3Philippians 3

1De cetero, fratres mei, gaudete in Domino. Eadem vobis scribere, mihi quidem non pigrum, vobis autem necessarium.Select Philippians 3:1

2Videte canes, videte malos operarios, videte concisionem.Select Philippians 3:2

3Nos enim sumus circumcisio, qui spiritu servimus Deo, et gloriamur in Christo Jesu, et non in carne fiduciam habentes,Select Philippians 3:3

4quamquam ego habeam confidentiam et in carne. Si quis alius videtur confidere in carne, ego magis,Select Philippians 3:4

5circumcisus octavo die, ex genere Israël, de tribu Benjamin, Hebræus ex Hebræis, secundum legem pharisæus,Select Philippians 3:5

6secundum æmulationem persequens Ecclesiam Dei, secundum justitiam, quæ in lege est, conversatus sine querela.Select Philippians 3:6

7Sed quæ mihi fuerunt lucra, hæc arbitratus sum propter Christum detrimenta.Select Philippians 3:7

8Verumtamen existimo omnia detrimentum esse propter eminentem scientiam Jesu Christi Domini mei : propter quem omnia detrimentum feci, et arbitror ut stercora, ut Christum lucrifaciam,Select Philippians 3:8

9et inveniar in illo non habens meam justitiam, quæ ex lege est, sed illam, quæ ex fide est Christi Jesu : quæ ex Deo est justitia in fide,Select Philippians 3:9

10ad cognoscendum illum, et virtutem resurrectionis ejus, et societatem passionum illius : configuratus morti ejus :Select Philippians 3:10

11si quo modo occurram ad resurrectionem, quæ est ex mortuis :Select Philippians 3:11

12non quod jam acceperim, aut jam perfectus sim : sequor autem, si quomodo comprehendam in quo et comprehensus sum a Christo Jesu.Select Philippians 3:12

13Fratres, ego me non arbitror comprehendisse. Unum autem, quæ quidem retro sunt obliviscens, ad ea vero quæ sunt priora, extendens meipsum,Select Philippians 3:13

14ad destinatum persequor, ad bravium supernæ vocationis Dei in Christo Jesu.Select Philippians 3:14

15Quicumque ergo perfecti sumus, hoc sentiamus : et si quid aliter sapitis, et hoc vobis Deus revelabit.Select Philippians 3:15

16Verumtamen ad quod pervenimus ut idem sapiamus, et in eadem permaneamus regula.Select Philippians 3:16

17Imitatores mei estote, fratres, et observate eos qui ita ambulant, sicut habetis formam nostram.Select Philippians 3:17

18Multi enim ambulant, quos sæpe dicebam vobis (nunc autem et flens dico) inimicos crucis Christi :Select Philippians 3:18

19quorum finis interitus : quorum Deus venter est : et gloria in confusione ipsorum, qui terrena sapiunt.Select Philippians 3:19

20Nostra autem conversatio in cælis est : unde etiam Salvatorem exspectamus Dominum nostrum Jesum Christum,Select Philippians 3:20

21qui reformabit corpus humilitatis nostræ, configuratum corpori claritatis suæ, secundum operationem, qua etiam possit subjicere sibi omnia.Select Philippians 3:21