11Mark 11

1Et cum appropinquarent Jerosolymæ et Bethaniæ ad montem Olivarum, mittit duos ex discipulis suis,Select Mark 11:1

2et ait illis : Ite in castellum, quod contra vos est, et statim introëuntes illuc, invenietis pullum ligatum, super quem nemo adhuc hominum sedit : solvite illum, et adducite.Select Mark 11:2

3Et si quis vobis dixerit : Quid facitis ? dicite, quia Domino necessarius est : et continuo illum dimittet huc.Select Mark 11:3

4Et abeuntes invenerunt pullum ligatum ante januam foris in bivio : et solvunt eum.Select Mark 11:4

5Et quidam de illic stantibus dicebant illis : Quid facitis solventes pullum ?Select Mark 11:5

6Qui dixerunt eis sicut præceperat illis Jesus, et dimiserunt eis.Select Mark 11:6

7Et duxerunt pullum ad Jesum : et imponunt illi vestimenta sua, et sedit super eum.Select Mark 11:7

8Multi autem vestimenta sua straverunt in via : alii autem frondes cædebant de arboribus, et sternebant in via.Select Mark 11:8

9Et qui præibant, et qui sequebantur, clamabant, dicentes : Hosanna : benedictus qui venit in nomine Domini :Select Mark 11:9

10benedictum quod venit regnum patris nostri David : hosanna in excelsis.Select Mark 11:10

11Et introivit Jerosolymam in templum : et circumspectis omnibus, cum jam vespera esset hora, exiit in Bethaniam cum duodecim.Select Mark 11:11

12Et alia die cum exirent a Bethania, esuriit.Select Mark 11:12

13Cumque vidisset a longe ficum habentem folia, venit si quid forte inveniret in ea : et cum venisset ad eam, nihil invenit præter folia : non enim erat tempus ficorum.Select Mark 11:13

14Et respondens dixit ei : Jam non amplius in æternum ex te fructum quisquam manducet. Et audiebant discipuli ejus.Select Mark 11:14

15Et veniunt in Jerosolymam. Et cum introisset in templum, cœpit ejicere vendentes et ementes in templo : et mensas numulariorum, et cathedras vendentium columbas evertit :Select Mark 11:15

16et non sinebat ut quisquam transferret vas per templum :Select Mark 11:16

17et docebat, dicens eis : Nonne scriptum est : Quia domus mea, domus orationis vocabitur omnibus gentibus ? vos autem fecistis eam speluncam latronum.Select Mark 11:17

18Quo audito principes sacerdotum et scribæ, quærebant quomodo eum perderent : timebant enim eum, quoniam universa turba admirabatur super doctrina ejus.Select Mark 11:18

19Et cum vespera facta esset, egrediebatur de civitate.Select Mark 11:19

20Et cum mane transirent, viderunt ficum aridam factam a radicibus.Select Mark 11:20

21Et recordatus Petrus, dixit ei : Rabbi, ecce ficus, cui maledixisti, aruit.Select Mark 11:21

22Et respondens Jesus ait illis : Habete fidem Dei.Select Mark 11:22

23Amen dico vobis, quia quicumque dixerit huic monti : Tollere, et mittere in mare, et non hæsitaverit in corde suo, sed crediderit, quia quodcumque dixerit fiat, fiet ei.Select Mark 11:23

24Propterea dico vobis, omnia quæcumque orantes petitis, credite quia accipietis, et evenient vobis.Select Mark 11:24

25Et cum stabitis ad orandum, dimittite si quid habetis adversus aliquem : ut et Pater vester, qui in cælis est, dimittat vobis peccata vestra.Select Mark 11:25

26Quod si vos non dimiseritis : nec Pater vester, qui in cælis est, dimittet vobis peccata vestra.Select Mark 11:26

27Et veniunt rursus Jerosolymam. Et cum ambularet in templo, accedunt ad eum summi sacerdotes, et scribæ, et seniores :Select Mark 11:27

28et dicunt ei : In qua potestate hæc facis ? et quis dedit tibi hanc potestatem ut ista facias ?Select Mark 11:28

29Jesus autem respondens, ait illis : Interrogabo vos et ego unum verbum, et respondete mihi : et dicam vobis in qua potestate hæc faciam.Select Mark 11:29

30Baptismus Joannis, de cælo erat, an ex hominibus ? Respondete mihi.Select Mark 11:30

31At illi cogitabant secum, dicentes : Si dixerimus : De cælo, dicet : Quare ergo non credidistis ei ?Select Mark 11:31

32Si dixerimus : Ex hominibus, timemus populum : omnes enim habebant Joannem quia vere propheta esset.Select Mark 11:32

33Et respondentes dicunt Jesu : Nescimus. Et respondens Jesus ait illis : Neque ego dico vobis in qua potestate hæc faciam.Select Mark 11:33