5Acts 5

1Vir autem quidam nomine Ananias, cum Saphira uxore suo vendidit agrum,Select Acts 5:1

2et fraudavit de pretio agri, conscia uxore sua : et afferens partem quamdam, ad pedes Apostolorum posuit.Select Acts 5:2

3Dixit autem Petrus : Anania, cur tentavit Satanas cor tuum, mentiri te Spiritui Sancto, et fraudare de pretio agri ?Select Acts 5:3

4nonne manens tibi manebat, et venundatum in tua erat potestate ? quare posuisti in corde tuo hanc rem ? non es mentitus hominibus, sed Deo.Select Acts 5:4

5Audiens autem Ananias hæc verba, cecidit, et expiravit. Et factus est timor magnus super omnes qui audierunt.Select Acts 5:5

6Surgentes autem juvenes amoverunt eum, et efferentes sepelierunt.Select Acts 5:6

7Factum est autem quasi horarum trium spatium, et uxor ipsius, nesciens quod factum fuerat, introivit.Select Acts 5:7

8Dixit autem ei Petrus : Dic mihi mulier, si tanti agrum vendidistis ? At illa dixit : Etiam tanti.Select Acts 5:8

9Petrus autem ad eam : Quid utique convenit vobis tentare Spiritum Domini ? Ecce pedes eorum qui sepelierunt virum tuum ad ostium, et efferent te.Select Acts 5:9

10Confestim cecidit ante pedes ejus, et expiravit. Intrantes autem juvenes invenerunt illam mortuam : et extulerunt, et sepelierunt ad virum suum.Select Acts 5:10

11Et factus est timor magnus in universa ecclesia, et in omnes qui audierunt hæc.Select Acts 5:11

12Per manus autem Apostolorum fiebant signa et prodigia multa in plebe. Et erant unanimiter omnes in porticu Salomonis.Select Acts 5:12

13Ceterorum autem nemo audebat se conjungere illis : sed magnificabat eos populus.Select Acts 5:13

14Magis autem augebatur credentium in Domino multitudo virorum ac mulierum,Select Acts 5:14

15ita ut in plateas ejicerent infirmos, et ponerent in lectulis et grabatis, ut, veniente Petro, saltem umbra illius obumbraret quemquam illorum, et liberarentur ab infirmitatibus suis.Select Acts 5:15

16Concurrebat autem et multitudo vicinarum civitatum Jerusalem, afferentes ægros, et vexatos a spiritibus immundis : qui curabantur omnes.Select Acts 5:16

17Exsurgens autem princeps sacerdotum, et omnes qui cum illo erant (quæ est hæresis sadducæorum), repleti sunt zelo :Select Acts 5:17

18et injecerunt manus in Apostolos, et posuerunt eos in custodia publica.Select Acts 5:18

19Angelus autem Domini per noctem aperiens januas carceris, et educens eos, dixit :Select Acts 5:19

20Ite, et stantes loquimini in templo plebi omnia verba vitæ hujus.Select Acts 5:20

21Qui cum audissent, intraverunt diluculo in templum, et docebant. Adveniens autem princeps sacerdotum, et qui cum eo erant, convocaverunt concilium, et omnes seniores filiorum Israël : et miserunt ad carcerem ut adducerentur.Select Acts 5:21

22Cum autem venissent ministri, et aperto carcere non invenissent illos, reversi nuntiaverunt,Select Acts 5:22

23dicentes : Carcerem quidem invenimus clausum cum omni diligentia, et custodes stantes ante januas : aperientes autem neminem intus invenimus.Select Acts 5:23

24Ut autem audierunt hos sermones magistratus templi et principes sacerdotum, ambigebant de illis quidnam fieret.Select Acts 5:24

25Adveniens autem quidam, nuntiavit eis : Quia ecce viri quos posuistis in carcerem, sunt in templo, stantes et docentes populum.Select Acts 5:25

26Tunc abiit magistratus cum ministris, et adduxit illos sine vi : timebant enim populum ne lapidarentur.Select Acts 5:26

27Et cum adduxissent illos, statuerunt in concilio : et interrogavit eos princeps sacerdotum,Select Acts 5:27

28dicens : Præcipiendo præcepimus vobis ne doceretis in nomine isto, et ecce replestis Jerusalem doctrina vestra : et vultis inducere super nos sanguinem hominis istius.Select Acts 5:28

29Respondens autem Petrus et Apostoli, dixerunt : Obedire oportet Deo magis quam hominibus.Select Acts 5:29

30Deus patrum nostrorum suscitavit Jesum, quem vos interemistis, suspendentes in ligno.Select Acts 5:30

31Hunc principem et salvatorem Deus exaltavit dextera sua ad dandam pœnitentiam Israëli, et remissionem peccatorum :Select Acts 5:31

32et nos sumus testes horum verborum, et Spiritus Sanctus, quem dedit Deus omnibus obedientibus sibi.Select Acts 5:32

33Hæc cum audissent, dissecabantur, et cogitabant interficere illos.Select Acts 5:33

34Surgens autem quidam in concilio pharisæus, nomine Gamaliel, legis doctor, honorabilis universæ plebi, jussit foras ad breve homines fieri,Select Acts 5:34

35dixitque ad illos : Viri Israëlitæ, attendite vobis super hominibus istis quid acturi sitis.Select Acts 5:35

36Ante hos enim dies extitit Theodas, dicens se esse aliquem, cui consensit numerus virorum circiter quadringentorum : qui occisus est, et omnes qui credebant ei, dissipati sunt, et redacti ad nihilum.Select Acts 5:36

37Post hunc extitit Judas Galilæus in diebus professionis, et avertit populum post se : et ipse periit, et omnes quotquot consenserunt ei, dispersi sunt.Select Acts 5:37

38Et nunc itaque dico vobis, discedite ab hominibus istis, et sinite illos : quoniam si est ex hominibus consilium hoc aut opus, dissolvetur :Select Acts 5:38

39si vero ex Deo est, non poteritis dissolvere illud, ne forte et Deo repugnare inveniamini. Consenserunt autem illi.Select Acts 5:39

40Et convocantes Apostolos, cæsis denuntiaverunt ne omnino loquerentur in nomine Jesu, et dimiserunt eos.Select Acts 5:40

41Et illi quidem ibant gaudentes a conspectu concilii, quoniam digni habiti sunt pro nomine Jesu contumeliam pati.Select Acts 5:41

42Omni autem die non cessabant in templo et circa domos, docentes et evangelizantes Christum Jesum.Select Acts 5:42