6Romans 6

1Quid ergo dicemus ? permanebimus in peccato ut gratia abundet ?Select Romans 6:1

2Absit. Qui enim mortui sumus peccato, quomodo adhuc vivemus in illo ?Select Romans 6:2

3an ignoratis quia quicumque baptizati sumus in Christo Jesu, in morte ipsius baptizati sumus ?Select Romans 6:3

4Consepulti enim sumus cum illo per baptismum in mortem : ut quomodo Christus surrexit a mortuis per gloriam Patris, ita et nos in novitate vitæ ambulemus.Select Romans 6:4

5Si enim complantati facti sumus similitudini mortis ejus : simul et resurrectionis erimus.Select Romans 6:5

6Hoc scientes, quia vetus homo noster simul crucifixus est, ut destruatur corpus peccati, et ultra non serviamus peccato.Select Romans 6:6

7Qui enim mortuus est, justificatus est a peccato.Select Romans 6:7

8Si autem mortui sumus cum Christo, credimus quia simul etiam vivemus cum Christo,Select Romans 6:8

9scientes quod Christus resurgens ex mortuis jam non moritur : mors illi ultra non dominabitur.Select Romans 6:9

10Quod enim mortuus est peccato, mortuus est semel : quod autem vivit, vivit Deo.Select Romans 6:10

11Ita et vos existimate vos mortuos quidem esse peccato, viventes autem Deo, in Christo Jesu Domino nostro.Select Romans 6:11

12Non ergo regnet peccatum in vestro mortali corpore ut obediatis concupiscentiis ejus.Select Romans 6:12

13Sed neque exhibeatis membra vestra arma iniquitatis peccato : sed exhibete vos Deo, tamquam ex mortuis viventes : et membra vestra arma justitiæ Deo.Select Romans 6:13

14Peccatum enim vobis non dominabitur : non enim sub lege estis, sed sub gratia.Select Romans 6:14

15Quid ergo ? peccabimus, quoniam non sumus sub lege, sed sub gratia ? Absit.Select Romans 6:15

16Nescitis quoniam cui exhibetis vos servos ad obediendum, servi estis ejus, cui obeditis, sive peccati ad mortem, sive obeditionis ad justitiam ?Select Romans 6:16

17Gratias autem Deo quod fuistis servi peccati, obedistis autem ex corde in eam formam doctrinæ, in quam traditi estis.Select Romans 6:17

18Liberati autem a peccato, servi facti estis justitiæ.Select Romans 6:18

19Humanum dico, propter infirmitatem carnis vestræ : sicut enim exhibuistis membra vestra servire immunditiæ, et iniquitati ad iniquitatem, ita nunc exhibete membra vestra servire justitiæ in sanctificationem.Select Romans 6:19

20Cum enim servi essetis peccati, liberi fuistis justitiæ.Select Romans 6:20

21Quem ergo fructum habuistis tunc in illis, in quibus nunc erubescitis ? nam finis illorum mors est.Select Romans 6:21

22Nunc vero liberati a peccato, servi autem facti Deo, habetis fructum vestrum in sanctificationem, finem vero vitam æternam.Select Romans 6:22

23Stipendia enim peccati, mors. Gratia autem Dei, vita æterna, in Christo Jesu Domino nostro.Select Romans 6:23