20Numbers 20

1Veneruntque filii Israël et omnis multitudo in desertum Sin, mense primo, et mansit populus in Cades. Mortuaque est ibi Maria, et sepulta in eodem loco.Select Numbers 20:1

2Cumque indigeret aqua populus, convenerunt adversum Moysen et Aaron :Select Numbers 20:2

3et versi in seditionem, dixerunt : Utinam periissemus inter fratres nostros coram Domino.Select Numbers 20:3

4Cur eduxistis ecclesiam Domini in solitudinem, ut et nos et nostra jumenta moriamur ?Select Numbers 20:4

5quare nos fecistis ascendere de Ægypto, et adduxistis in locum istum pessimum, qui seri non potest, qui nec ficum gignit, nec vineas, nec malogranata, insuper et aquam non habet ad bibendum ?Select Numbers 20:5

6Ingressusque Moyses et Aaron, dimissa multitudine, tabernaculum fœderis, corruerunt proni in terram, clamaveruntque ad Dominum, atque dixerunt : Domine Deus, audi clamorem hujus populi, et aperi eis thesaurum tuum fontem aquæ vivæ, ut satiati, cesset murmuratio eorum. Et apparuit gloria Domini super eos.Select Numbers 20:6

7Locutusque est Dominus ad Moysen, dicens :Select Numbers 20:7

8Tolle virgam, et congrega populum, tu et Aaron frater tuus, et loquimini ad petram coram eis, et illa dabit aquas. Cumque eduxeris aquam de petra, bibet omnis multitudo et jumenta ejus.Select Numbers 20:8

9Tulit igitur Moyses virgam, quæ erat in conspectu Domini, sicut præceperat ei,Select Numbers 20:9

10congregata multitudine ante petram : dixitque eis : Audite, rebelles et increduli : num de petra hac vobis aquam poterimus ejicere ?Select Numbers 20:10

11Cumque elevasset Moyses manum, percutiens virga bis silicem, egressæ sunt aquæ largissimæ, ita ut populus biberet et jumenta.Select Numbers 20:11

12Dixitque Dominus ad Moysen et Aaron : Quia non credidistis mihi, ut sanctificaretis me coram filiis Israël, non introducetis hos populos in terram, quam dabo eis.Select Numbers 20:12

13Hæc est aqua contradictionis, ubi jurgati sunt filii Israël contra Dominum, et sanctificatus est in eis.Select Numbers 20:13

14Misit interea nuntios Moyses de Cades ad regem Edom, qui dicerent : Hæc mandat frater tuus Israël : Nosti omnem laborem qui apprehendit nos,Select Numbers 20:14

15quomodo descenderint patres nostri in Ægyptum, et habitaverimus ibi multo tempore, afflixerintque nos Ægyptii, et patres nostros :Select Numbers 20:15

16et quomodo clamaverimus ad Dominum, et exaudierit nos, miseritque angelum, qui eduxerit nos de Ægypto. Ecce in urbe Cades, quæ est in extremis finibus tuis, positi,Select Numbers 20:16

17obsecramus ut nobis transire liceat per terram tuam. Non ibimus per agros, nec per vineas ; non bibemus aquas de puteis tuis : sed gradiemur via publica, nec ad dexteram nec ad sinistram declinantes, donec transeamus terminos tuos.Select Numbers 20:17

18Cui respondit Edom : Non transibis per me, alioquin armatus occurram tibi.Select Numbers 20:18

19Dixeruntque filii Israël : Per tritam gradiemur viam : et si biberimus aquas tuas, nos et pecora nostra, dabimus quod justum est : nulla erit in pretio difficultas, tantum velociter transeamus.Select Numbers 20:19

20At ille respondit : Non transibis. Statimque egressus est obvius, cum infinita multitudo, et manu forti,Select Numbers 20:20

21nec voluit acquiescere deprecanti, ut concederet transitum per fines suos. Quam ob rem divertit ab eo Israël.Select Numbers 20:21

22Cumque castra movissent de Cades, venerunt in montem Hor, qui est in finibus terræ Edom :Select Numbers 20:22

23ubi locutus est Dominus ad Moysen :Select Numbers 20:23

24Pergat, inquit, Aaron ad populos suos : non enim intrabit terram, quam dedi filiis Israël, eo quod incredulus fuerit ori meo, ad aquas contradictionis.Select Numbers 20:24

25Tolle Aaron et filium ejus cum eo, et duces eos in montem Hor.Select Numbers 20:25

26Cumque nudaveris patrem veste sua, indues ea Eleazarum filium ejus : Aaron colligetur, et morietur ibi.Select Numbers 20:26

27Fecit Moyses ut præceperat Dominus : et ascenderunt in montem Hor coram omni multitudine.Select Numbers 20:27

28Cumque Aaron spoliasset vestibus suis, induit eis Eleazarum filium ejus.Select Numbers 20:28

29Illo mortuo in montis supercilio, descendit cum Eleazaro.Select Numbers 20:29

30Omnis autem multitudo videns occubuisse Aaron, flevit super eo triginta diebus per cunctas familias suas.Select Numbers 20:30