2Leviticus 2

1Anima cum obtulerit oblationem sacrificii Domino, simila erit ejus oblatio ; fundetque super eam oleum, et ponet thus,Select Leviticus 2:1

2ac deferet ad filios Aaron sacerdotes : quorum unus tollet pugillum plenum similæ et olei, ac totum thus, et ponet memoriale super altare in odorem suavissimum Domino.Select Leviticus 2:2

3Quod autem reliquum fuerit de sacrificio, erit Aaron et filiorum ejus, Sanctum sanctorum de oblationibus Domini.Select Leviticus 2:3

4Cum autem obtuleris sacrificium coctum in clibano : de simila, panes scilicet absque fermento, conspersos oleo, et lagana azyma oleo lita.Select Leviticus 2:4

5Si oblatio tua fuerit de sartagine, similæ conspersæ oleo et absque fermento,Select Leviticus 2:5

6divides eam minutatim, et fundes super eam oleum.Select Leviticus 2:6

7Sin autem de craticula fuerit sacrificium, æque simila oleo conspergetur :Select Leviticus 2:7

8quam offerens Domino, trades manibus sacerdotis.Select Leviticus 2:8

9Qui cum obtulerit eam, tollet memoriale de sacrificio, et adolebit super altare in odorem suavitatis Domino :Select Leviticus 2:9

10quidquid autem reliquum est, erit Aaron, et filiorum ejus, Sanctum sanctorum de oblationibus Domini.Select Leviticus 2:10

11Omnis oblatio quæ offeretur Domino, absque fermento fiet, nec quidquam fermenti ac mellis adolebitur in sacrificio Domino.Select Leviticus 2:11

12Primitias tantum eorum offeretis ac munera : super altare vero non imponentur in odorem suavitatis.Select Leviticus 2:12

13Quidquid obtuleris sacrificii, sale condies, nec auferes sal fœderis Dei tui de sacrificio tuo : in omni oblatione tua offeres sal.Select Leviticus 2:13

14Si autem obtuleris munus primarum frugum tuarum Domino de spicis adhuc virentibus, torrebis igni, et confringes in morem farris, et sic offeres primitias tuas Domino,Select Leviticus 2:14

15fundens supra oleum, et thus imponens, quia oblatio Domini est :Select Leviticus 2:15

16de qua adolebit sacerdos in memoriam muneris partem farris fracti, et olei, ac totum thus.Select Leviticus 2:16