24Numbers 24

1Cumque vidisset Balaam quod placeret Domino ut benediceret Israëli, nequaquam abiit ut ante perrexerat, ut augurium quæreret : sed dirigens contra desertum vultum suum,Select Numbers 24:1

2et elevans oculos, vidit Israël in tentoriis commorantem per tribus suas : et irruente in se spiritu Dei,Select Numbers 24:2

3assumpta parabola, ait : Dixit Balaam filius Beor : dixit homo, cujus obturatus est oculus :Select Numbers 24:3

4dixit auditor sermonum Dei, qui visionem Omnipotentis intuitus est, qui cadit, et sic aperiuntur oculi ejus :Select Numbers 24:4

5Quam pulchra tabernacula tua, Jacob, et tentoria tua, Israël !Select Numbers 24:5

6ut valles nemorosæ, ut horti juxta fluvios irrigui, ut tabernacula quæ fixit Dominus, quasi cedri prope aquas.Select Numbers 24:6

7Fluet aqua de situla ejus, et semen illius erit in aquas multas. Tolletur propter Agag, rex ejus, et auferetur regnum illius.Select Numbers 24:7

8Deus eduxit illum de Ægypto, cujus fortitudo similis est rhinocerotis. Devorabunt gentes hostes illius, ossaque eorum confringent, et perforabunt sagittis.Select Numbers 24:8

9Accubans dormivit ut leo, et quasi leæna, quam suscitare nullus audebit. Qui benedixerit tibi, erit et ipse benedictus : qui maledixerit, in maledictione reputabitur.Select Numbers 24:9

10Iratusque Balac contra Balaam, complosis manibus ait : Ad maledicendum inimicis meis vocavi te, quibus e contrario tertio benedixisti :Select Numbers 24:10

11revertere ad locum tuum. Decreveram quidem magnifice honorare te, sed Dominus privavit te honore disposito.Select Numbers 24:11

12Respondit Balaam ad Balac : Nonne nuntiis tuis, quos misisti ad me, dixi :Select Numbers 24:12

13Si dederit mihi Balac plenam domum suam argenti et auri, non potero præterire sermonem Domini Dei mei, ut vel boni quid vel mali proferam ex corde meo : sed quidquid Dominus dixerit, hoc loquar ?Select Numbers 24:13

14verumtamen pergens ad populum meum, dabo consilium, quid populus tuus populo huic faciat extremo tempore.Select Numbers 24:14

15Sumpta igitur parabola, rursum ait : Dixit Balaam filius Beor : dixit homo, cujus obturatus est oculus :Select Numbers 24:15

16dixit auditor sermonum Dei, qui novit doctrinam Altissimi, et visiones Omnipotentis videt, qui cadens apertos habet oculos :Select Numbers 24:16

17Videbo eum, sed non modo : intuebor illum, sed non prope. Orietur stella ex Jacob, et consurget virga de Israël : et percutiet duces Moab, vastabitque omnes filios Seth.Select Numbers 24:17

18Et erit Idumæa possessio ejus : hæreditas Seir cedet inimicis suis : Israël vero fortiter aget.Select Numbers 24:18

19De Jacob erit qui dominetur, et perdat reliquias civitatis.Select Numbers 24:19

20Cumque vidisset Amalec, assumens parabolam, ait : Principium gentium Amalec, cujus extrema perdentur.Select Numbers 24:20

21Vidit quoque Cinæum : et assumpta parabola, ait : Robustum quidem est habitaculum tuum : sed si in petra posueris nidum tuum,Select Numbers 24:21

22et fueris electus de stirpe Cin, quamdiu poteris permanere ? Assur enim capiet te.Select Numbers 24:22

23Assumptaque parabola iterum locutus est : Heu ! quis victurus est, quando ista faciet Deus ?Select Numbers 24:23

24Venient in trieribus de Italia : superabunt Assyrios, vastabuntque Hebræos, et ad extremum etiam ipsi peribunt.Select Numbers 24:24

25Surrexitque Balaam, et reversus est in locum suum : Balac quoque via, qua venerat, rediit.Select Numbers 24:25