14Mark 14

1Erat autem Pascha et azyma post biduum : et quærebant summi sacerdotes et scribæ quomodo eum dolo tenerent, et occiderent.Select Mark 14:1

2Dicebant autem : Non in die festo, ne forte tumultus fieret in populo.Select Mark 14:2

3Et cum esset Bethaniæ in domo Simonis leprosi, et recumberet, venit mulier habens alabastrum unguenti nardi spicati pretiosi : et fracto alabastro, effudit super caput ejus.Select Mark 14:3

4Erant autem quidam indigne ferentes intra semetipsos, et dicentes : Ut quid perditio ista unguenti facta est ?Select Mark 14:4

5poterat enim unguentum istud venundari plus quam trecentis denariis, et dari pauperibus. Et fremebant in eam.Select Mark 14:5

6Jesus autem dixit : Sinite eam, quid illi molesti estis ? Bonum opus operata est in me :Select Mark 14:6

7semper enim pauperes habetis vobiscum : et cum volueritis, potestis illis benefacere : me autem non semper habetis.Select Mark 14:7

8Quod habuit hæc, fecit : prævenit ungere corpus meum in sepulturam.Select Mark 14:8

9Amen dico vobis : Ubicumque prædicatum fuerit Evangelium istud in universo mundo, et quod fecit hæc, narrabitur in memoriam ejus.Select Mark 14:9

10Et Judas Iscariotes, unus de duodecim, abiit ad summos sacerdotes, ut proderet eum illis.Select Mark 14:10

11Qui audientes gavisi sunt : et promiserunt ei pecuniam se daturos. Et quærebat quomodo illum opportune traderet.Select Mark 14:11

12Et primo die azymorum quando Pascha immolabant, dicunt ei discipuli : Quo vis eamus, et paremus tibi ut manduces Pascha ?Select Mark 14:12

13Et mittit duos ex discipulis suis, et dicit eis : Ite in civitatem, et occurret vobis homo lagenam aquæ bajulans : sequimini eum,Select Mark 14:13

14et quocumque introierit, dicite domino domus, quia magister dicit : Ubi est refectio mea, ubi Pascha cum discipulis meis manducem ?Select Mark 14:14

15Et ipse vobis demonstrabit cœnaculum grande, stratum : et illic parate nobis.Select Mark 14:15

16Et abierunt discipuli ejus, et venerunt in civitatem : et invenerunt sicut dixerat illis, et paraverunt Pascha.Select Mark 14:16

17Vespere autem facto, venit cum duodecim.Select Mark 14:17

18Et discumbentibus eis, et manducantibus, ait Jesus : Amen dico vobis, quia unus ex vobis tradet me, qui manducat mecum.Select Mark 14:18

19At illi cœperunt contristari, et dicere ei singulatim : Numquid ego ?Select Mark 14:19

20Qui ait illis : Unus ex duodecim, qui intingit mecum manum in catino.Select Mark 14:20

21Et Filius quidem hominis vadit sicut scriptum est de eo : væ autem homini illi per quem Filius hominis tradetur ! bonum erat ei, si non esset natus homo ille.Select Mark 14:21

22Et manducantibus illis, accepit Jesus panem : et benedicens fregit, et dedit eis, et ait : Sumite, hoc est corpus meum.Select Mark 14:22

23Et accepto calice, gratias agens dedit eis : et biberunt ex illo omnes.Select Mark 14:23

24Et ait illis : Hic est sanguis meus novi testamenti, qui pro multis effundetur.Select Mark 14:24

25Amen dico vobis, quia jam non bibam de hoc genimine vitis usque in diem illum, cum illud bibam novum in regno Dei.Select Mark 14:25

26Et hymno dicto exierunt in montem Olivarum.Select Mark 14:26

27Et ait eis Jesus : Omnes scandalizabimini in me in nocte ista : quia scriptum est : Percutiam pastorem, et dispergentur oves.Select Mark 14:27

28Sed postquam resurrexero, præcedam vos in Galilæam.Select Mark 14:28

29Petrus autem ait illi : Et si omnes scandalizati fuerint in te, sed non ego.Select Mark 14:29

30Et ait illi Jesus : Amen dico tibi, quia tu hodie in nocte hac, priusquam gallus vocem bis dederit, ter me es negaturus.Select Mark 14:30

31At ille amplius loquebatur : Et si oportuerit me simul commori tibi, non te negabo. Similiter autem et omnes dicebant.Select Mark 14:31

32Et veniunt in prædium, cui nomen Gethsemani. Et ait discipulis suis : Sedete hic donec orem.Select Mark 14:32

33Et assumit Petrum, et Jacobum, et Joannem secum : et cœpit pavere et tædere.Select Mark 14:33

34Et ait illis : Tristis est anima mea usque ad mortem : sustinete hic, et vigilate.Select Mark 14:34

35Et cum processisset paululum, procidit super terram, et orabat ut, si fieri posset, transiret ab eo hora.Select Mark 14:35

36Et dixit : Abba pater, omnia tibi possibilia sunt : transfer calicem hunc a me : sed non quod ego volo, sed quod tu.Select Mark 14:36

