23Leviticus 23

1Locutusque est Dominus ad Moysen, dicens :Select Leviticus 23:1

2Loquere filiis Israël, et dices ad eos : Hæ sunt feriæ Domini, quas vocabitis sanctas.Select Leviticus 23:2

3Sex diebus facietis opus : dies septimus, quia sabbati requies est, vocabitur sanctus : omne opus non facietis in eo : sabbatum Domini est in cunctis habitationibus vestris.Select Leviticus 23:3

4Hæ sunt ergo feriæ Domini sanctæ, quas celebrare debetis temporibus suis.Select Leviticus 23:4

5Mense primo, quartadecima die mensis ad vesperum, Phase Domini est :Select Leviticus 23:5

6et quintadecima die mensis hujus, solemnitas azymorum Domini est. Septem diebus azyma comedetis.Select Leviticus 23:6

7Dies primus erit vobis celeberrimus, sanctusque : omne opus servile non facietis in eo,Select Leviticus 23:7

8sed offeretis sacrificium in igne Domino septem diebus. Dies autem septimus erit celebrior et sanctior : nullumque servile opus facietis in eo.Select Leviticus 23:8

9Locutusque est Dominus ad Moysen, dicens :Select Leviticus 23:9

10Loquere filiis Israël, et dices ad eos : Cum ingressi fueritis terram, quam ego dabo vobis, et messueritis segetem, feretis manipulos spicarum, primitias messis vestræ, ad sacerdotem :Select Leviticus 23:10

11qui elevabit fasciculum coram Domino, ut acceptabile sit pro vobis, altero die sabbati, et sanctificabit illum.Select Leviticus 23:11

12Atque in eodem die quo manipulus consecratur, cædetur agnus immaculatus anniculus in holocaustum Domini.Select Leviticus 23:12

13Et libamenta offerentur cum eo, duæ decimæ similæ conspersæ oleo in incensum Domini, odoremque suavissimum : liba quoque vini, quarta pars hin.Select Leviticus 23:13

14Panem, et polentam, et pultes non comedetis ex segete, usque ad diem qua offeretis ex ea Deo vestro. Præceptum est sempiternum in generationibus, cunctisque habitaculis vestris.Select Leviticus 23:14

15Numerabitis ergo ab altero die sabbati, in quo obtulistis manipulum primitiarum, septem hebdomadas plenas,Select Leviticus 23:15

16usque ad alteram diem expletionis hebdomadæ septimæ, id est, quinquaginta dies : et sic offeretis sacrificium novum DominoSelect Leviticus 23:16

17ex omnibus habitaculis vestris, panes primitiarum duos de duabus decimis similæ fermentatæ, quos coquetis in primitias Domini.Select Leviticus 23:17

18Offeretisque cum panibus septem agnos immaculatos anniculos, et vitulum de armento unum, et arietes duos, et erunt in holocaustum cum libamentis suis, in odorem suavissimum Domini.Select Leviticus 23:18

19Facietis et hircum pro peccato, duosque agnos anniculos hostias pacificorum.Select Leviticus 23:19

20Cumque elevaverit eos sacerdos cum panibus primitiarum coram Domino, cedent in usum ejus.Select Leviticus 23:20

21Et vocabitis hunc diem celeberrimum, atque sanctissimum : omne opus servile non facietis in eo. Legitimum sempiternum erit in cunctis habitaculis, et generationibus vestris.Select Leviticus 23:21

22Postquam autem messueritis segetem terræ vestræ, nec secabitis eam usque ad solum, nec remanentes spicas colligetis : sed pauperibus et peregrinis dimittetis eas. Ego sum Dominus Deus vester.Select Leviticus 23:22

23Locutusque est Dominus ad Moysen, dicens :Select Leviticus 23:23

24Loquere filiis Israël : Mense septimo, prima die mensis, erit vobis sabbatum, memoriale, clangentibus tubis, et vocabitur sanctum :Select Leviticus 23:24

25omne opus servile non facietis in eo, et offeretis holocaustum Domino.Select Leviticus 23:25

26Locutusque est Dominus ad Moysen, dicens :Select Leviticus 23:26

27Decimo die mensis hujus septimi, dies expiationum erit celeberrimus, et vocabitur sanctus : affligetisque animas vestras in eo, et offeretis holocaustum Domino.Select Leviticus 23:27

28Omne opus servile non facietis in tempore diei hujus : quia dies propitiationis est, ut propitietur vobis Dominus Deus vester.Select Leviticus 23:28

29Omnis anima, quæ afflicta non fuerit die hac, peribit de populis suis :Select Leviticus 23:29

30et quæ operis quippiam fecerit, delebo eam de populo suo.Select Leviticus 23:30

31Nihil ergo operis facietis in eo : legitimum sempiternum erit vobis in cunctis generationibus, et habitationibus vestris.Select Leviticus 23:31

32Sabbatum requietionis est, et affligetis animas vestras die nono mensis : a vespera usque ad vesperam celebrabitis sabbata vestra.Select Leviticus 23:32

33Et locutus est Dominus ad Moysen, dicens :Select Leviticus 23:33

34Loquere filiis Israël : A quintodecimo die mensis hujus septimi, erunt feriæ tabernaculorum septem diebus Domino.Select Leviticus 23:34

35Dies primus vocabitur celeberrimus atque sanctissimus : omne opus servile non facietis in eo.Select Leviticus 23:35

36Et septem diebus offeretis holocausta Domino. Dies quoque octavus erit celeberrimus, atque sanctissimus, et offeretis holocaustum Domino : est enim cœtus atque collectæ : omne opus servile non facietis in eo.Select Leviticus 23:36

37Hæ sunt feriæ Domini, quas vocabitis celeberrimas atque sanctissimas, offeretisque in eis oblationes Domino, holocausta et libamenta juxta ritum uniuscujusque diei :Select Leviticus 23:37

38exceptis sabbatis Domini, donisque vestris, et quæ offeretis ex voto, vel quæ sponte tribuetis Domino.Select Leviticus 23:38

39A quintodecimo ergo die mensis septimi, quando congregaveritis omnes fructus terræ vestræ, celebrabitis ferias Domini septem diebus : die primo et die octavo erit sabbatum, id est, requies.Select Leviticus 23:39

40Sumetisque vobis die primo fructus arboris pulcherrimæ, spatulasque palmarum, et ramos ligni densarum frondium, et salices de torrente, et lætabimini coram Domino Deo vestro.Select Leviticus 23:40

41Celebrabitisque solemnitatem ejus septem diebus per annum : legitimum sempiternum erit in generationibus vestris. Mense septimo festa celebrabitis,Select Leviticus 23:41

42et habitabitis in umbraculis septem diebus : omnis, qui de genere est Israël, manebit in tabernaculis,Select Leviticus 23:42

43ut discant posteri vestri quod in tabernaculis habitare fecerim filios Israël, cum educerem eos de terra Ægypti. Ego Dominus Deus vester.Select Leviticus 23:43

44Locutusque est Moyses super solemnitatibus Domini ad filios Israël.Select Leviticus 23:44