6Matthew 6

1Attendite ne justitiam vestram faciatis coram hominibus, ut videamini ab eis : alioquin mercedem non habebitis apud Patrem vestrum qui in cælis est.Select Matthew 6:1

2Cum ergo facis eleemosynam, noli tuba canere ante te, sicut hypocritæ faciunt in synagogis, et in vicis, ut honorificentur ab hominibus. Amen dico vobis, receperunt mercedem suam.Select Matthew 6:2

3Te autem faciente eleemosynam, nesciat sinistra tua quid faciat dextera tua :Select Matthew 6:3

4ut sit eleemosyna tua in abscondito, et Pater tuus, qui videt in abscondito, reddet tibi.Select Matthew 6:4

5Et cum oratis, non eritis sicut hypocritæ qui amant in synagogis et in angulis platearum stantes orare, ut videantur ab hominibus : amen dico vobis, receperunt mercedem suam.Select Matthew 6:5

6Tu autem cum oraveris, intra in cubiculum tuum, et clauso ostio, ora Patrem tuum in abscondito : et Pater tuus, qui videt in abscondito, reddet tibi.Select Matthew 6:6

7Orantes autem, nolite multum loqui, sicut ethnici, putant enim quod in multiloquio suo exaudiantur.Select Matthew 6:7

8Nolite ergo assimilari eis : scit enim Pater vester, quid opus sit vobis, antequam petatis eum.Select Matthew 6:8

9Sic ergo vos orabitis : Pater noster, qui es in cælis, sanctificetur nomen tuum.Select Matthew 6:9

10Adveniat regnum tuum ; fiat voluntas tua, sicut in cælo et in terra.Select Matthew 6:10

11Panem nostrum supersubstantialem da nobis hodie,Select Matthew 6:11

12et dimitte nobis debita nostra, sicut et nos dimittimus debitoribus nostris.Select Matthew 6:12

13Et ne nos inducas in tentationem, sed libera nos a malo. Amen.Select Matthew 6:13

14Si enim dimiseritis hominibus peccata eorum : dimittet et vobis Pater vester cælestis delicta vestra.Select Matthew 6:14

15Si autem non dimiseritis hominibus : nec Pater vester dimittet vobis peccata vestra.Select Matthew 6:15

16Cum autem jejunatis, nolite fieri sicut hypocritæ, tristes. Exterminant enim facies suas, ut appareant hominibus jejunantes. Amen dico vobis, quia receperunt mercedem suam.Select Matthew 6:16

17Tu autem, cum jejunas, unge caput tuum, et faciem tuam lava,Select Matthew 6:17

18ne videaris hominibus jejunans, sed Patri tuo, qui est in abscondito : et Pater tuus, qui videt in abscondito, reddet tibi.Select Matthew 6:18

19Nolite thesaurizare vobis thesauros in terra : ubi ærugo, et tinea demolitur : et ubi fures effodiunt, et furantur.Select Matthew 6:19

20Thesaurizate autem vobis thesauros in cælo, ubi neque ærugo, neque tinea demolitur, et ubi fures non effodiunt, nec furantur.Select Matthew 6:20

21Ubi enim est thesaurus tuus, ibi est et cor tuum.Select Matthew 6:21

22Lucerna corporis tui est oculus tuus. Si oculus tuus fuerit simplex, totum corpus tuum lucidum erit.Select Matthew 6:22

23Si autem oculus tuus fuerit nequam, totum corpus tuum tenebrosum erit. Si ergo lumen, quod in te est, tenebræ sunt : ipsæ tenebræ quantæ erunt ?Select Matthew 6:23

24Nemo potest duobus dominis servire : aut enim unum odio habebit, et alterum diliget : aut unum sustinebit, et alterum contemnet. Non potestis Deo servire et mammonæ.Select Matthew 6:24

25Ideo dico vobis, ne solliciti sitis animæ vestræ quid manducetis, neque corpori vestro quid induamini. Nonne anima plus est quam esca, et corpus plus quam vestimentum ?Select Matthew 6:25

26Respicite volatilia cæli, quoniam non serunt, neque metunt, neque congregant in horrea : et Pater vester cælestis pascit illa. Nonne vos magis pluris estis illis ?Select Matthew 6:26

27Quis autem vestrum cogitans potest adjicere ad staturam suam cubitum unum ?Select Matthew 6:27

28Et de vestimento quid solliciti estis ? Considerate lilia agri quomodo crescunt : non laborant, neque nent.Select Matthew 6:28

29Dico autem vobis, quoniam nec Salomon in omni gloria sua coopertus est sicut unum ex istis.Select Matthew 6:29

30Si autem fœnum agri, quod hodie est, et cras in clibanum mittitur, Deus sic vestit, quanto magis vos modicæ fidei ?Select Matthew 6:30

31Nolite ergo solliciti esse, dicentes : Quid manducabimus, aut quid bibemus, aut quo operiemur ?Select Matthew 6:31

32hæc enim omnia gentes inquirunt. Scit enim Pater vester, quia his omnibus indigetis.Select Matthew 6:32

33Quærite ergo primum regnum Dei, et justitiam ejus : et hæc omnia adjicientur vobis.Select Matthew 6:33

34Nolite ergo solliciti esse in crastinum. Crastinus enim dies sollicitus erit sibi ipsi : sufficit diei malitia sua.Select Matthew 6:34