9Romans 9

1Veritatem dico in Christo, non mentior : testimonium mihi perhibente conscientia mea in Spiritu Sancto :Select Romans 9:1

2quoniam tristitia mihi magna est, et continuus dolor cordi meo.Select Romans 9:2

3Optabam enim ego ipse anathema esse a Christo pro fratribus meis, qui sunt cognati mei secundum carnem,Select Romans 9:3

4qui sunt Israëlitæ, quorum adoptio est filiorum, et gloria, et testamentum, et legislatio, et obsequium, et promissa :Select Romans 9:4

5quorum patres, et ex quibus est Christus secundum carnem, qui est super omnia Deus benedictus in sæcula. Amen.Select Romans 9:5

6Non autem quod exciderit verbum Dei. Non enim omnes qui ex Israël sunt, ii sunt Israëlitæ :Select Romans 9:6

7neque qui semen sunt Abrahæ, omnes filii : sed in Isaac vocabitur tibi semen :Select Romans 9:7

8id est, non qui filii carnis, hi filii Dei : sed qui filii sunt promissionis, æstimantur in semine.Select Romans 9:8

9Promissionis enim verbum hoc est : Secundum hoc tempus veniam : et erit Saræ filius.Select Romans 9:9

10Non solum autem illa : sed et Rebecca ex uno concubitu habens, Isaac patris nostri.Select Romans 9:10

11Cum enim nondum nati fuissent, aut aliquid boni egissent, aut mali (ut secundum electionem propositum Dei maneret),Select Romans 9:11

12non ex operibus, sed ex vocante dictum est ei quia major serviet minori,Select Romans 9:12

13sicut scriptum est : Jacob dilexi, Esau autem odio habui.Select Romans 9:13

14Quid ergo dicemus ? numquid iniquitas apud Deum ? Absit.Select Romans 9:14

15Moysi enim dicit : Miserebor cujus misereor : et misericordiam præstabo cujus miserebor.Select Romans 9:15

16Igitur non volentis, neque currentis, sed miserentis est Dei.Select Romans 9:16

17Dicit enim Scriptura Pharaoni : Quia in hoc ipsum excitavi te, ut ostendam in te virtutem meam : et ut annuntietur nomen meum in universa terra.Select Romans 9:17

18Ergo cujus vult miseretur, et quem vult indurat.Select Romans 9:18

19Dicis itaque mihi : Quid adhuc queritur ? voluntati enim ejus quis resistit ?Select Romans 9:19

20O homo, tu quis es, qui respondeas Deo ? numquid dicit figmentum ei qui se finxit : Quid me fecisti sic ?Select Romans 9:20

21an non habet potestatem figulus luti ex eadem massa facere aliud quidem vas in honorem, aliud vero in contumeliam ?Select Romans 9:21

22Quod si Deus volens ostendere iram, et notum facere potentiam suam, sustinuit in multa patientia vasa iræ, apta in interitum,Select Romans 9:22

23ut ostenderet divitias gloriæ suæ in vasa misericordiæ, quæ præparavit in gloriam.Select Romans 9:23

24Quos et vocavit nos non solum ex Judæis, sed etiam in gentibus,Select Romans 9:24

25sicut in Osee dicit : Vocabo non plebem meam, plebem meam : et non dilectam, dilectam : et non misericordiam consecutam, misericordiam consecutam.Select Romans 9:25

26Et erit : in loco, ubi dictum est eis : Non plebs mea vos : ibi vocabuntur filii Dei vivi.Select Romans 9:26

27Isaias autem clamat pro Israël : Si fuerit numerus filiorum Israël tamquam arena maris, reliquiæ salvæ fient.Select Romans 9:27

28Verbum enim consummans, et abbrevians in æquitate : quia verbum breviatum faciet Dominus super terram :Select Romans 9:28

29et sicut prædixit Isaias : Nisi Dominus Sabaoth reliquisset nobis semen, sicut Sodoma facti essemus, et sicut Gomorrha similes fuissemus.Select Romans 9:29

30Quid ergo dicemus ? Quod gentes, quæ non sectabantur justitiam, apprehenderunt justitiam : justitiam autem, quæ ex fide est.Select Romans 9:30

31Israël vero sectando legem justitiæ, in legem justitiæ non pervenit.Select Romans 9:31

32Quare ? Quia non ex fide, sed quasi ex operibus : offenderunt enim in lapidem offensionis,Select Romans 9:32

33sicut scriptum est : Ecce pono in Sion lapidem offensionis, et petram scandali : et omnis qui credit in eum, non confundetur.Select Romans 9:33