6Mark 6

1Et egressus inde, abiit in patriam suam : et sequebantur eum discipuli sui :Select Mark 6:1

2et facto sabbato cœpit in synagoga docere : et multi audientes admirabantur in doctrina ejus, dicentes : Unde huic hæc omnia ? et quæ est sapientia, quæ data est illi, et virtutes tales, quæ per manus ejus efficiuntur ?Select Mark 6:2

3Nonne hic est faber, filius Mariæ, frater Jacobi, et Joseph, et Judæ, et Simonis ? nonne et sorores ejus hic nobiscum sunt ? Et scandalizabantur in illo.Select Mark 6:3

4Et dicebat illis Jesus : Quia non est propheta sine honore nisi in patria sua, et in domo sua, et in cognatione sua.Select Mark 6:4

5Et non poterat ibi virtutem ullam facere, nisi paucos infirmos impositis manibus curavit :Select Mark 6:5

6et mirabatur propter incredulitatem eorum, et circuibat castella in circuitu docens.Select Mark 6:6

7Et vocavit duodecim : et cœpit eos mittere binos, et dabat illis potestatem spirituum immundorum.Select Mark 6:7

8Et præcepit eis ne quid tollerent in via, nisi virgam tantum : non peram, non panem, neque in zona æs,Select Mark 6:8

9sed calceatos sandaliis, et ne induerentur duabus tunicis.Select Mark 6:9

10Et dicebat eis : Quocumque introieritis in domum, illic manete donec exeatis inde :Select Mark 6:10

11et quicumque non receperint vos, nec audierint vos, exeuntes inde, excutite pulverem de pedibus vestris in testimonium illis.Select Mark 6:11

12Et exeuntes prædicabant ut pœnitentiam agerent :Select Mark 6:12

13et dæmonia multa ejiciebant, et ungebant oleo multos ægros, et sanabant.Select Mark 6:13

14Et audivit rex Herodes (manifestum enim factum est nomen ejus), et dicebat : Quia Joannes Baptista resurrexit a mortuis : et propterea virtutes operantur in illo.Select Mark 6:14

15Alii autem dicebant : Quia Elias est ; alii vero dicebant : Quia propheta est, quasi unus ex prophetis.Select Mark 6:15

16Quo audito Herodes ait : Quem ego decollavi Joannem, hic a mortuis resurrexit.Select Mark 6:16

17Ipse enim Herodes misit, ac tenuit Joannem, et vinxit eum in carcere propter Herodiadem uxorem Philippi fratris sui, quia duxerat eam.Select Mark 6:17

18Dicebat enim Joannes Herodi : Non licet tibi habere uxorem fratris tui.Select Mark 6:18

19Herodias autem insidiabatur illi : et volebat occidere eum, nec poterat.Select Mark 6:19

20Herodes enim metuebat Joannem, sciens eum virum justum et sanctum : et custodiebat eum, et audito eo multa faciebat, et libenter eum audiebat.Select Mark 6:20

21Et cum dies opportunus accidisset, Herodes natalis sui cœnam fecit principibus, et tribunis, et primis Galilææ :Select Mark 6:21

22cumque introisset filia ipsius Herodiadis, et saltasset, et placuisset Herodi, simulque recumbentibus, rex ait puellæ : Pete a me quod vis, et dabo tibi :Select Mark 6:22

23et juravit illi : Quia quidquid petieris dabo tibi, licet dimidium regni mei.Select Mark 6:23

24Quæ cum exisset, dixit matri suæ : Quid petam ? At illa dixit : Caput Joannis Baptistæ.Select Mark 6:24

25Cumque introisset statim cum festinatione ad regem, petivit dicens : Volo ut protinus des mihi in disco caput Joannis Baptistæ.Select Mark 6:25

26Et contristatus est rex : propter jusjurandum, et propter simul discumbentes, noluit eam contristare :Select Mark 6:26

27sed misso spiculatore præcepit afferri caput ejus in disco. Et decollavit eum in carcere,Select Mark 6:27

