152 Samuel 15

1Igitur post hæc fecit sibi Absalom currus, et equites, et quinquaginta viros qui præcederent eum.Select 2 Samuel 15:1

2Et mane consurgens Absalom, stabat juxta introitum portæ, et omnem virum qui habebat negotium ut veniret ad regis judicium, vocabat Absalom ad se, et dicebat : De qua civitate es tu ? Qui respondens aiebat : Ex una tribu Israël ego sum servus tuus.Select 2 Samuel 15:2

3Respondebatque ei Absalom : Videntur mihi sermones tui boni et justi, sed non est qui te audiat constitutus a rege. Dicebatque Absalom :Select 2 Samuel 15:3

4Quis me constituat judicem super terram, ut ad me veniant omnes qui habent negotium, et juste judicem ?Select 2 Samuel 15:4

5Sed et cum accederet ad eum homo ut salutaret illum, extendebat manum suam, et apprehendens osculabatur eum.Select 2 Samuel 15:5

6Faciebatque hoc omni Israël venienti ad judicium ut audiretur a rege, et sollicitabat corda virorum Israël.Select 2 Samuel 15:6

7Post quadraginta autem annos, dixit Absalom ad regem David : Vadam, et reddam vota mea quæ vovi Domino in Hebron.Select 2 Samuel 15:7

8Vovens enim vovit servus tuus cum esset in Gessur Syriæ, dicens : Si reduxerit me Dominus in Jerusalem, sacrificabo Domino.Select 2 Samuel 15:8

9Dixitque ei rex David : Vade in pace. Et surrexit, et abiit in Hebron.Select 2 Samuel 15:9

10Misit autem Absalom exploratores in universas tribus Israël, dicens : Statim ut audieritis clangorem buccinæ, dicite : Regnavit Absalom in Hebron.Select 2 Samuel 15:10

11Porro cum Absalom ierunt ducenti viri de Jerusalem vocati, euntes simplici corde, et causam penitus ignorantes.Select 2 Samuel 15:11

12Accersivit quoque Absalom Achitophel Gilonitem consiliarium David, de civitate sua Gilo. Cumque immolaret victimas, facta est conjuratio valida, populusque concurrens augebatur cum Absalom.Select 2 Samuel 15:12

13Venit igitur nuntius ad David, dicens : Toto corde universus Israël sequitur Absalom.Select 2 Samuel 15:13

14Et ait David servis suis qui erant cum eo in Jerusalem : Surgite, fugiamus : neque enim erit nobis effugium a facie Absalom : festinate egredi, ne forte veniens occupet nos, et impellat super nos ruinam, et percutiat civitatem in ore gladii.Select 2 Samuel 15:14

15Dixeruntque servi regis ad eum : Omnia quæcumque præceperit dominus noster rex, libenter exequemur servi tui.Select 2 Samuel 15:15

16Egressus est ergo rex et universa domus ejus pedibus suis : et dereliquit rex decem mulieres concubinas ad custodiendam domum.Select 2 Samuel 15:16

17Egressusque rex et omnis Israël pedibus suis, stetit procul a domo :Select 2 Samuel 15:17

18et universi servi ejus ambulabant juxta eum, et legiones Cerethi, et Phelethi, et omnes Gethæi, pugnatores validi, sexcenti viri qui secuti eum fuerant de Geth pedites, præcedebant regem.Select 2 Samuel 15:18

19Dixit autem rex ad Ethai Gethæum : Cur venis nobiscum ? revertere, et habita cum rege, quia peregrinus es, et egressus es de loco tuo.Select 2 Samuel 15:19

20Heri venisti, et hodie compelleris nobiscum egredi ? ego autem vadam quo iturus sum : revertere, et reduc tecum fratres tuos, et Dominus faciet tecum misericordiam et veritatem, quia ostendisti gratiam et fidem.Select 2 Samuel 15:20

21Et respondit Ethai regi dicens : Vivit Dominus, et vivit dominus meus rex, quoniam in quocumque loco fueris, domine mi rex, sive in morte, sive in vita, ibi erit servus tuus.Select 2 Samuel 15:21

22Et ait David Ethai : Veni, et transi. Et transivit Ethai Gethæus, et omnes viri qui cum eo erant, et reliqua multitudo.Select 2 Samuel 15:22

23Omnesque flebant voce magna, et universus populus transibat : rex quoque transgrediebatur torrentem Cedron, et cunctus populus incedebat contra viam quæ respicit ad desertum.Select 2 Samuel 15:23

24Venit autem et Sadoc sacerdos, et universi Levitæ cum eo, portantes arcam fœderis Dei : et deposuerunt arcam Dei. Et ascendit Abiathar, donec expletus esset omnis populus qui egressus fuerat de civitate.Select 2 Samuel 15:24

25Et dixit rex ad Sadoc : Reporta arcam Dei in urbem : si invenero gratiam in oculis Domini, reducet me, et ostendet mihi eam, et tabernaculum suum.Select 2 Samuel 15:25

26Si autem dixerit mihi : Non places : præsto sum : faciat quod bonum est coram se.Select 2 Samuel 15:26

27Et dixit rex ad Sadoc sacerdotem : O videns, revertere in civitatem in pace : et Achimaas filius tuus, et Jonathas filius Abiathar, duo filii vestri, sint vobiscum.Select 2 Samuel 15:27

28Ecce ego abscondar in campestribus deserti, donec veniat sermo a vobis indicans mihi.Select 2 Samuel 15:28

29Reportaverunt ergo Sadoc et Abiathar arcam Dei in Jerusalem, et manserunt ibi.Select 2 Samuel 15:29

30Porro David ascendebat clivum Olivarum, scandens et flens, nudis pedibus incedens, et operto capite : sed et omnis populus qui erat cum eo, operto capite ascendebat plorans.Select 2 Samuel 15:30

31Nuntiatum est autem David quod et Achitophel esset in conjuratione cum Absalom : dixitque David : Infatua, quæso, Domine, consilium Achitophel.Select 2 Samuel 15:31

32Cumque ascenderet David summitatem montis in quo adoraturus erat Dominum, ecce occurrit ei Chusai Arachites, scissa veste, et terra pleno capite.Select 2 Samuel 15:32

33Et dixit ei David : Si veneris mecum, eris mihi oneri :Select 2 Samuel 15:33

34si autem in civitatem revertaris, et dixeris Absalom : Servus tuus sum, rex : sicut fui servus patris tui, sic ero servus tuus : dissipabis consilium Achitophel.Select 2 Samuel 15:34

35Habes autem tecum Sadoc et Abiathar sacerdotes : et omne verbum quodcumque audieris de domo regis, indicabis Sadoc et Abiathar sacerdotibus.Select 2 Samuel 15:35

36Sunt autem cum eis duo filii eorum Achimaas filius Sadoc, et Jonathas filius Abiathar : et mittetis per eos ad me omne verbum quod audieritis.Select 2 Samuel 15:36

37Veniente ergo Chusai amico David in civitatem, Absalom quoque ingressus est Jerusalem.Select 2 Samuel 15:37