41 Peter 4

1Christo igitur passo in carne, et vos eadem cogitatione armamini : quia qui passus est in carne, desiit a peccatis :Select 1 Peter 4:1

2ut jam non desideriis hominum, sed voluntati Dei, quod reliquum est in carne vivat temporis.Select 1 Peter 4:2

3Sufficit enim præteritum tempus ad voluntatem gentium consummandam his qui ambulaverunt in luxuriis, desideriis, vinolentiis, comessationibus, potationibus, et illicitis idolorum cultibus.Select 1 Peter 4:3

4In quo admirantur non concurrentibus vobis in eamdem luxuriæ confusionem, blasphemantes.Select 1 Peter 4:4

5Qui reddent rationem ei qui paratus est judicare vivos et mortuos.Select 1 Peter 4:5

6Propter hoc enim et mortuis evangelizatum est : ut judicentur quidem secundum homines in carne, vivant autem secundum Deum in spiritu.Select 1 Peter 4:6

7Omnium autem finis appropinquavit. Estote itaque prudentes, et vigilate in orationibus.Select 1 Peter 4:7

8Ante omnia autem, mutuam in vobismetipsis caritatem continuam habentes : quia caritas operit multitudinem peccatorum.Select 1 Peter 4:8

9Hospitales invicem sine murmuratione.Select 1 Peter 4:9

10Unusquisque, sicut accepit gratiam, in alterutrum illam administrantes, sicut boni dispensatores multiformis gratiæ Dei.Select 1 Peter 4:10

11Si quis loquitur, quasi sermones Dei : si quis ministrat, tamquam ex virtute, quam administrat Deus : ut in omnibus honorificetur Deus per Jesum Christum : cui est gloria et imperium in sæcula sæculorum. Amen.Select 1 Peter 4:11

12Carissimi, nolite peregrinari in fervore, qui ad tentationem vobis fit, quasi novi aliquid vobis contingat :Select 1 Peter 4:12

13sed communicantes Christi passionibus gaudete, ut et in revelatione gloriæ ejus gaudeatis exsultantes.Select 1 Peter 4:13

14Si exprobramini in nomine Christi, beati eritis : quoniam quod est honoris, gloriæ, et virtutis Dei, et qui est ejus Spiritus, super vos requiescit.Select 1 Peter 4:14

15Nemo autem vestrum patiatur ut homicida, aut fur, aut maledicus, aut alienorum appetitor.Select 1 Peter 4:15

16Si autem ut christianus, non erubescat : glorificet autem Deum in isto nomine :Select 1 Peter 4:16

17quoniam tempus est ut incipiat judicium a domo Dei. Si autem primum a nobis, quis finis eorum, qui non credunt Dei Evangelio ?Select 1 Peter 4:17

18et si justus vix salvabitur, impius et peccator ubi parebunt ?Select 1 Peter 4:18

19Itaque et hi, qui patiuntur secundum voluntatem Dei, fideli Creatori commendent animas suas in benefactis.Select 1 Peter 4:19