26Leviticus 26

1Ego Dominus Deus vester : non facietis vobis idolum, et sculptile, nec titulos erigetis, nec insignem lapidem ponetis in terra vestra, ut adoretis eum. Ego enim sum Dominus Deus vester.Select Leviticus 26:1

2Custodite sabbata mea, et pavete ad sanctuarium meum. Ego Dominus.Select Leviticus 26:2

3Si in præceptis meis ambulaveritis, et mandata mea custodieritis, et feceritis ea, dabo vobis pluvias temporibus suis,Select Leviticus 26:3

4et terra gignet germen suum, et pomis arbores replebuntur.Select Leviticus 26:4

5Apprehendet messium tritura vindemiam, et vindemia occupabit sementem : et comedetis panem vestrum in saturitate, et absque pavore habitabitis in terra vestra.Select Leviticus 26:5

6Dabo pacem in finibus vestris : dormietis, et non erit qui exterreat. Auferam malas bestias, et gladius non transibit terminos vestros.Select Leviticus 26:6

7Persequemini inimicos vestros, et corruent coram vobis.Select Leviticus 26:7

8Persequentur quinque de vestris centum alienos, et centum de vobis decem millia : cadent inimici vestri gladio in conspectu vestro.Select Leviticus 26:8

9Respiciam vos, et crescere faciam : multiplicabimini, et firmabo pactum meum vobiscum.Select Leviticus 26:9

10Comedetis vetustissima veterum, et vetera novis supervenientibus projicietis.Select Leviticus 26:10

11Ponam tabernaculum meum in medio vestri, et non abjiciet vos anima mea.Select Leviticus 26:11

12Ambulabo inter vos, et ero Deus vester, vosque eritis populus meus.Select Leviticus 26:12

13Ego Dominus Deus vester, qui eduxi vos de terra Ægyptiorum, ne serviretis eis : et qui confregi catenas cervicum vestrarum, ut incederetis erecti.Select Leviticus 26:13

14Quod si non audieritis me, nec feceritis omnia mandata mea,Select Leviticus 26:14

15si spreveritis leges meas, et judicia mea contempseritis, ut non faciatis ea quæ a me constituta sunt, et ad irritum perducatis pactum meum :Select Leviticus 26:15

16ego quoque hæc faciam vobis : visitabo vos velociter in egestate, et ardore, qui conficiat oculos vestros, et consumat animas vestras. Frustra seretis sementem, quæ ab hostibus devorabitur.Select Leviticus 26:16

17Ponam faciem meam contra vos, et corruetis coram hostibus vestris, et subjiciemini his qui oderunt vos : fugietis, nemine persequente.Select Leviticus 26:17

18Sin autem nec sic obedieritis mihi, addam correptiones vestras septuplum propter peccata vestra,Select Leviticus 26:18

19et conteram superbiam duritiæ vestræ. Daboque vobis cælum desuper sicut ferrum, et terram æneam.Select Leviticus 26:19

20Consumetur incassum labor vester, non proferet terra germen, nec arbores poma præbebunt.Select Leviticus 26:20

21Si ambulaveritis ex adverso mihi, nec volueritis audire me, addam plagas vestras in septuplum propter peccata vestra :Select Leviticus 26:21

22immittamque in vos bestias agri, quæ consumant vos, et pecora vestra, et ad paucitatem cuncta redigant, desertæque fiant viæ vestræ.Select Leviticus 26:22

23Quod si nec sic volueritis recipere disciplinam, sed ambulaveritis ex adverso mihi :Select Leviticus 26:23

24ego quoque contra vos adversus incedam, et percutiam vos septies propter peccata vestra,Select Leviticus 26:24

25inducamque super vos gladium ultorem fœderis mei. Cumque confugeritis in urbes, mittam pestilentiam in medio vestri, et trademini in manibus hostium,Select Leviticus 26:25

26postquam confregero baculum panis vestri : ita ut decem mulieres in uno clibano coquant panes, et reddant eos ad pondus : et comedetis, et non saturabimini.Select Leviticus 26:26

27Sin autem nec per hæc audieritis me, sed ambulaveritis contra me :Select Leviticus 26:27

28et ego incedam adversus vos in furore contrario, et corripiam vos septem plagis propter peccata vestra :Select Leviticus 26:28

29ita ut comedatis carnes filiorum vestrorum et filiarum vestrarum.Select Leviticus 26:29

30Destruam excelsa vestra, et simulacra confringam. Cadetis inter ruinas idolorum vestrorum, et abominabitur vos anima mea,Select Leviticus 26:30

31in tantum ut urbes vestras redigam in solitudinem, et deserta faciam sanctuaria vestra, nec recipiam ultra odorem suavissimum.Select Leviticus 26:31

32Disperdamque terram vestram, et stupebunt super ea inimici vestri, cum habitatores illius fuerint.Select Leviticus 26:32

33Vos autem dispergam in gentes, et evaginabo post vos gladium, eritque terra vestra deserta, et civitates vestræ dirutæ.Select Leviticus 26:33

34Tunc placebunt terræ sabbata sua cunctis diebus solitudinis suæ : quando fueritisSelect Leviticus 26:34

35in terra hostili, sabbatizabit, et requiescet in sabbatis solitudinis suæ, eo quod non requieverit in sabbatis vestris quando habitabatis in ea.Select Leviticus 26:35

36Et qui de vobis remanserint, dabo pavorem in cordibus eorum in regionibus hostium, terrebit eos sonitus folii volantis, et ita fugient quasi gladium : cadent, nullo persequente,Select Leviticus 26:36

37et corruent singuli super fratres suos, quasi bella fugientes, nemo vestrum inimicis audebit resistere.Select Leviticus 26:37

38Peribitis inter gentes, et hostilis vos terra consumet.Select Leviticus 26:38

39Quod si et de iis aliqui remanserint, tabescent in iniquitatibus suis, in terra inimicorum suorum, et propter peccata patrum suorum et sua affligentur :Select Leviticus 26:39

40donec confiteantur iniquitates suas, et majorum suorum, quibus prævaricati sunt in me, et ambulaverunt ex adverso mihi.Select Leviticus 26:40

41Ambulabo igitur et ego contra eos, et inducam illos in terram hostilem, donec erubescat incircumcisa mens eorum : tunc orabunt pro impietatibus suis.Select Leviticus 26:41

42Et recordabor fœderis mei, quod pepigi cum Jacob, et Isaac, et Abraham. Terræ quoque memor ero :Select Leviticus 26:42

43quæ cum relicta fuerit ab eis, complacebit sibi in sabbatis suis, patiens solitudinem propter illos. Ipsi vero rogabunt pro peccatis suis, eo quod abjecerint judicia mea, et leges meas despexerint.Select Leviticus 26:43

44Et tamen etiam cum essent in terra hostili, non penitus abjeci eos, neque sic despexi ut consumerentur, et irritum facerent pactum meum cum eis. Ego enim sum Dominus Deus eorum,Select Leviticus 26:44

45et recordabor fœderis mei pristini, quando eduxi eos de terra Ægypti in conspectu gentium, ut essem Deus eorum. Ego Dominus. Hæc sunt judicia atque præcepta et leges quas dedit Dominus inter se et filios Israël in monte Sinai per manum Moysi.Select Leviticus 26:45