13Numbers 13

1Profectusque est populus de Haseroth, fixis tentoriis in deserto Pharan.Select Numbers 13:1

2Ibique locutus est Dominus ad Moysen, dicens :Select Numbers 13:2

3Mitte viros, qui considerent terram Chanaan, quam daturus sum filiis Israël, singulos de singulis tribubus, ex principibus.Select Numbers 13:3

4Fecit Moyses quod Dominus imperaverat, de deserto Pharan mittens principes viros, quorum ista sunt nomina.Select Numbers 13:4

5De tribu Ruben, Sammua filium Zechur.Select Numbers 13:5

6De tribu Simeon, Saphat filium Huri.Select Numbers 13:6

7De tribu Juda, Caleb filium Jephone.Select Numbers 13:7

8De tribu Issachar, Igal filium Joseph.Select Numbers 13:8

9De tribu Ephraim, Osee filium Nun.Select Numbers 13:9

10De tribu Benjamin, Phalti filium Raphu.Select Numbers 13:10

11De tribu Zabulon, Geddiel filium Sodi.Select Numbers 13:11

12De tribu Joseph, sceptri Manasse, Gaddi filium Susi.Select Numbers 13:12

13De tribu Dan, Ammiel filium Gemalli.Select Numbers 13:13

14De tribu Aser, Sthur filium Michaël.Select Numbers 13:14

15De tribu Nephthali, Nahabi filium Vapsi.Select Numbers 13:15

16De tribu Gad, Guel filium Machi.Select Numbers 13:16

17Hæc sunt nomina virorum, quos misit Moyses ad considerandam terram : vocavitque Osee filium Nun, Josue.Select Numbers 13:17

18Misit ergo eos Moyses ad considerandam terram Chanaan, et dixit ad eos : Ascendite per meridianam plagam. Cumque veneritis ad montes,Select Numbers 13:18

19considerate terram, qualis sit : et populum qui habitator est ejus, utrum fortis sit an infirmus : si pauci numero an plures :Select Numbers 13:19

20ipsa terra, bona an mala : urbes quales, muratæ an absque muris :Select Numbers 13:20

21humus, pinguis an sterilis, nemorosa an absque arboribus. Confortamini, et afferte nobis de fructibus terræ. Erat autem tempus quando jam præcoquæ uvæ vesci possunt.Select Numbers 13:21

22Cumque ascendissent, exploraverunt terram a deserto Sin, usque Rohob intrantibus Emath.Select Numbers 13:22

23Ascenderuntque ad meridiem, et venerunt in Hebron, ubi erant Achiman et Sisai et Tholmai filii Enac : nam Hebron septem annis ante Tanim urbem Ægypti condita est.Select Numbers 13:23

24Pergentesque usque ad Torrentem botri, absciderunt palmitem cum uva sua, quem portaverunt in vecte duo viri. De malis quoque granatis et de ficis loci illius tulerunt :Select Numbers 13:24

25qui appellatus est Nehelescol, id est Torrens botri, eo quod botrum portassent inde filii Israël.Select Numbers 13:25

26Reversique exploratores terræ post quadraginta dies, omni regione circuita,Select Numbers 13:26

27venerunt ad Moysen et Aaron et ad omnem cœtum filiorum Israël in desertum Pharan, quod est in Cades. Locutique eis et omni multitudini ostenderunt fructus terræ :Select Numbers 13:27

28et narraverunt, dicentes : Venimus in terram, ad quam misisti nos, quæ revera fluit lacte et melle, ut ex his fructibus cognosci potest :Select Numbers 13:28

29sed cultores fortissimos habet, et urbes grandes atque muratas. Stirpem Enac vidimus ibi.Select Numbers 13:29

30Amalec habitat in meridie, Hethæus et Jebusæus et Amorrhæus in montanis : Chananæus vero moratur juxta mare et circa fluenta Jordanis.Select Numbers 13:30

31Inter hæc Caleb compescens murmur populi, qui oriebatur contra Moysen, ait : Ascendamus, et possideamus terram, quoniam poterimus obtinere eam.Select Numbers 13:31

32Alii vero, qui fuerant cum eo, dicebant : Nequaquam ad hunc populum valemus ascendere, quia fortior nobis est.Select Numbers 13:32

33Detraxeruntque terræ, quam inspexerant, apud filios Israël, dicentes : Terra, quam lustravimus, devorat habitatores suos : populus, quem aspeximus, proceræ staturæ est.Select Numbers 13:33

34Ibi vidimus monstra quædam filiorum Enac de genere giganteo : quibus comparati, quasi locustæ videbamur.Select Numbers 13:34