9Matthew 9

1Et ascendens in naviculam, transfretavit, et venit in civitatem suam.Select Matthew 9:1

2Et ecce offerebant ei paralyticum jacentem in lecto. Et videns Jesus fidem illorum, dixit paralytico : Confide fili, remittuntur tibi peccata tua.Select Matthew 9:2

3Et ecce quidam de scribis dixerunt intra se : Hic blasphemat.Select Matthew 9:3

4Et cum vidisset Jesus cogitationes eorum, dixit : Ut quid cogitatis mala in cordibus vestris ?Select Matthew 9:4

5Quid est facilius dicere : Dimittuntur tibi peccata tua : an dicere : Surge, et ambula ?Select Matthew 9:5

6Ut autem sciatis, quia Filius hominis habet potestatem in terra dimittendi peccata, tunc ait paralytico : Surge, tolle lectum tuum, et vade in domum tuam.Select Matthew 9:6

7Et surrexit, et abiit in domum suam.Select Matthew 9:7

8Videntes autem turbæ timuerunt, et glorificaverunt Deum, qui dedit potestatem talem hominibus.Select Matthew 9:8

9Et, cum transiret inde Jesus, vidit hominem sedentem in telonio, Matthæum nomine. Et ait illi : Sequere me. Et surgens, secutus est eum.Select Matthew 9:9

10Et factum est, discumbente eo in domo, ecce multi publicani et peccatores venientes, discumbebant cum Jesu, et discipulis ejus.Select Matthew 9:10

11Et videntes pharisæi, dicebant discipulis ejus : Quare cum publicanis et peccatoribus manducat magister vester ?Select Matthew 9:11

12At Jesus audiens, ait : Non est opus valentibus medicus, sed male habentibus.Select Matthew 9:12

13Euntes autem discite quid est : Misericordiam volo, et non sacrificium. Non enim veni vocare justos, sed peccatores.Select Matthew 9:13

14Tunc accesserunt ad eum discipuli Joannis, dicentes : Quare nos, et pharisæi, jejunamus frequenter : discipuli autem tui non jejunant ?Select Matthew 9:14

15Et ait illis Jesus : Numquid possunt filii sponsi lugere, quamdiu cum illis est sponsus ? Venient autem dies cum auferetur ab eis sponsus : et tunc jejunabunt.Select Matthew 9:15

16Nemo autem immittit commissuram panni rudis in vestimentum vetus : tollit enim plenitudinem ejus a vestimento, et pejor scissura fit.Select Matthew 9:16

17Neque mittunt vinum novum in utres veteres : alioquin rumpuntur utres, et vinum effunditur, et utres pereunt. Sed vinum novum in utres novos mittunt : et ambo conservantur.Select Matthew 9:17

18Hæc illo loquente ad eos, ecce princeps unus accessit, et adorabat eum, dicens : Domine, filia mea modo defuncta est : sed veni, impone manum tuam super eam, et vivet.Select Matthew 9:18

19Et surgens Jesus, sequebatur eum, et discipuli ejus.Select Matthew 9:19

20Et ecce mulier, quæ sanguinis fluxum patiebatur duodecim annis, accessit retro, et tetigit fimbriam vestimenti ejus.Select Matthew 9:20

21Dicebat enim intra se : Si tetigero tantum vestimentum ejus, salva ero.Select Matthew 9:21

22At Jesus conversus, et videns eam, dixit : Confide, filia, fides tua te salvam fecit. Et salva facta est mulier ex illa hora.Select Matthew 9:22

23Et cum venisset Jesus in domum principis, et vidisset tibicines et turbam tumultuantem, dicebat :Select Matthew 9:23

24Recedite : non est enim mortua puella, sed dormit. Et deridebant eum.Select Matthew 9:24

25Et cum ejecta esset turba, intravit : et tenuit manum ejus, et surrexit puella.Select Matthew 9:25

26Et exiit fama hæc in universam terram illam.Select Matthew 9:26

27Et transeunte inde Jesu, secuti sunt eum duo cæci, clamantes, et dicentes : Miserere nostri, fili David.Select Matthew 9:27

28Cum autem venisset domum, accesserunt ad eum cæci. Et dicit eis Jesus : Creditis quia hoc possum facere vobis ? Dicunt ei : Utique, Domine.Select Matthew 9:28

29Tunc tetigit oculos eorum, dicens : Secundum fidem vestram, fiat vobis.Select Matthew 9:29

30Et aperti sunt oculi eorum : et comminatus est illis Jesus, dicens : Videte ne quis sciat.Select Matthew 9:30

31Illi autem exeuntes, diffamaverunt eum in tota terra illa.Select Matthew 9:31

32Egressis autem illis, ecce obtulerunt ei hominem mutum, dæmonium habentem.Select Matthew 9:32

33Et ejecto dæmonio, locutus est mutus, et miratæ sunt turbæ, dicentes : Numquam apparuit sic in Israël.Select Matthew 9:33

34Pharisæi autem dicebant : In principe dæmoniorum ejicit dæmones.Select Matthew 9:34

35Et circuibat Jesus omnes civitates, et castella, docens in synagogis eorum, et prædicans Evangelium regni, et curans omnem languorem, et omnem infirmitatem.Select Matthew 9:35

36Videns autem turbas, misertus est eis : quia erant vexati, et jacentes sicut oves non habentes pastorem.Select Matthew 9:36

37Tunc dicit discipulis suis : Messis quidem multa, operarii autem pauci.Select Matthew 9:37

38Rogate ergo Dominum messis, ut mittat operarios in messem suam.Select Matthew 9:38