27Acts 27

1Ut autem judicatum est navigare eum in Italiam, et tradi Paulum cum reliquis custodiis centurioni nomine Julio cohortis Augustæ,Select Acts 27:1

2ascendentes navem Adrumetinam, incipientes navigare circa Asiæ loca, sustulimus, perseverante nobiscum Aristarcho Macedone Thessalonicensi.Select Acts 27:2

3Sequenti autem die devenimus Sidonem. Humane autem tractans Julius Paulum, permisit ad amicos ire, et curam sui agere.Select Acts 27:3

4Et inde cum sustulissemus, subnavigavimus Cyprum, propterea quod essent venti contrarii.Select Acts 27:4

5Et pelagus Ciliciæ et Pamphyliæ navigantes, venimus Lystram, quæ est Lyciæ :Select Acts 27:5

6et ibi inveniens centurio navem Alexandrinam navigantem in Italiam, transposuit nos in eam.Select Acts 27:6

7Et cum multis diebus tarde navigaremus, et vix devenissemus contra Gnidum, prohibente nos vento, adnavigavimus Cretæ juxta Salmonem :Select Acts 27:7

8et vix juxta navigantes, venimus in locum quemdam qui vocatur Boniportus, cui juxta erat civitas Thalassa.Select Acts 27:8

9Multo autem tempore peracto, et cum jam non esset tuta navigatio eo quod et jejunium jam præteriisset, consolabatur eos Paulus,Select Acts 27:9

10dicens eis : Viri, video quoniam cum injuria et multo damno non solum oneris, et navis, sed etiam animarum nostrarum incipit esse navigatio.Select Acts 27:10

11Centurio autem gubernatori et nauclero magis credebat, quam his quæ a Paulo dicebantur.Select Acts 27:11

12Et cum aptus portus non esset ad hiemandum, plurimi statuerunt consilium navigare inde, si quomodo possent, devenientes Phœnicen hiemare, portum Cretæ respicientem ad Africum et ad Corum.Select Acts 27:12

13Aspirante autem austro, æstimantes propositum se tenere, cum sustulissent de Asson, legebant Cretam.Select Acts 27:13

14Non post multum autem misit se contra ipsam ventus typhonicus, qui vocatur Euroaquilo.Select Acts 27:14

15Cumque arrepta esset navis, et non posset conari in ventum, data nave flatibus, ferebamur.Select Acts 27:15

16In insulam autem quamdam decurrentes, quæ vocatur Cauda, potuimus vix obtinere scapham.Select Acts 27:16

17Qua sublata, adjutoriis utebantur, accingentes navem, timentes ne in Syrtim inciderent, summisso vase sic ferebantur.Select Acts 27:17

18Valida autem nobis tempestate jactatis, sequenti die jactum fecerunt :Select Acts 27:18

19et tertia die suis manibus armamenta navis projecerunt.Select Acts 27:19

20Neque autem sole, neque sideribus apparentibus per plures dies, et tempestate non exigua imminente, jam ablata erat spes omnis salutis nostræ.Select Acts 27:20

21Et cum multa jejunatio fuisset, tunc stans Paulus in medio eorum, dixit : Oportebat quidem, o viri, audito me, non tollere a Creta, lucrique facere injuriam hanc et jacturam.Select Acts 27:21

22Et nunc suadeo vobis bono animo esse : amissio enim nullius animæ erit ex vobis, præterquam navis.Select Acts 27:22

23Astitit enim mihi hac nocte angelus Dei, cujus sum ego, et cui deservio,Select Acts 27:23

24dicens : Ne timeas, Paule : Cæsari te oportet assistere : et ecce donavit tibi Deus omnes qui navigant tecum.Select Acts 27:24

25Propter quod bono animo estote, viri : credo enim Deo quia sic erit, quemadmodum dictum est mihi.Select Acts 27:25

26In insulam autem quamdam oportet nos devenire.Select Acts 27:26

27Sed posteaquam quartadecima nox supervenit, navigantibus nobis in Adria circa mediam noctem, suspicabantur nautæ apparere sibi aliquam regionem.Select Acts 27:27

28Qui et summittentes bolidem, invenerunt passus viginti : et pusillum inde separati, invenerunt passus quindecim.Select Acts 27:28

29Timentes autem ne in aspera loca incideremus, de puppi mittentes anchoras quatuor, optabant diem fieri.Select Acts 27:29

30Nautis vero quærentibus fugere de navi, cum misissent scapham in mare, sub obtentu quasi inciperent a prora anchoras extendere,Select Acts 27:30

31dixit Paulus centurioni et militibus : Nisi hi in navi manserint, vos salvi fieri non potestis.Select Acts 27:31

32Tunc absciderunt milites funes scaphæ, et passi sunt eam excidere.Select Acts 27:32

33Et cum lux inciperet fieri, rogabat Paulus omnes sumere cibum, dicens : Quartadecima die hodie exspectantes jejuni permanetis, nihil accipientes.Select Acts 27:33

34Propter quod rogo vos accipere cibum pro salute vestra : quia nullius vestrum capillus de capite peribit.Select Acts 27:34

35Et cum hæc dixisset, sumens panem, gratias egit Deo in conspectu omnium : et cum fregisset, cœpit manducare.Select Acts 27:35

36Animæquiores autem facti omnes, et ipsi sumpserunt cibum.Select Acts 27:36

37Eramus vero universæ animæ in navi ducentæ septuaginta sex.Select Acts 27:37

38Et satiati cibo alleviabant navem, jactantes triticum in mare.Select Acts 27:38

39Cum autem dies factus esset, terram non agnoscebant : sinum vero quemdam considerabant habentem littus, in quem cogitabant si possent ejicere navem.Select Acts 27:39

40Et cum anchoras sustulissent, committebant se mari, simul laxantes juncturas gubernaculorum : et levato artemone secundum auræ flatum, tendebant ad littus.Select Acts 27:40

41Et cum incidissemus in locum dithalassum, impegerunt navem : et prora quidem fixa manebat immobilis, puppis vero solvebatur a vi maris.Select Acts 27:41

42Militum autem consilium fuit ut custodias occiderent, ne quis cum enatasset, effugeret.Select Acts 27:42

43Centurio autem volens servare Paulum, prohibuit fieri : jussitque eos qui possent natare, emittere se primos, et evadere, et ad terram exire :Select Acts 27:43

44et ceteros, alios in tabulis ferebant, quosdam super ea quæ de navi erant. Et sic factum est, ut omnes animæ evaderent ad terram.Select Acts 27:44