5Matthew 5

1Videns autem Jesus turbas, ascendit in montem, et cum sedisset, accesserunt ad eum discipuli ejus,Select Matthew 5:1

2et aperiens os suum docebat eos dicens :Select Matthew 5:2

3Beati pauperes spiritu : quoniam ipsorum est regnum cælorum.Select Matthew 5:3

4Beati mites : quoniam ipsi possidebunt terram.Select Matthew 5:4

5Beati qui lugent : quoniam ipsi consolabuntur.Select Matthew 5:5

6Beati qui esuriunt et sitiunt justitiam : quoniam ipsi saturabuntur.Select Matthew 5:6

7Beati misericordes : quoniam ipsi misericordiam consequentur.Select Matthew 5:7

8Beati mundo corde : quoniam ipsi Deum videbunt.Select Matthew 5:8

9Beati pacifici : quoniam filii Dei vocabuntur.Select Matthew 5:9

10Beati qui persecutionem patiuntur propter justitiam : quoniam ipsorum est regnum cælorum.Select Matthew 5:10

11Beati estis cum maledixerint vobis, et persecuti vos fuerint, et dixerint omne malum adversum vos mentientes, propter me :Select Matthew 5:11

12gaudete, et exsultate, quoniam merces vestra copiosa est in cælis. Sic enim persecuti sunt prophetas, qui fuerunt ante vos.Select Matthew 5:12

13Vos estis sal terræ. Quod si sal evanuerit, in quo salietur ? ad nihilum valet ultra, nisi ut mittatur foras, et conculcetur ab hominibus.Select Matthew 5:13

14Vos estis lux mundi. Non potest civitas abscondi supra montem posita,Select Matthew 5:14

15neque accendunt lucernam, et ponunt eam sub modio, sed super candelabrum, ut luceat omnibus qui in domo sunt.Select Matthew 5:15

16Sic luceat lux vestra coram hominibus : ut videant opera vestra bona, et glorificent Patrem vestrum, qui in cælis est.Select Matthew 5:16

17Nolite putare quoniam veni solvere legem aut prophetas : non veni solvere, sed adimplere.Select Matthew 5:17

18Amen quippe dico vobis, donec transeat cælum et terra, jota unum aut unus apex non præteribit a lege, donec omnia fiant.Select Matthew 5:18

19Qui ergo solverit unum de mandatis istis minimis, et docuerit sic homines, minimus vocabitur in regno cælorum : qui autem fecerit et docuerit, hic magnus vocabitur in regno cælorum.Select Matthew 5:19

20Dico enim vobis, quia nisi abundaverit justitia vestra plus quam scribarum et pharisæorum, non intrabitis in regnum cælorum.Select Matthew 5:20

21Audistis quia dictum est antiquis : Non occides : qui autem occiderit, reus erit judicio.Select Matthew 5:21

22Ego autem dico vobis : quia omnis qui irascitur fratri suo, reus erit judicio. Qui autem dixerit fratri suo, raca : reus erit concilio. Qui autem dixerit, fatue : reus erit gehennæ ignis.Select Matthew 5:22

23Si ergo offers munus tuum ad altare, et ibi recordatus fueris quia frater tuus habet aliquid adversum te :Select Matthew 5:23

24relinque ibi munus tuum ante altare, et vade prius reconciliari fratri tuo : et tunc veniens offeres munus tuum.Select Matthew 5:24

25Esto consentiens adversario tuo cito dum es in via cum eo : ne forte tradat te adversarius judici, et judex tradat te ministro : et in carcerem mittaris.Select Matthew 5:25

26Amen dico tibi, non exies inde, donec reddas novissimum quadrantem.Select Matthew 5:26

27Audistis quia dictum est antiquis : Non mœchaberis.Select Matthew 5:27

28Ego autem dico vobis : quia omnis qui viderit mulierem ad concupiscendum eam, jam mœchatus est eam in corde suo.Select Matthew 5:28

29Quod si oculus tuus dexter scandalizat te, erue eum, et projice abs te : expedit enim tibi ut pereat unum membrorum tuorum, quam totum corpus tuum mittatur in gehennam.Select Matthew 5:29

30Et si dextra manus tua scandalizat te, abscide eam, et projice abs te : expedit enim tibi ut pereat unum membrorum tuorum, quam totum corpus tuum eat in gehennam.Select Matthew 5:30

31Dictum est autem : Quicumque dimiserit uxorem suam, det ei libellum repudii.Select Matthew 5:31

32Ego autem dico vobis : quia omnis qui dimiserit uxorem suam, excepta fornicationis causa, facit eam mœchari : et qui dimissam duxerit, adulterat.Select Matthew 5:32

33Iterum audistis quia dictum est antiquis : Non perjurabis : reddes autem Domino juramenta tua.Select Matthew 5:33

34Ego autem dico vobis, non jurare omnino, neque per cælum, quia thronus Dei est :Select Matthew 5:34

35neque per terram, quia scabellum est pedum ejus : neque per Jerosolymam, quia civitas est magni regis :Select Matthew 5:35

36neque per caput tuum juraveris, quia non potes unum capillum album facere, aut nigrum.Select Matthew 5:36

37Sit autem sermo vester, est, est : non, non : quod autem his abundantius est, a malo est.Select Matthew 5:37

38Audistis quia dictum est : Oculum pro oculo, et dentem pro dente.Select Matthew 5:38

39Ego autem dico vobis, non resistere malo : sed si quis te percusserit in dexteram maxillam tuam, præbe illi et alteram :Select Matthew 5:39

40et ei, qui vult tecum judicio contendere, et tunicam tuam tollere, dimitte ei et pallium :Select Matthew 5:40

41et quicumque te angariaverit mille passus, vade cum illo et alia duo.Select Matthew 5:41

42Qui petit a te, da ei : et volenti mutuari a te, ne avertaris.Select Matthew 5:42

43Audistis quia dictum est : Diliges proximum tuum, et odio habebis inimicum tuum.Select Matthew 5:43

44Ego autem dico vobis : diligite inimicos vestros, benefacite his qui oderunt vos, et orate pro persequentibus et calumniantibus vos :Select Matthew 5:44

45ut sitis filii Patris vestri, qui in cælis est : qui solem suum oriri facit super bonos et malos : et pluit super justos et injustos.Select Matthew 5:45

46Si enim diligitis eos qui vos diligunt, quam mercedem habebitis ? nonne et publicani hoc faciunt ?Select Matthew 5:46

47Et si salutaveritis fratres vestros tantum, quid amplius facitis ? nonne et ethnici hoc faciunt ?Select Matthew 5:47

48Estote ergo vos perfecti, sicut et Pater vester cælestis perfectus est.Select Matthew 5:48