37Et venit, et invenit eos dormientes. Et ait Petro : Simon, dormis ? non potuisti una hora vigilare ?Select Mark 14:37

38vigilate et orate, ut non intretis in tentationem. Spiritus quidem promptus est, caro vero infirma.Select Mark 14:38

39Et iterum abiens oravit, eumdem sermonem dicens.Select Mark 14:39

40Et reversus, denuo invenit eos dormientes (erant enim oculi eorum gravati), et ignorabant quid responderent ei.Select Mark 14:40

41Et venit tertio, et ait illis : Dormite jam, et requiescite. Sufficit : venit hora : ecce Filius hominis tradetur in manus peccatorum.Select Mark 14:41

42Surgite, eamus : ecce qui me tradet, prope est.Select Mark 14:42

43Et, adhuc eo loquente, venit Judas Iscariotes unus de duodecim, et cum eo turba multa cum gladiis et lignis, a summis sacerdotibus, et scribis, et senioribus.Select Mark 14:43

44Dederat autem traditor ejus signum eis, dicens : Quemcumque osculatus fuero, ipse est, tenete eum, et ducite caute.Select Mark 14:44

45Et cum venisset, statim accedens ad eum, ait : Ave Rabbi : et osculatus est eum.Select Mark 14:45

46At illi manus injecerunt in eum, et tenuerunt eum.Select Mark 14:46

47Unus autem quidam de circumstantibus educens gladium, percussit servum summi sacerdotis, et amputavit illi auriculam.Select Mark 14:47

48Et respondens Jesus, ait illis : Tamquam ad latronem existis cum gladiis et lignis comprehendere me ?Select Mark 14:48

49quotidie eram apud vos in templo docens, et non me tenuistis. Sed ut impleantur Scripturæ.Select Mark 14:49

50Tunc discipuli ejus relinquentes eum, omnes fugerunt.Select Mark 14:50

51Adolescens autem quidam sequebatur eum amictus sindone super nudo : et tenuerunt eum.Select Mark 14:51

52At ille rejecta sindone, nudus profugit ab eis.Select Mark 14:52

53Et adduxerunt Jesum ad summum sacerdotem : et convenerunt omnes sacerdotes, et scribæ, et seniores.Select Mark 14:53

54Petrus autem a longe secutus est eum usque intro in atrium summi sacerdotis : et sedebat cum ministris ad ignem, et calefaciebat se.Select Mark 14:54

55Summi vero sacerdotes et omne concilium quærebant adversus Jesum testimonium ut eum morti traderent : nec inveniebant.Select Mark 14:55

56Multi enim testimonium falsum dicebant adversus eum : et convenientia testimonia non erant.Select Mark 14:56

57Et quidam surgentes, falsum testimonium ferebant adversus eum, dicentes :Select Mark 14:57

58Quoniam nos audivimus eum dicentem : Ego dissolvam templum hoc manu factum, et per triduum aliud non manu factum ædificabo.Select Mark 14:58

59Et non erat conveniens testimonium illorum.Select Mark 14:59

60Et exsurgens summus sacerdos in medium, interrogavit Jesum, dicens : Non respondes quidquam ad ea quæ tibi objiciuntur ab his ?Select Mark 14:60

61Ille autem tacebat, et nihil respondit. Rursum summus sacerdos interrogabat eum, et dixit ei : Tu es Christus Filius Dei benedicti ?Select Mark 14:61

62Jesus autem dixit illi : Ego sum : et videbitis Filium hominis sedentem a dextris virtutis Dei, et venientem cum nubibus cæli.Select Mark 14:62

63Summus autem sacerdos scindens vestimenta sua, ait : Quid adhuc desideramus testes ?Select Mark 14:63

64Audistis blasphemiam : quid vobis videtur ? Qui omnes condemnaverunt eum esse reum mortis.Select Mark 14:64

65Et cœperunt quidam conspuere eum, et velare faciem ejus, et colaphis eum cædere, et dicere ei : Prophetiza : et ministri alapis eum cædebant.Select Mark 14:65

66Et cum esset Petrus in atrio deorsum, venit una ex ancillis summi sacerdotis :Select Mark 14:66

67et cum vidisset Petrum calefacientem se, aspiciens illum, ait : Et tu cum Jesu Nazareno eras.Select Mark 14:67

68At ille negavit, dicens : Neque scio, neque novi quid dicas. Et exiit foras ante atrium, et gallus cantavit.Select Mark 14:68

69Rursus autem cum vidisset illum ancilla, cœpit dicere circumstantibus : Quia hic ex illis est.Select Mark 14:69

70At ille iterum negavit. Et post pusillum rursus qui astabant, dicebant Petro : Vere ex illis es : nam et Galilæus es.Select Mark 14:70

71Ille autem cœpit anathematizare et jurare : Quia nescio hominem istum, quem dicitis.Select Mark 14:71

72Et statim gallus iterum cantavit. Et recordatus est Petrus verbi quod dixerat ei Jesus : Priusquam gallus cantet bis, ter me negabis. Et cœpit flere.Select Mark 14:72