23Numbers 23

1Dixitque Balaam ad Balac : Ædifica mihi hic septem aras, et para totidem vitulos, ejusdemque numeri arietes.Select Numbers 23:1

2Cumque fecisset juxta sermonem Balaam, imposuerunt simul vitulum et arietem super aram.Select Numbers 23:2

3Dixitque Balaam ad Balac : Sta paulisper juxta holocaustum tuum, donec vadam, si forte occurrat mihi Dominus, et quodcumque imperaverit, loquar tibi.Select Numbers 23:3

4Cumque abiisset velociter, occurrit illi Deus. Locutusque ad eum Balaam : Septem, inquit, aras erexi, et imposui vitulum et arietem desuper.Select Numbers 23:4

5Dominus autem posuit verbum in ore ejus, et ait : Revertere ad Balac, et hæc loqueris.Select Numbers 23:5

6Reversus invenit stantem Balac juxta holocaustum suum, et omnes principes Moabitarum :Select Numbers 23:6

7assumptaque parabola sua, dixit : De Aram adduxit me Balac rex Moabitarum, de montibus orientis : Veni, inquit, et maledic Jacob ; propera, et detestare Israël.Select Numbers 23:7

8Quomodo maledicam, cui non maledixit Deus ? qua ratione detester, quem Dominus non detestatur ?Select Numbers 23:8

9De summis silicibus videbo eum, et de collibus considerabo illum. Populus solus habitabit, et inter gentes non reputabitur.Select Numbers 23:9

10Quis dinumerare possit pulverem Jacob, et nosse numerum stirpis Israël ? Moriatur anima mea morte justorum, et fiant novissima mea horum similia.Select Numbers 23:10

11Dixitque Balac ad Balaam : Quid est hoc quod agis ? ut malediceres inimicis meis vocavi te, et tu e contrario benedicis eis.Select Numbers 23:11

12Cui ille respondit : Num aliud possum loqui, nisi quod jusserit Dominus ?Select Numbers 23:12

13Dixit ergo Balac : Veni mecum in alterum locum unde partem Israël videas, et totum videre non possis : inde maledicito ei.Select Numbers 23:13

14Cumque duxisset eum in locum sublimem, super verticem montis Phasga, ædificavit Balaam septem aras, et impositis supra vitulo atque ariete,Select Numbers 23:14

15dixit ad Balac : Sta hic juxta holocaustum tuum, donec ego obvius pergam.Select Numbers 23:15

16Cui cum Dominus occurrisset, posuissetque verbum in ore ejus, ait : Revertere ad Balac, et hæc loqueris ei.Select Numbers 23:16

17Reversus invenit eum stantem juxta holocaustum suum, et principes Moabitarum cum eo. Ad quem Balac : Quid, inquit, locutus est Dominus ?Select Numbers 23:17

18At ille, assumpta parabola sua, ait : Sta, Balac, et ausculta ; audi, fili Sephor :Select Numbers 23:18

19non est Deus quasi homo, ut mentiatur, nec ut filius hominis, ut mutetur. Dixit ergo, et non faciet ? locutus est, et non implebit ?Select Numbers 23:19

20Ad benedicendum adductus sum : benedictionem prohibere non valeo.Select Numbers 23:20

21Non est idolum in Jacob, nec videtur simulacrum in Israël. Dominus Deus ejus cum eo est, et clangor victoriæ regis in illo.Select Numbers 23:21

22Deus eduxit illum de Ægypto, cujus fortitudo similis est rhinocerotis.Select Numbers 23:22

23Non est augurium in Jacob, nec divinatio in Israël : temporibus suis dicetur Jacob et Israëli quid operatus sit Deus.Select Numbers 23:23

24Ecce populus ut leæna consurget, et quasi leo erigetur : non accubabit donec devoret prædam, et occisorum sanguinem bibat.Select Numbers 23:24

25Dixitque Balac ad Balaam : Nec maledicas ei, nec benedicas.Select Numbers 23:25

26Et ille ait : Nonne dixi tibi quod quidquid mihi Deus imperaret, hoc facerem ?Select Numbers 23:26

27Et ait Balac ad eum : Veni, et ducam te ad alium locum : si forte placeat Deo ut inde maledicas eis.Select Numbers 23:27

28Cumque duxisset eum super verticem montis Phogor, qui respicit solitudinem,Select Numbers 23:28

29dixit ei Balaam : Ædifica mihi hic septem aras, et para totidem vitulos, ejusdemque numeri arietes.Select Numbers 23:29

30Fecit Balac ut Balaam dixerat : imposuitque vitulos et arietes per singulas aras.Select Numbers 23:30