17Matthew 17

1Et post dies sex assumit Jesus Petrum, et Jacobum, et Joannem fratrem ejus, et ducit illos in montem excelsum seorsum :Select Matthew 17:1

2et transfiguratus est ante eos. Et resplenduit facies ejus sicut sol : vestimenta autem ejus facta sunt alba sicut nix.Select Matthew 17:2

3Et ecce apparuerunt illis Moyses et Elias cum eo loquentes.Select Matthew 17:3

4Respondens autem Petrus, dixit ad Jesum : Domine, bonum est nos hic esse : si vis, faciamus tria tabernacula, tibi unum, Moysi unum, et Eliæ unum.Select Matthew 17:4

5Adhuc eo loquente, ecce nubes lucida obumbravit eos. Et ecce vox de nube, dicens : Hic est Filius meus dilectus, in quo mihi bene complacui : ipsum audite.Select Matthew 17:5

6Et audientes discipuli ceciderunt in faciem suam, et timuerunt valde.Select Matthew 17:6

7Et accessit Jesus, et tetigit eos : dixitque eis : Surgite, et nolite timere.Select Matthew 17:7

8Levantes autem oculos suos, neminem viderunt, nisi solum Jesum.Select Matthew 17:8

9Et descendentibus illis de monte, præcepit eis Jesus, dicens : Nemini dixeritis visionem, donec Filius hominis a mortuis resurgat.Select Matthew 17:9

10Et interrogaverunt eum discipuli, dicentes : Quid ergo scribæ dicunt, quod Eliam oporteat primum venire ?Select Matthew 17:10

11At ille respondens, ait eis : Elias quidem venturus est, et restituet omnia.Select Matthew 17:11

12Dico autem vobis, quia Elias jam venit, et non cognoverunt eum, sed fecerunt in eo quæcumque voluerunt. Sic et Filius hominis passurus est ab eis.Select Matthew 17:12

13Tunc intellexerunt discipuli, quia de Joanne Baptista dixisset eis.Select Matthew 17:13

14Et cum venisset ad turbam, accessit ad eum homo genibus provolutus ante eum, dicens : Domine, miserere filio meo, quia lunaticus est, et male patitur : nam sæpe cadit in ignem, et crebro in aquam.Select Matthew 17:14

15Et obtuli eum discipulis tuis, et non potuerunt curare eum.Select Matthew 17:15

16Respondens autem Jesus, ait : O generatio incredula, et perversa, quousque ero vobiscum ? usquequo patiar vos ? Afferte huc illum ad me.Select Matthew 17:16

17Et increpavit illum Jesus, et exiit ab eo dæmonium, et curatus est puer ex illa hora.Select Matthew 17:17

18Tunc accesserunt discipuli ad Jesum secreto, et dixerunt : Quare nos non potuimus ejicere illum ?Select Matthew 17:18

19Dixit illis Jesus : Propter incredulitatem vestram. Amen quippe dico vobis, si habueritis fidem sicut granum sinapis, dicetis monti huic : Transi hinc illuc, et transibit, et nihil impossibile erit vobis.Select Matthew 17:19

20Hoc autem genus non ejicitur nisi per orationem et jejunium.Select Matthew 17:20

21Conversantibus autem eis in Galilæa, dixit illis Jesus : Filius hominis tradendus est in manus hominum :Select Matthew 17:21

22et occident eum, et tertia die resurget. Et contristati sunt vehementer.Select Matthew 17:22

23Et cum venissent Capharnaum, accesserunt qui didrachma accipiebant ad Petrum, et dixerunt ei : Magister vester non solvit didrachma ?Select Matthew 17:23

24Ait : Etiam. Et cum intrasset in domum, prævenit eum Jesus, dicens : Quid tibi videtur Simon ? reges terræ a quibus accipiunt tributum vel censum ? a filiis suis, an ab alienis ?Select Matthew 17:24

25Et ille dixit : Ab alienis. Dixit illi Jesus : Ergo liberi sunt filii.Select Matthew 17:25

26Ut autem non scandalizemus eos, vade ad mare, et mitte hamum : et eum piscem, qui primus ascenderit, tolle : et aperto ore ejus, invenies staterem : illum sumens, da eis pro me et te.Select Matthew 17:26