16Numbers 16

1Ecce autem Core filius Isaar, filii Caath, filii Levi, et Dathan atque Abiron filii Eliab, Hon quoque filius Pheleth de filiis Ruben,Select Numbers 16:1

2surrexerunt contra Moysen, aliique filiorum Israël ducenti quinquaginta viri proceres synagogæ, et qui tempore concilii per nomina vocabantur.Select Numbers 16:2

3Cumque stetissent adversum Moysen et Aaron, dixerunt : Sufficiat vobis, quia omnis multitudo sanctorum est, et in ipsis est Dominus : cur elevamini super populum Domini ?Select Numbers 16:3

4Quod cum audisset Moyses, cecidit pronus in faciem :Select Numbers 16:4

5locutusque ad Core et ad omnem multitudinem : Mane, inquit, notum faciet Dominus qui ad se pertineant, et sanctos applicabit sibi : et quos elegerit, appropinquabunt ei.Select Numbers 16:5

6Hoc igitur facite : tollat unusquisque thuribula sua, tu Core, et omne concilium tuum :Select Numbers 16:6

7et hausto cras igne, ponite desuper thymiama coram Domino : et quemcumque elegerit, ipse erit sanctus : multum erigimini filii Levi.Select Numbers 16:7

8Dixitque rursum ad Core : Audite, filii Levi :Select Numbers 16:8

9num parum vobis est quod separavit vos Deus Israël ab omni populo, et junxit sibi, ut serviretis ei in cultu tabernaculi, et staretis coram frequentia populi, et ministraretis ei ?Select Numbers 16:9

10idcirco ad se fecit accedere te et omnes fratres tuos filios Levi, ut vobis etiam sacerdotium vindicetis,Select Numbers 16:10

11et omnis globus tuus stet contra Dominum ? quid est enim Aaron ut murmuretis contra eum ?Select Numbers 16:11

12Misit ergo Moyses ut vocaret Dathan et Abiron filios Eliab. Qui responderunt : Non venimus.Select Numbers 16:12

13Numquid parum est tibi quod eduxisti nos de terra, quæ lacte et melle manabat, ut occideres in deserto, nisi et dominatus fueris nostri ?Select Numbers 16:13

14Revera induxisti nos in terram, quæ fluit rivis lactis et mellis, et dedisti nobis possessiones agrorum et vinearum : an et oculos nostros vis eruere ? non venimus.Select Numbers 16:14

15Iratusque Moyses valde, ait ad Dominum : Ne respicias sacrificia eorum : tu scis quod ne asellum quidem umquam acceperim ab eis, nec afflixerim quempiam eorum.Select Numbers 16:15

16Dixitque ad Core : Tu, et omnis congregatio tua, state seorsum coram Domino, et Aaron die crastino separatim.Select Numbers 16:16

17Tollite singuli thuribula vestra, et ponite super ea incensum, offerentes Domino ducenta quinquaginta thuribula : Aaron quoque teneat thuribulum suum.Select Numbers 16:17

18Quod cum fecissent, stantibus Moyses et Aaron,Select Numbers 16:18

19et coacervassent adversum eos omnem multitudinem ad ostium tabernaculi, apparuit cunctis gloria Domini.Select Numbers 16:19

20Locutusque Dominus ad Moysen et Aaron, ait :Select Numbers 16:20

21Separamini de medio congregationis hujus, ut eos repente disperdam.Select Numbers 16:21

22Qui ceciderunt proni in faciem, atque dixerunt : Fortissime Deus spirituum universæ carnis, num uno peccante, contra omnes ira tua desæviet ?Select Numbers 16:22

23Et ait Dominus ad Moysen :Select Numbers 16:23

24Præcipe universo populo ut separetur a tabernaculis Core et Dathan et Abiron.Select Numbers 16:24

25Surrexitque Moyses, et abiit ad Dathan et Abiron : et sequentibus eum senioribus Israël,Select Numbers 16:25

