14Numbers 14

1Igitur vociferans omnis turba flevit nocte illa,Select Numbers 14:1

2et murmurati sunt contra Moysen et Aaron cuncti filii Israël, dicentes :Select Numbers 14:2

3Utinam mortui essemus in Ægypto : et in hac vasta solitudine utinam pereamus, et non inducat nos Dominus in terram istam, ne cadamus gladio, et uxores ac liberi nostri ducantur captivi. Nonne melius est reverti in Ægyptum ?Select Numbers 14:3

4Dixeruntque alter ad alterum : Constituamus nobis ducem, et revertamur in Ægyptum.Select Numbers 14:4

5Quo audito, Moyses et Aaron ceciderunt proni in terram coram omni multitudine filiorum Israël.Select Numbers 14:5

6At vero Josue filius Nun et Caleb filius Jephone, qui et ipsi lustraverant terram, sciderunt vestimenta sua,Select Numbers 14:6

7et ad omnem multitudinem filiorum Israël locuti sunt : Terra, quam circuivimus, valde bona est.Select Numbers 14:7

8Si propitius fuerit Dominus, inducet nos in eam, et tradet humum lacte et melle manantem.Select Numbers 14:8

9Nolite rebelles esse contra Dominum : neque timeatis populum terræ hujus, quia sicut panem ita eos possumus devorare. Recessit ab eis omne præsidium : Dominus nobiscum est, nolite metuere.Select Numbers 14:9

10Cumque clamaret omnis multitudo, et lapidibus eos vellet opprimere, apparuit gloria Domini super tectum fœderis cunctis filiis Israël.Select Numbers 14:10

11Et dixit Dominus ad Moysen : Usquequo detrahet mihi populus iste ? quousque non credent mihi, in omnibus signis quæ feci coram eis ?Select Numbers 14:11

12Feriam igitur eos pestilentia, atque consumam : te autem faciam principem super gentem magnam, et fortiorem quam hæc est.Select Numbers 14:12

13Et ait Moyses ad Dominum : Ut audiant Ægyptii, de quorum medio eduxisti populum istum,Select Numbers 14:13

14et habitatores terræ hujus, qui audierunt quod tu, Domine, in populo isto sis, et facie videaris ad faciem, et nubes tua protegat illos, et in columna nubis præcedas eos per diem, et in columna ignis per noctem :Select Numbers 14:14

15quod occideris tantam multitudinem quasi unum hominem, et dicant :Select Numbers 14:15

16Non poterat introducere populum in terram pro qua juraverat : idcirco occidit eos in solitudine ?Select Numbers 14:16

17Magnificetur ergo fortitudo Domini sicut jurasti, dicens :Select Numbers 14:17

18Dominus patiens et multæ misericordiæ, auferens iniquitatem et scelera, nullumque innoxium derelinquens, qui visitas peccata patrum in filios in tertiam et quartam generationem.Select Numbers 14:18

19Dimitte, obsecro, peccatum populi hujus secundum magnitudinem misericordiæ tuæ, sicut propitius fuisti egredientibus de Ægypto usque ad locum istum.Select Numbers 14:19

20Dixitque Dominus : Dimisi juxta verbum tuum.Select Numbers 14:20

21Vivo ego : et implebitur gloria Domini universa terra.Select Numbers 14:21

22Attamen omnes homines qui viderunt majestatem meam, et signa quæ feci in Ægypto et in solitudine, et tentaverunt me jam per decem vices, nec obedierunt voci meæ,Select Numbers 14:22

23non videbunt terram pro qua juravi patribus eorum, nec quisquam ex illis qui detraxit mihi, intuebitur eam.Select Numbers 14:23

24Servum meum Caleb, qui plenus alio spiritu secutus est me, inducam in terram hanc, quam circuivit ; et semen ejus possidebit eam.Select Numbers 14:24

25Quoniam Amalecites et Chananæus habitant in vallibus. Cras movete castra, et revertimini in solitudinem per viam maris Rubri.Select Numbers 14:25

26Locutusque est Dominus ad Moysen et Aaron, dicens :Select Numbers 14:26

27Usquequo multitudo hæc pessima murmurat contra me ? querelas filiorum Israël audivi.Select Numbers 14:27

28Dic ergo eis : Vivo ego, ait Dominus : sicut locuti estis audiente me, sic faciam vobis.Select Numbers 14:28

29In solitudine hac jacebunt cadavera vestra. Omnes qui numerati estis a viginti annis et supra, et murmurastis contra me,Select Numbers 14:29

30non intrabitis terram, super quam levavi manum meam ut habitare vos facerem, præter Caleb filium Jephone, et Josue filium Nun.Select Numbers 14:30

31Parvulos autem vestros, de quibus dixistis quod prædæ hostibus forent, introducam, ut videant terram, quæ vobis displicuit.Select Numbers 14:31

32Vestra cadavera jacebunt in solitudine.Select Numbers 14:32

33Filii vestri erunt vagi in deserto annis quadraginta, et portabunt fornicationem vestram, donec consumantur cadavera patrum in deserto,Select Numbers 14:33

34juxta numerum quadraginta dierum, quibus considerastis terram : annus pro die imputabitur. Et quadraginta annis recipietis iniquitates vestras, et scietis ultionem meam :Select Numbers 14:34

35quoniam sicut locutus sum, ita faciam omni multitudini huic pessimæ, quæ consurrexit adversum me : in solitudine hac deficiet, et morietur.Select Numbers 14:35

36Igitur omnes viri, quos miserat Moyses ad contemplandam terram, et qui reversi murmurare fecerant contra eum omnem multitudinem, detrahentes terræ quod esset mala,Select Numbers 14:36

37mortui sunt atque percussi in conspectu Domini.Select Numbers 14:37

38Josue autem filius Nun, et Caleb filius Jephone, vixerunt ex omnibus qui perrexerant ad considerandam terram.Select Numbers 14:38

39Locutusque est Moyses universa verba hæc ad omnes filios Israël, et luxit populus nimis.Select Numbers 14:39

40Et ecce mane primo surgentes ascenderunt verticem montis, atque dixerunt : Parati sumus ascendere ad locum, de quo Dominus locutus est : quia peccavimus.Select Numbers 14:40

41Quibus Moyses : Cur, inquit, transgredimini verbum Domini, quod vobis non cedet in prosperum ?Select Numbers 14:41

42nolite ascendere : non enim est Dominus vobiscum : ne corruatis coram inimicis vestris.Select Numbers 14:42

43Amalecites et Chananæus ante vos sunt, quorum gladio corruetis, eo quod nolueritis acquiescere Domino : nec erit Dominus vobiscum.Select Numbers 14:43

44At illi contenebrati ascenderunt in verticem montis. Arca autem testamenti Domini et Moyses non recesserunt de castris.Select Numbers 14:44

45Descenditque Amalecites et Chananæus, qui habitabat in monte : et percutiens eos atque concidens, persecutus est eos usque Horma.Select Numbers 14:45