7Acts 7

1Dixit autem princeps sacerdotum : Si hæc ita se habent ?Select Acts 7:1

2Qui ait : Viri fratres et patres, audite : Deus gloriæ apparuit patri nostro Abrahæ cum esset in Mesopotamia, priusquam moraretur in Charan,Select Acts 7:2

3et dixit ad illum : Exi de terra tua, et de cognatione tua, et veni in terram quam monstravero tibi.Select Acts 7:3

4Tunc exiit de terra Chaldæorum, et habitavit in Charan. Et inde, postquam mortuus est pater ejus, transtulit illum in terram istam, in qua nunc vos habitatis.Select Acts 7:4

5Et non dedit illi hæreditatem in ea, nec passum pedis : sed repromisit dare illi eam in possessionem, et semini ejus post ipsum, cum non haberet filium.Select Acts 7:5

6Locutus est autem ei Deus : Quia erit semen ejus accola in terra aliena, et servituti eos subjicient, et male tractabunt eos annis quadringentis :Select Acts 7:6

7et gentem cui servierint, judicabo ego, dixit Dominus : et post hæc exibunt, et servient mihi in loco isto.Select Acts 7:7

8Et dedit illi testamentum circumcisionis : et sic genuit Isaac, et circumcidit eum die octavo : et Isaac, Jacob : et Jacob, duodecim patriarchas.Select Acts 7:8

9Et patriarchæ æmulantes, Joseph vendiderunt in Ægyptum : et erat Deus cum eo,Select Acts 7:9

10et eripuit eum ex omnibus tribulationibus ejus, et dedit ei gratiam et sapientiam in conspectu pharaonis regis Ægypti : et constituit eum præpositum super Ægyptum, et super omnem domum suam.Select Acts 7:10

11Venit autem fames in universam Ægyptum et Chanaan, et tribulatio magna : et non inveniebant cibos patres nostri.Select Acts 7:11

12Cum audisset autem Jacob esse frumentum in Ægypto, misit patres nostros primum :Select Acts 7:12

13et in secundo cognitus est Joseph a fratribus suis, et manifestatum est Pharaoni genus ejus.Select Acts 7:13

14Mittens autem Joseph, accersivit Jacob patrem suum et omnem cognationem suam, in animabus septuaginta quinque.Select Acts 7:14

15Et descendit Jacob in Ægyptum : et defunctus est ipse, et patres nostri.Select Acts 7:15

16Et translati sunt in Sichem, et positi sunt in sepulchro, quod emit Abraham pretio argenti a filiis Hemor filii Sichem.Select Acts 7:16

17Cum autem appropinquaret tempus promissionis quam confessus erat Deus Abrahæ, crevit populus, et multiplicatus est in Ægypto,Select Acts 7:17

18quoadusque surrexit alius rex in Ægypto, qui non sciebat Joseph.Select Acts 7:18

19Hic circumveniens genus nostrum, afflixit patres nostros ut exponerent infantes suos, ne vivificarentur.Select Acts 7:19

20Eodem tempore natus est Moyses, et fuit gratus Deo : qui nutritus est tribus mensibus in domo patris sui.Select Acts 7:20

21Exposito autem illo, sustulit eum filia Pharaonis, et nutrivit eum sibi in filium.Select Acts 7:21

22Et eruditus est Moyses omni sapientia Ægyptiorum, et erat potens in verbis et in operibus suis.Select Acts 7:22

23Cum autem impleretur ei quadraginta annorum tempus, ascendit in cor ejus ut visitaret fratres suos filios Israël.Select Acts 7:23

24Et cum vidisset quemdam injuriam patientem, vindicavit illum, et fecit ultionem ei qui injuriam sustinebat, percusso Ægyptio.Select Acts 7:24

25Existimabat autem intelligere fratres, quoniam Deus per manum ipsius daret salutem illis : at illi non intellexerunt.Select Acts 7:25

26Sequenti vero die apparuit illis litigantibus : et reconciliabat eos in pace, dicens : Viri, fratres estis : ut quid nocetis alterutrum ?Select Acts 7:26

27Qui autem injuriam faciebat proximo, repulit eum, dicens : Quis te constituit principem et judicem super nos ?Select Acts 7:27

28Numquid interficere me tu vis, quemadmodum interfecisti heri Ægyptium ?Select Acts 7:28

29Fugit autem Moyses in verbo isto : et factus est advena in terra Madian, ubi generavit filios duos.Select Acts 7:29

30Et expletis annis quadraginta, apparuit illi in deserto montis Sina angelus in igne flammæ rubi.Select Acts 7:30

31Moyses autem videns, admiratus est visum. Et accedente illo ut consideraret, facta est ad eum vox Domini, dicens :Select Acts 7:31

