2Philippians 2

1Si qua ergo consolatio in Christo, si quod solatium caritatis, si qua societas spiritus, si qua viscera miserationis :Select Philippians 2:1

2implete gaudium meum ut idem sapiatis, eamdem caritatem habentes, unanimes, idipsum sentientes,Select Philippians 2:2

3nihil per contentionem, neque per inanem gloriam : sed in humilitate superiores sibi invicem arbitrantes,Select Philippians 2:3

4non quæ sua sunt singuli considerantes, sed ea quæ aliorum.Select Philippians 2:4

5Hoc enim sentite in vobis, quod et in Christo Jesu :Select Philippians 2:5

6qui cum in forma Dei esset, non rapinam arbitratus est esse se æqualem Deo :Select Philippians 2:6

7sed semetipsum exinanivit, formam servi accipiens, in similitudinem hominum factus, et habitu inventus ut homo.Select Philippians 2:7

8Humiliavit semetipsum factus obediens usque ad mortem, mortem autem crucis.Select Philippians 2:8

9Propter quod et Deus exaltavit illum, et donavit illi nomen, quod est super omne nomen :Select Philippians 2:9

10ut in nomine Jesu omne genu flectatur cælestium, terrestrium et infernorum,Select Philippians 2:10

11et omnis lingua confiteatur, quia Dominus Jesus Christus in gloria est Dei Patris.Select Philippians 2:11

12Itaque carissimi mei (sicut semper obedistis), non ut in præsentia mei tantum, sed multo magis nunc in absentia mea, cum metu et tremore vestram salutem operamini.Select Philippians 2:12

13Deus est enim, qui operatur in vobis et velle, et perficere pro bona voluntate.Select Philippians 2:13

14Omnia autem facite sine murmurationibus et hæsitationibus :Select Philippians 2:14

15ut sitis sine querela, et simplices filii Dei, sine reprehensione in medio nationis pravæ et perversæ : inter quos lucetis sicut luminaria in mundo,Select Philippians 2:15

16verbum vitæ continentes ad gloriam meam in die Christi, quia non in vacuum cucurri, neque in vacuum laboravi.Select Philippians 2:16

17Sed et si immolor supra sacrificium, et obsequium fidei vestræ, gaudeo, et congratulor omnibus vobis.Select Philippians 2:17

18Idipsum autem et vos gaudete, et congratulamini mihi.Select Philippians 2:18

19Spero autem in Domino Jesu, Timotheum me cito mittere ad vos : ut et ego bono animo sim, cognitis quæ circa vos sunt.Select Philippians 2:19

20Neminem enim habeo tam unanimem, qui sincera affectione pro vobis sollicitus sit.Select Philippians 2:20

21Omnes enim quæ sua sunt quærunt, non quæ sunt Jesu Christi.Select Philippians 2:21

22Experimentum autem ejus cognoscite, quia sicut patri filius, mecum servivit in Evangelio.Select Philippians 2:22

23Hunc igitur spero me mittere ad vos, mox ut videro quæ circa me sunt.Select Philippians 2:23

24Confido autem in Domino quoniam et ipse veniam ad vos cito.Select Philippians 2:24

25Necessarium autem existimavi Epaphroditum fratrem, et cooperatorem, et commilitonem meum, vestrum autem apostolum, et ministrum necessitatis meæ, mittere ad vos :Select Philippians 2:25

26quoniam quidem omnes vos desiderabat : et mœstus erat, propterea quod audieratis illum infirmatum.Select Philippians 2:26

27Nam et infirmatus est usque ad mortem : sed Deus misertus est ejus : non solum autem ejus, verum etiam et mei, ne tristitiam super tristitiam haberem.Select Philippians 2:27

28Festinantius ergo misi illum, ut viso eo iterum gaudeatis, et ego sine tristitia sim.Select Philippians 2:28

29Excipite itaque illum cum omni gaudio in Domino, et ejusmodi cum honore habetote ;Select Philippians 2:29

30quoniam propter opus Christi usque ad mortem accessit, tradens animam suam ut impleret id quod ex vobis deerat erga meum obsequium.Select Philippians 2:30