12Acts 12

1Eodem autem tempore misit Herodes rex manus, ut affligeret quosdam de ecclesia.Select Acts 12:1

2Occidit autem Jacobum fratrem Joannis gladio.Select Acts 12:2

3Videns autem quia placeret Judæis, apposuit ut apprehenderet et Petrum. Erant autem dies Azymorum.Select Acts 12:3

4Quem cum apprehendisset, misit in carcerem, tradens quatuor quaternionibus militum custodiendum, volens post Pascha producere eum populo.Select Acts 12:4

5Et Petrus quidem servabatur in carcere. Oratio autem fiebat sine intermissione ab ecclesia ad Deum pro eo.Select Acts 12:5

6Cum autem producturus eum esset Herodes, in ipsa nocte erat Petrus dormiens inter duos milites, vinctus catenis duabus : et custodes ante ostium custodiebant carcerem.Select Acts 12:6

7Et ecce angelus Domini astitit, et lumen refulsit in habitaculo : percussoque latere Petri, excitavit eum, dicens : Surge velociter. Et ceciderunt catenæ de manibus ejus.Select Acts 12:7

8Dixit autem angelus ad eum : Præcingere, et calcea te caligas tuas. Et fecit sic. Et dixit illi : Circumda tibi vestimentum tuum, et sequere me.Select Acts 12:8

9Et exiens sequebatur eum, et nesciebat quia verum est, quod fiebat per angelum : existimabat autem se visum videre.Select Acts 12:9

10Transeuntes autem primam et secundam custodiam, venerunt ad portam ferream, quæ ducit ad civitatem : quæ ultro aperta est eis. Et exeuntes processerunt vicum unum : et continuo discessit angelus ab eo.Select Acts 12:10

11Et Petrus ad se reversus, dixit : Nunc scio vere quia misit Dominus angelum suum, et eripuit me de manu Herodis, et de omni exspectatione plebis Judæorum.Select Acts 12:11

12Consideransque venit ad domum Mariæ matris Joannis, qui cognominatus est Marcus, ubi erant multi congregati, et orantes.Select Acts 12:12

13Pulsante autem eo ostium januæ, processit puella ad audiendum, nomine Rhode.Select Acts 12:13

14Et ut cognovit vocem Petri, præ gaudio non aperuit januam, sed intro currens nuntiavit stare Petrum ante januam.Select Acts 12:14

15At illi dixerunt ad eam : Insanis. Illa autem affirmabat sic se habere. Illi autem dicebant : Angelus ejus est.Select Acts 12:15

16Petrus autem perseverabat pulsans. Cum autem aperuissent, viderunt eum, et obstupuerunt.Select Acts 12:16

17Annuens autem eis manu ut tacerent, narravit quomodo Dominus eduxisset eum de carcere, dixitque : Nuntiate Jacobo et fratribus hæc. Et egressus abiit in alium locum.Select Acts 12:17

18Facta autem die, erat non parva turbatio inter milites, quidnam factum esset de Petro.Select Acts 12:18

19Herodes autem cum requisisset eum et non invenisset, inquisitione facta de custodibus, jussit eos duci : descendensque a Judæa in Cæsaream, ibi commoratus est.Select Acts 12:19

20Erat autem iratus Tyriis et Sidoniis. At illi unanimes venerunt ad eum, et persuaso Blasto, qui erat super cubiculum regis, postulabant pacem, eo quod alerentur regiones eorum ab illo.Select Acts 12:20

21Statuto autem die Herodes vestitus veste regia sedit pro tribunali, et concionabatur ad eos.Select Acts 12:21

22Populus autem acclamabat : Dei voces, et non hominis.Select Acts 12:22

23Confestim autem percussit eum angelus Domini, eo quod non dedisset honorem Deo : et consumptus a vermibus, expiravit.Select Acts 12:23

24Verbum autem Domini crescebat, et multiplicabatur.Select Acts 12:24

25Barnabas autem et Saulus reversi sunt ab Jerosolymis expleto ministerio assumpto Joanne, qui cognominatus est Marcus.Select Acts 12:25