18Leviticus 18

1Locutus est Dominus ad Moysen, dicens :Select Leviticus 18:1

2Loquere filiis Israël, et dices ad eos : Ego Dominus Deus vester :Select Leviticus 18:2

3juxta consuetudinem terræ Ægypti, in qua habitastis, non facietis : et juxta morem regionis Chanaan, ad quam ego introducturus sum vos, non agetis, nec in legitimis eorum ambulabitis.Select Leviticus 18:3

4Facietis judicia mea, et præcepta mea servabitis, et ambulabitis in eis. Ego Dominus Deus vester.Select Leviticus 18:4

5Custodite leges meas atque judicia, quæ faciens homo, vivet in eis. Ego Dominus.Select Leviticus 18:5

6Omnis homo ad proximam sanguinis sui non accedet, ut revelet turpitudinem ejus. Ego Dominus.Select Leviticus 18:6

7Turpitudinem patris tui et turpitudinem matris tuæ non discooperies : mater tua est : non revelabis turpitudinem ejus.Select Leviticus 18:7

8Turpitudinem uxoris patris tui non discooperies : turpitudo enim patris tui est.Select Leviticus 18:8

9Turpitudinem sororis tuæ ex patre sive ex matre, quæ domi vel foris genita est, non revelabis.Select Leviticus 18:9

10Turpitudinem filiæ filii tui vel neptis ex filia non revelabis : quia turpitudo tua est.Select Leviticus 18:10

11Turpitudinem filiæ uxoris patris tui, quam peperit patri tuo, et est soror tua, non revelabis.Select Leviticus 18:11

12Turpitudinem sororis patris tui non discooperies : quia caro est patris tui.Select Leviticus 18:12

13Turpitudinem sororis matris tuæ non revelabis, eo quod caro sit matris tuæ.Select Leviticus 18:13

14Turpitudinem patrui tui non revelabis, nec accedes ad uxorem ejus, quæ tibi affinitate conjungitur.Select Leviticus 18:14

15Turpitudinem nurus tuæ non revelabis, quia uxor filii tui est : nec discooperies ignominiam ejus.Select Leviticus 18:15

16Turpitudinem uxoris fratris tui non revelabis : quia turpitudo fratris tui est.Select Leviticus 18:16

17Turpitudinem uxoris tuæ et filiæ ejus non revelabis. Filiam filii ejus, et filiam filiæ illius non sumes, ut reveles ignominiam ejus : quia caro illius sunt, et talis coitus incestus est.Select Leviticus 18:17

18Sororem uxoris tuæ in pellicatum illius non accipies, nec revelabis turpitudinem ejus adhuc illa vivente.Select Leviticus 18:18

19Ad mulierem quæ patitur menstrua non accedes, nec revelabis fœditatem ejus.Select Leviticus 18:19

20Cum uxore proximi tui non coibis, nec seminis commistione maculaberis.Select Leviticus 18:20

21De semine tuo non dabis ut consecretur idolo Moloch, nec pollues nomen Dei tui. Ego Dominus.Select Leviticus 18:21

22Cum masculo non commiscearis coitu femineo, quia abominatio est.Select Leviticus 18:22

23Cum omni pecore non coibis, nec maculaberis cum eo. Mulier non succumbet jumento, nec miscebitur ei, quia scelus est.Select Leviticus 18:23

24Nec polluamini in omnibus his quibus contaminatæ sunt universæ gentes, quas ego ejiciam ante conspectum vestrum,Select Leviticus 18:24

25et quibus polluta est terra : cujus ego scelera visitabo, ut evomat habitatores suos.Select Leviticus 18:25

26Custodite legitima mea atque judicia, et non faciatis ex omnibus abominationibus istis, tam indigena quam colonus qui peregrinantur apud vos.Select Leviticus 18:26

27Omnes enim execrationes istas fecerunt accolæ terræ qui fuerunt ante vos, et polluerunt eam.Select Leviticus 18:27

28Cavete ergo ne et vos similiter evomat, cum paria feceritis, sicut evomuit gentem, quæ fuit ante vos.Select Leviticus 18:28

29Omnis anima, quæ fecerit de abominationibus his quippiam, peribit de medio populi sui.Select Leviticus 18:29

30Custodite mandata mea. Nolite facere quæ fecerunt hi qui fuerunt ante vos, et ne polluamini in eis. Ego Dominus Deus vester.Select Leviticus 18:30