11Matthew 11

1Et factum est, cum consummasset Jesus, præcipiens duodecim discipulis suis, transiit inde ut doceret, et prædicaret in civitatibus eorum.Select Matthew 11:1

2Joannes autem cum audisset in vinculis opera Christi, mittens duos de discipulis suis,Select Matthew 11:2

3ait illi : Tu es, qui venturus es, an alium exspectamus ?Select Matthew 11:3

4Et respondens Jesus ait illis : Euntes renuntiate Joanni quæ audistis, et vidistis.Select Matthew 11:4

5Cæci vident, claudi ambulant, leprosi mundantur, surdi audiunt, mortui resurgunt, pauperes evangelizantur :Select Matthew 11:5

6et beatus est, qui non fuerit scandalizatus in me.Select Matthew 11:6

7Illis autem abeuntibus, cœpit Jesus dicere ad turbas de Joanne : Quid existis in desertum videre ? arundinem vento agitatam ?Select Matthew 11:7

8Sed quid existis videre ? hominem mollibus vestitum ? Ecce qui mollibus vestiuntur, in domibus regum sunt.Select Matthew 11:8

9Sed quid existis videre ? prophetam ? Etiam dico vobis, et plus quam prophetam.Select Matthew 11:9

10Hic est enim de quo scriptum est : Ecce ego mitto angelum meum ante faciem tuam, qui præparabit viam tuam ante te.Select Matthew 11:10

11Amen dico vobis, non surrexit inter natos mulierum major Joanne Baptista : qui autem minor est in regno cælorum, major est illo.Select Matthew 11:11

12A diebus autem Joannis Baptistæ usque nunc, regnum cælorum vim patitur, et violenti rapiunt illud.Select Matthew 11:12

13Omnes enim prophetæ et lex usque ad Joannem prophetaverunt :Select Matthew 11:13

14et si vultis recipere, ipse est Elias, qui venturus est.Select Matthew 11:14

15Qui habet aures audiendi, audiat.Select Matthew 11:15

16Cui autem similem æstimabo generationem istam ? Similis est pueris sedentibus in foro : qui clamantes coæqualibusSelect Matthew 11:16

17dicunt : Cecinimus vobis, et non saltastis : lamentavimus, et non planxistis.Select Matthew 11:17

18Venit enim Joannes neque manducans, neque bibens, et dicunt : Dæmonium habet.Select Matthew 11:18

19Venit Filius hominis manducans, et bibens, et dicunt : Ecce homo vorax, et potator vini, publicanorum et peccatorum amicus. Et justificata est sapientia a filiis suis.Select Matthew 11:19

20Tunc cœpit exprobrare civitatibus, in quibus factæ sunt plurimæ virtutes ejus, quia non egissent pœnitentiam :Select Matthew 11:20

21Væ tibi Corozain, væ tibi Bethsaida : quia, si in Tyro et Sidone factæ essent virtutes quæ factæ sunt in vobis, olim in cilicio et cinere pœnitentiam egissent.Select Matthew 11:21

22Verumtamen dico vobis : Tyro et Sidoni remissius erit in die judicii, quam vobis.Select Matthew 11:22

23Et tu Capharnaum, numquid usque in cælum exaltaberis ? usque in infernum descendes, quia si in Sodomis factæ fuissent virtutes quæ factæ sunt in te, forte mansissent usque in hanc diem.Select Matthew 11:23

24Verumtamen dico vobis, quia terræ Sodomorum remissius erit in die judicii, quam tibi.Select Matthew 11:24

25In illo tempore respondens Jesus dixit : Confiteor tibi, Pater, Domine cæli et terræ, quia abscondisti hæc a sapientibus, et prudentibus, et revelasti ea parvulis.Select Matthew 11:25

26Ita Pater : quoniam sic fuit placitum ante te.Select Matthew 11:26

27Omnia mihi tradita sunt a Patre meo. Et nemo novit Filium, nisi Pater : neque Patrem quis novit, nisi Filius, et cui voluerit Filius revelare.Select Matthew 11:27

28Venite ad me omnes qui laboratis, et onerati estis, et ego reficiam vos.Select Matthew 11:28

29Tollite jugum meum super vos, et discite a me, quia mitis sum, et humilis corde : et invenietis requiem animabus vestris.Select Matthew 11:29

30Jugum enim meum suave est, et onus meum leve.Select Matthew 11:30