211 Samuel 21

1Venit autem David in Nobe ad Achimelech sacerdotem : et obstupuit Achimelech, eo quod venisset David. Et dixit ei : Quare tu solus, et nullus est tecum ?Select 1 Samuel 21:1

2Et ait David ad Achimelech sacerdotem : Rex præcepit mihi sermonem, et dixit : Nemo sciat rem propter quam missus es a me, et cujusmodi præcepta tibi dederim : nam et pueris condixi in illum et illum locum.Select 1 Samuel 21:2

3Nunc ergo si quid habes ad manum, vel quinque panes, da mihi, aut quidquid inveneris.Select 1 Samuel 21:3

4Et respondens sacerdos ad David, ait illi : Non habeo laicos panes ad manum, sed tantum panem sanctum : si mundi sunt pueri, maxime a mulieribus ?Select 1 Samuel 21:4

5Et respondit David sacerdoti, et dixit ei : Equidem, si de mulieribus agitur : continuimus nos ab heri et nudiustertius quando egrediebamur, et fuerunt vasa puerorum sancta. Porro via hæc polluta est, sed et ipsa hodie sanctificabitur in vasis.Select 1 Samuel 21:5

6Dedit ergo ei sacerdos sanctificatum panem : neque enim erat ibi panis, nisi tantum panes propositionis, qui sublati fuerant a facie Domini, ut ponerentur panes calidi.Select 1 Samuel 21:6

7Erat autem ibi vir quidam de servis Saul in die illa, intus in tabernaculo Domini : et nomen ejus Doëg Idumæus, potentissimus pastorum Saul.Select 1 Samuel 21:7

8Dixit autem David ad Achimelech : Si habes hic ad manum hastam aut gladium ? quia gladium meum et arma mea non tuli mecum : sermo enim regis urgebat.Select 1 Samuel 21:8

9Et dixit sacerdos : Ecce hic gladius Goliath Philisthæi, quem percussisti in Valle terebinthi : est involutus pallio post ephod : si istum vis tollere, tolle : neque enim hic est alius absque eo. Et ait David : Non est huic alter similis : da mihi eum.Select 1 Samuel 21:9

10Surrexit itaque David, et fugit in die illa a facie Saul : et venit ad Achis regem Geth.Select 1 Samuel 21:10

11Dixeruntque servi Achis ad eum cum vidissent David : Numquid non iste est David rex terræ ? nonne huic cantabant per choros, dicentes : Percussit Saul mille, et David decem millia ?Select 1 Samuel 21:11

12Posuit autem David sermones istos in corde suo, et extimuit valde a facie Achis regis Geth.Select 1 Samuel 21:12

13Et immutavit os suum coram eis, et collabebatur inter manus eorum : et impingebat in ostia portæ, defluebantque salivæ ejus in barbam.Select 1 Samuel 21:13

14Et ait Achis ad servos suos : Vidistis hominem insanum : quare adduxistis eum ad me ?Select 1 Samuel 21:14

15an desunt nobis furiosi, quod introduxistis istum, ut fureret me præsente ? hiccine ingredietur domum meam ?Select 1 Samuel 21:15