22Matthew 22

1Et respondens Jesus, dixit iterum in parabolis eis, dicens :Select Matthew 22:1

2Simile factum est regnum cælorum homini regi, qui fecit nuptias filio suo.Select Matthew 22:2

3Et misit servos suos vocare invitatos ad nuptias, et nolebant venire.Select Matthew 22:3

4Iterum misit alios servos, dicens : Dicite invitatis : Ecce prandium meum paravi, tauri mei et altilia occisa sunt, et omnia parata : venite ad nuptias.Select Matthew 22:4

5Illi autem neglexerunt : et abierunt, alius in villam suam, alius vero ad negotiationem suam :Select Matthew 22:5

6reliqui vero tenuerunt servos ejus, et contumeliis affectos occiderunt.Select Matthew 22:6

7Rex autem cum audisset, iratus est : et missis exercitibus suis, perdidit homicidas illos, et civitatem illorum succendit.Select Matthew 22:7

8Tunc ait servis suis : Nuptiæ quidem paratæ sunt, sed qui invitati erant, non fuerunt digni :Select Matthew 22:8

9ite ergo ad exitus viarum, et quoscumque inveneritis, vocate ad nuptias.Select Matthew 22:9

10Et egressi servi ejus in vias, congregaverunt omnes quos invenerunt, malos et bonos : et impletæ sunt nuptiæ discumbentium.Select Matthew 22:10

11Intravit autem rex ut videret discumbentes, et vidit ibi hominem non vestitum veste nuptiali.Select Matthew 22:11

12Et ait illi : Amice, quomodo huc intrasti non habens vestem nuptialem ? At ille obmutuit.Select Matthew 22:12

13Tunc dicit rex ministris : Ligatis manibus et pedibus ejus, mittite eum in tenebras exteriores : ibi erit fletus et stridor dentium.Select Matthew 22:13

14Multi enim sunt vocati, pauci vero electi.Select Matthew 22:14

15Tunc abeuntes pharisæi, consilium inierunt ut caperent eum in sermone.Select Matthew 22:15

16Et mittunt ei discipulos suos cum Herodianis, dicentes : Magister, scimus quia verax es, et viam Dei in veritate doces, et non est tibi cura de aliquo : non enim respicis personam hominum :Select Matthew 22:16

17dic ergo nobis quid tibi videtur, licet censum dare Cæsari, an non ?Select Matthew 22:17

18Cognita autem Jesus nequitia eorum, ait : Quid me tentatis, hypocritæ ?Select Matthew 22:18

19ostendite mihi numisma census. At illi obtulerunt ei denarium.Select Matthew 22:19

20Et ait illis Jesus : Cujus est imago hæc, et superscriptio ?Select Matthew 22:20

21Dicunt ei : Cæsaris. Tunc ait illis : Reddite ergo quæ sunt Cæsaris, Cæsari : et quæ sunt Dei, Deo.Select Matthew 22:21

22Et audientes mirati sunt, et relicto eo abierunt.Select Matthew 22:22

23In illo die accesserunt ad eum sadducæi, qui dicunt non esse resurrectionem : et interrogaverunt eum,Select Matthew 22:23

24dicentes : Magister, Moyses dixit : Si quis mortuus fuerit non habens filium, ut ducat frater ejus uxorem illius, et suscitet semen fratri suo.Select Matthew 22:24

25Erant autem apud nos septem fratres : et primus, uxore ducta, defunctus est : et non habens semen, reliquit uxorem suam fratri suo.Select Matthew 22:25

26Similiter secundus, et tertius usque ad septimum.Select Matthew 22:26

27Novissime autem omnium et mulier defuncta est.Select Matthew 22:27

28In resurrectione ergo cujus erit de septem uxor ? omnes enim habuerunt eam.Select Matthew 22:28

29Respondens autem Jesus, ait illis : Erratis nescientes Scripturas, neque virtutem Dei.Select Matthew 22:29

30In resurrectione enim neque nubent, neque nubentur : sed erunt sicut angeli Dei in cælo.Select Matthew 22:30

31De resurrectione autem mortuorum non legistis quod dictum est a Deo dicente vobis :Select Matthew 22:31

32Ego sum Deus Abraham, et Deus Isaac, et Deus Jacob ? Non est Deus mortuorum, sed viventium.Select Matthew 22:32

33Et audientes turbæ, mirabantur in doctrina ejus.Select Matthew 22:33

34Pharisæi autem audientes quod silentium imposuisset sadducæis, convenerunt in unum :Select Matthew 22:34

35et interrogavit eum unus ex eis legis doctor, tentans eum :Select Matthew 22:35

36Magister, quod est mandatum magnum in lege ?Select Matthew 22:36

37Ait illi Jesus : Diliges Dominum Deum tuum ex toto corde tuo, et in tota anima tua, et in tota mente tua.Select Matthew 22:37

38Hoc est maximum, et primum mandatum.Select Matthew 22:38

39Secundum autem simile est huic : Diliges proximum tuum, sicut teipsum.Select Matthew 22:39

40In his duobus mandatis universa lex pendet, et prophetæ.Select Matthew 22:40

41Congregatis autem pharisæis, interrogavit eos Jesus,Select Matthew 22:41

42dicens : Quid vobis videtur de Christo ? cujus filius est ? Dicunt ei : David.Select Matthew 22:42

43Ait illis : Quomodo ergo David in spiritu vocat eum Dominum, dicens :Select Matthew 22:43

44Dixit Dominus Domino meo : Sede a dextris meis, donec ponam inimicos tuos scabellum pedum tuorum ?Select Matthew 22:44

45Si ergo David vocat eum Dominum, quomodo filius ejus est ?Select Matthew 22:45

46Et nemo poterat ei respondere verbum : neque ausus fuit quisquam ex illa die eum amplius interrogare.Select Matthew 22:46