32Ego sum Deus patrum tuorum, Deus Abraham, Deus Isaac, et Deus Jacob. Tremefactus autem Moyses, non audebat considerare.Select Acts 7:32

33Dixit autem illi Dominus : Solve calceamentum pedum tuorum : locus enim in quo stas, terra sancta est.Select Acts 7:33

34Videns vidi afflictionem populi mei qui est in Ægypto, et gemitum eorum audivi, et descendi liberare eos. Et nunc veni, et mittam te in Ægyptum.Select Acts 7:34

35Hunc Moysen, quem negaverunt, dicentes : Quis te constituit principem et judicem ? hunc Deus principem et redemptorem misit, cum manu angeli qui apparuit illi in rubo.Select Acts 7:35

36Hic eduxit illos faciens prodigia et signa in terra Ægypti, et in rubro mari, et in deserto annis quadraginta.Select Acts 7:36

37Hic est Moyses, qui dixit filiis Israël : Prophetam suscitabit vobis Deus de fratribus vestris, tamquam me : ipsum audietis.Select Acts 7:37

38Hic est qui fuit in ecclesia in solitudine cum angelo, qui loquebatur ei in monte Sina, et cum patribus nostris : qui accepit verba vitæ dare nobis.Select Acts 7:38

39Cui noluerunt obedire patres nostri : sed repulerunt, et aversi sunt cordibus suis in Ægyptum,Select Acts 7:39

40dicentes ad Aaron : Fac nobis deos qui præcedant nos : Moyses enim hic, qui eduxit nos de terra Ægypti, nescimus quid factum sit ei.Select Acts 7:40

41Et vitulum fecerunt in diebus illis, et obtulerunt hostiam simulacro, et lætabantur in operibus manuum suarum.Select Acts 7:41

42Convertit autem Deus, et tradidit eos servire militiæ cæli, sicut scriptum est in libro prophetarum : Numquid victimas et hostias obtulistis mihi annis quadraginta in deserto, domus Israël ?Select Acts 7:42

43Et suscepistis tabernaculum Moloch, et sidus dei vestri Rempham, figuras quas fecistis adorare eas : et transferam vos trans Babylonem.Select Acts 7:43

44Tabernaculum testimonii fuit cum patribus nostris in deserto, sicut disposuit illis Deus loquens ad Moysen, ut faceret illud secundum formam quam viderat.Select Acts 7:44

45Quod et induxerunt, suscipientes patres nostri cum Jesu in possessionem gentium quas expulit Deus a facie patrum nostrorum, usque in diebus David,Select Acts 7:45

46qui invenit gratiam ante Deum, et petiit ut inveniret tabernaculum Deo Jacob.Select Acts 7:46

47Salomon autem ædificavit illi domum.Select Acts 7:47

48Sed non Excelsus in manufactis habitat, sicut propheta dicit :Select Acts 7:48

49Cælum mihi sedes est : terra autem scabellum pedum meorum. Quam domum ædificabitis mihi ? dicit Dominus : aut quis locus requietionis meæ est ?Select Acts 7:49

50Nonne manus mea fecit hæc omnia ?Select Acts 7:50

51Dura cervice, et incircumcisis cordibus et auribus, vos semper Spiritui Sancto resistitis : sicut patres vestri, ita et vos.Select Acts 7:51

52Quem prophetarum non sunt persecuti patres vestri ? et occiderunt eos qui prænuntiabant de adventu Justi, cujus vos nunc proditores et homicidæ fuistis :Select Acts 7:52

53qui accepistis legem in dispositione angelorum, et non custodistis.Select Acts 7:53

54Audientes autem hæc, dissecabantur cordibus suis, et stridebant dentibus in eum.Select Acts 7:54

55Cum autem esset plenus Spiritu Sancto, intendens in cælum, vidit gloriam Dei, et Jesum stantem a dextris Dei. Et ait : Ecce video cælos apertos, et Filium hominis stantem a dextris Dei.Select Acts 7:55

56Exclamantes autem voce magna continuerunt aures suas, et impetum fecerunt unanimiter in eum.Select Acts 7:56

57Et ejicientes eum extra civitatem, lapidabant : et testes deposuerunt vestimenta sua secus pedes adolescentis qui vocabatur Saulus.Select Acts 7:57

58Et lapidabant Stephanum invocantem, et dicentem : Domine Jesu, suscipe spiritum meum.Select Acts 7:58

59Positis autem genibus, clamavit voce magna, dicens : Domine, ne statuas illis hoc peccatum. Et cum hoc dixisset, obdormivit in Domino. Saulus autem erat consentiens neci ejus.Select Acts 7:59