28et attulit caput ejus in disco : et dedit illud puellæ, et puella dedit matri suæ.Select Mark 6:28

29Quo audito, discipuli ejus venerunt, et tulerunt corpus ejus : et posuerunt illud in monumento.Select Mark 6:29

30Et convenientes Apostoli ad Jesum, renuntiaverunt ei omnia quæ egerant, et docuerant.Select Mark 6:30

31Et ait illis : Venite seorsum in desertum locum, et requiescite pusillum. Erant enim qui veniebant et redibant multi : et nec spatium manducandi habebant.Select Mark 6:31

32Et ascendentes in navim, abierunt in desertum locum seorsum.Select Mark 6:32

33Et viderunt eos abeuntes, et cognoverunt multi : et pedestres de omnibus civitatibus concurrerunt illuc, et prævenerunt eos.Select Mark 6:33

34Et exiens vidit turbam multam Jesus : et misertus est super eos, quia erant sicut oves non habentes pastorem, et cœpit docere multa.Select Mark 6:34

35Et cum jam hora multa fieret, accesserunt discipuli ejus, dicentes : Desertus est locus hic, et jam hora præteriit :Select Mark 6:35

36dimitte illos, ut euntes in proximas villas et vicos, emant sibi cibos, quos manducent.Select Mark 6:36

37Et respondens ait illis : Date illis vos manducare. Et dixerunt ei : Euntes emamus ducentis denariis panes, et dabimus illis manducare.Select Mark 6:37

38Et dicit eis : Quot panes habetis ? ite, et videte. Et cum cognovissent, dicunt : Quinque, et duos pisces.Select Mark 6:38

39Et præcepit illis ut accumbere facerent omnes secundum contubernia super viride fœnum.Select Mark 6:39

40Et discubuerunt in partes per centenos et quinquagenos.Select Mark 6:40

41Et acceptis quinque panibus et duobus piscibus, intuens in cælum, benedixit, et fregit panes, et dedit discipulis suis, ut ponerent ante eos : et duos pisces divisit omnibus.Select Mark 6:41

42Et manducaverunt omnes, et saturati sunt.Select Mark 6:42

43Et sustulerunt reliquias, fragmentorum duodecim cophinos plenos, et de piscibus.Select Mark 6:43

44Erant autem qui manducaverunt quinque millia virorum.Select Mark 6:44

45Et statim coëgit discipulos suos ascendere navim, ut præcederent eum trans fretum ad Bethsaidam, dum ipse dimitteret populum.Select Mark 6:45

46Et cum dimisisset eos, abiit in montem orare.Select Mark 6:46

47Et cum sero esset, erat navis in medio mari et ipse solus in terra.Select Mark 6:47

48Et videns eos laborantes in remigando (erat enim ventus contrarius eis) et circa quartam vigiliam noctis venit ad eos ambulans supra mare : et volebat præterire eos.Select Mark 6:48

49At illi ut viderunt eum ambulantem supra mare, putaverunt phantasma esse, et exclamaverunt.Select Mark 6:49

50Omnes enim viderunt eum, et conturbati sunt. Et statim locutus est cum eis, et dixit eis : Confidite, ego sum : nolite timere.Select Mark 6:50

51Et ascendit ad illos in navim, et cessavit ventus. Et plus magis intra se stupebant :Select Mark 6:51

52non enim intellexerunt de panibus : erat enim cor eorum obcæcatum.Select Mark 6:52

53Et cum transfretassent, venerunt in terram Genesareth, et applicuerunt.Select Mark 6:53

54Cumque egressi essent de navi, continuo cognoverunt eum :Select Mark 6:54

55et percurrentes universam regionem illam, cœperunt in grabatis eos, qui se male habebant, circumferre, ubi audiebant eum esse.Select Mark 6:55

56Et quocumque introibat, in vicos, vel in villas aut civitates, in plateis ponebant infirmos, et deprecabantur eum, ut vel fimbriam vestimenti ejus tangerent, et quotquot tangebant eum, salvi fiebant.Select Mark 6:56