26dixit ad turbam : Recedite a tabernaculis hominum impiorum, et nolite tangere quæ ad eos pertinent, ne involvamini in peccatis eorum.Select Numbers 16:26

27Cumque recessissent a tentoriis eorum per circuitum, Dathan et Abiron egressi stabant in introitu papilionum suorum cum uxoribus et liberis, omnique frequentia.Select Numbers 16:27

28Et ait Moyses : In hoc scietis quod Dominus miserit me ut facerem universa quæ cernitis, et non ex proprio ea corde protulerim :Select Numbers 16:28

29si consueta hominum morte interierint, et visitaverit eos plaga, qua et ceteri visitari solent, non misit me Dominus :Select Numbers 16:29

30sin autem novam rem fecerit Dominus, ut aperiens terra os suum deglutiat eos et omnia quæ ad illos pertinent, descenderintque viventes in infernum, scietis quod blasphemaverint Dominum.Select Numbers 16:30

31Confestim igitur ut cessavit loqui, dirupta est terra sub pedibus eorum :Select Numbers 16:31

32et aperiens os suum, devoravit illos cum tabernaculis suis et universa substantia eorum,Select Numbers 16:32

33descenderuntque vivi in infernum operti humo, et perierunt de medio multitudinis.Select Numbers 16:33

34At vero omnis Israël, qui stabat per gyrum, fugit ad clamorem pereuntium, dicens : Ne forte et nos terra deglutiat.Select Numbers 16:34

35Sed et ignis egressus a Domino interfecit ducentos quinquaginta viros, qui offerebant incensum.Select Numbers 16:35

36Locutusque est Dominus ad Moysen, dicens :Select Numbers 16:36

37Præcipe Eleazaro filio Aaron sacerdoti ut tollat thuribula quæ jacent in incendio, et ignem huc illucque dispergat : quoniam sanctificata suntSelect Numbers 16:37

38in mortibus peccatorum : producatque ea in laminas, et affigat altari, eo quod oblatum sit in eis incensum Domino, et sanctificata sint, ut cernant ea pro signo et monimento filii Israël.Select Numbers 16:38

39Tulit ergo Eleazar sacerdos thuribula ænea, in quibus obtulerant hi quos incendium devoravit, et produxit ea in laminas, affigens altari :Select Numbers 16:39

40ut haberent postea filii Israël, quibus commonerentur ne quis accedat alienigena, et qui non est de semine Aaron ad offerendum incensum Domino, ne patiatur sicut passus est Core, et omnis congregatio ejus, loquente Domino ad Moysen.Select Numbers 16:40

41Murmuravit autem omnis multitudo filiorum Israël sequenti die contra Moysen et Aaron, dicens : Vos interfecistis populum Domini.Select Numbers 16:41

42Cumque oriretur seditio, et tumultus incresceret,Select Numbers 16:42

43Moyses et Aaron fugerunt ad tabernaculum fœderis. Quod, postquam ingressi sunt, operuit nubes, et apparuit gloria Domini.Select Numbers 16:43

44Dixitque Dominus ad Moysen :Select Numbers 16:44

45Recedite de medio hujus multitudinis, etiam nunc delebo eos. Cumque jacerent in terra,Select Numbers 16:45

46dixit Moyses ad Aaron : Tolle thuribulum, et hausto igne de altari, mitte incensum desuper, pergens cito ad populum, ut roges pro eis : jam enim egressa est ira a Domino, et plaga desævit.Select Numbers 16:46

47Quod cum fecisset Aaron, et cucurrisset ad mediam multitudinem, quam jam vastabat incendium, obtulit thymiama :Select Numbers 16:47

48et stans inter mortuos ac viventes, pro populo deprecatus est, et plaga cessavit.Select Numbers 16:48

49Fuerunt autem qui percussi sunt, quatuordecim millia hominum, et septingenti, absque his qui perierant in seditione Core.Select Numbers 16:49

50Reversusque est Aaron ad Moysen ad ostium tabernaculi fœderis postquam quievit interitus.Select Numbers 16:50