10Matthew 10

1Et convocatis duodecim discipulis suis, dedit illis potestatem spirituum immundorum, ut ejicerent eos, et curarent omnem languorem, et omnem infirmitatem.Select Matthew 10:1

2Duodecim autem Apostolorum nomina sunt hæc. Primus, Simon, qui dicitur Petrus : et Andreas frater ejus,Select Matthew 10:2

3Jacobus Zebedæi, et Joannes frater ejus, Philippus, et Bartholomæus, Thomas, et Matthæus publicanus, Jacobus Alphæi, et Thaddæus,Select Matthew 10:3

4Simon Chananæus, et Judas Iscariotes, qui et tradidit eum.Select Matthew 10:4

5Hos duodecim misit Jesus, præcipiens eis, dicens : In viam gentium ne abieritis, et in civitates Samaritanorum ne intraveritis :Select Matthew 10:5

6sed potius ite ad oves quæ perierunt domus Israël.Select Matthew 10:6

7Euntes autem prædicate, dicentes : Quia appropinquavit regnum cælorum.Select Matthew 10:7

8Infirmos curate, mortuos suscitate, leprosos mundate, dæmones ejicite : gratis accepistis, gratis date.Select Matthew 10:8

9Nolite possidere aurum, neque argentum, neque pecuniam in zonis vestris :Select Matthew 10:9

10non peram in via, neque duas tunicas, neque calceamenta, neque virgam : dignus enim est operarius cibo suo.Select Matthew 10:10

11In quamcumque autem civitatem aut castellum intraveritis, interrogate, quis in ea dignus sit : et ibi manete donec exeatis.Select Matthew 10:11

12Intrantes autem in domum, salutate eam, dicentes : Pax huic domui.Select Matthew 10:12

13Et siquidem fuerit domus illa digna, veniet pax vestra super eam : si autem non fuerit digna, pax vestra revertetur ad vos.Select Matthew 10:13

14Et quicumque non receperit vos, neque audierit sermones vestros : exeuntes foras de domo, vel civitate, excutite pulverem de pedibus vestris.Select Matthew 10:14

15Amen dico vobis : Tolerabilius erit terræ Sodomorum et Gomorrhæorum in die judicii, quam illi civitati.Select Matthew 10:15

16Ecce ego mitto vos sicut oves in medio luporum. Estote ergo prudentes sicut serpentes, et simplices sicut columbæ.Select Matthew 10:16

17Cavete autem ab hominibus. Tradent enim vos in conciliis, et in synagogis suis flagellabunt vos :Select Matthew 10:17

18et ad præsides, et ad reges ducemini propter me in testimonium illis, et gentibus.Select Matthew 10:18

19Cum autem tradent vos, nolite cogitare quomodo, aut quid loquamini : dabitur enim vobis in illa hora, quid loquamini :Select Matthew 10:19

20non enim vos estis qui loquimini, sed Spiritus Patris vestri, qui loquitur in vobis.Select Matthew 10:20

21Tradet autem frater fratrem in mortem, et pater filium : et insurgent filii in parentes, et morte eos afficient :Select Matthew 10:21

22et eritis odio omnibus propter nomen meum : qui autem perseveraverit usque in finem, hic salvus erit.Select Matthew 10:22

23Cum autem persequentur vos in civitate ista, fugite in aliam. Amen dico vobis, non consummabitis civitates Israël, donec veniat Filius hominis.Select Matthew 10:23

24Non est discipulus super magistrum, nec servus super dominum suum :Select Matthew 10:24

25sufficit discipulo ut sit sicut magister ejus, et servo, sicut dominus ejus. Si patremfamilias Beelzebub vocaverunt, quanto magis domesticos ejus ?Select Matthew 10:25

26Ne ergo timueritis eos. Nihil enim est opertum, quod non revelabitur : et occultum, quod non scietur.Select Matthew 10:26

27Quod dico vobis in tenebris, dicite in lumine : et quod in aure auditis, prædicate super tecta.Select Matthew 10:27

28Et nolite timere eos qui occidunt corpus, animam autem non possunt occidere : sed potius timete eum, qui potest et animam et corpus perdere in gehennam.Select Matthew 10:28

29Nonne duo passeres asse veneunt ? et unus ex illis non cadet super terram sine Patre vestro.Select Matthew 10:29

30Vestri autem capilli capitis omnes numerati sunt.Select Matthew 10:30

31Nolite ergo timere : multis passeribus meliores estis vos.Select Matthew 10:31

32Omnis ergo qui confitebitur me coram hominibus, confitebor et ego eum coram Patre meo, qui in cælis est.Select Matthew 10:32

33Qui autem negaverit me coram hominibus, negabo et ego eum coram Patre meo, qui in cælis est.Select Matthew 10:33

34Nolite arbitrari quia pacem venerim mittere in terram : non veni pacem mittere, sed gladium :Select Matthew 10:34

35veni enim separare hominem adversus patrem suum, et filiam adversus matrem suam, et nurum adversus socrum suam :Select Matthew 10:35

36et inimici hominis, domestici ejus.Select Matthew 10:36

37Qui amat patrem aut matrem plus quam me, non est me dignus : et qui amat filium aut filiam super me, non est me dignus.Select Matthew 10:37

38Et qui non accipit crucem suam, et sequitur me, non est me dignus.Select Matthew 10:38

39Qui invenit animam suam, perdet illam : et qui perdiderit animam suam propter me, inveniet eam.Select Matthew 10:39

40Qui recipit vos, me recipit : et qui me recipit, recipit eum qui me misit.Select Matthew 10:40

41Qui recipit prophetam in nomine prophetæ, mercedem prophetæ accipiet : et qui recipit justum in nomine justi, mercedem justi accipiet.Select Matthew 10:41

42Et quicumque potum dederit uni ex minimis istis calicem aquæ frigidæ tantum in nomine discipuli : amen dico vobis, non perdet mercedem suam.Select Matthew 10:42