperum :Select Leviticus 15:20

21et in quo dormierit vel sederit diebus separationis suæ, polluetur.Select Leviticus 15:21

22Qui tetigerit lectum ejus, lavabit vestimenta sua : et ipse lotus aqua, immundus erit usque ad vesperum.Select Leviticus 15:22

23Omne vas, super quo illa sederit, quisquis attigerit, lavabit vestimenta sua : et ipse lotus aqua, pollutus erit usque ad vesperum.Select Leviticus 15:23

24Si coierit cum ea vir tempore sanguinis menstrualis, immundus erit septem diebus : et omne stratum, in quo dormierit, polluetur.Select Leviticus 15:24

25Mulier, quæ patitur multis diebus fluxum sanguinis non in tempore menstruali, vel quæ post menstruum sanguinem fluere non cessat, quamdiu subjacet huic passioni, immunda erit quasi sit in tempore menstruo.Select Leviticus 15:25

26Omne stratum, in quo dormierit, et vas in quo sederit, pollutum erit.Select Leviticus 15:26

27Quicumque tetigerit ea, lavabit vestimenta sua : et ipse lotus aqua, immundus erit usque ad vesperam.Select Leviticus 15:27

28Si steterit sanguis, et fluere cessaverit, numerabit septem dies purificationis suæ :Select Leviticus 15:28

29et die octavo offeret pro se sacerdoti duos turtures, aut duos pullos columbarum, ad ostium tabernaculi testimonii :Select Leviticus 15:29

30qui unum faciet pro peccato, et alterum in holocaustum, rogabitque pro ea coram Domino, et pro fluxu immunditiæ ejus.Select Leviticus 15:30

31Docebitis ergo filios Israël ut caveant immunditiam, et non moriantur in sordibus suis, cum polluerint tabernaculum meum quod est inter eos.Select Leviticus 15:31

32Ista est lex ejus, qui patitur fluxum seminis, et qui polluitur coitu,Select Leviticus 15:32

33et quæ menstruis temporibus separatur, vel quæ jugi fluit sanguine, et hominis qui dormierit cum ea.Select Leviticus 15:33