52 Samuel 5

1Et venerunt universæ tribus Israël ad David in Hebron, dicentes : Ecce nos os tuum et caro tua sumus.Select 2 Samuel 5:1

2Sed et heri et nudiustertius cum esset Saul rex super nos, tu eras educens et reducens Israël : dixit autem Dominus ad te : Tu pasces populum meum Israël, et tu eris dux super Israël.Select 2 Samuel 5:2

3Venerunt quoque et seniores Israël ad regem in Hebron, et percussit cum eis rex David fœdus in Hebron coram Domino : unxeruntque David in regem super Israël.Select 2 Samuel 5:3

4Filius triginta annorum erat David cum regnare cœpisset, et quadraginta annis regnavit.Select 2 Samuel 5:4

5In Hebron regnavit super Judam septem annis et sex mensibus : in Jerusalem autem regnavit triginta tribus annis super omnem Israël et Judam.Select 2 Samuel 5:5

6Et abiit rex, et omnes viri qui erant cum eo, in Jerusalem, ad Jebusæum habitatorem terræ : dictumque est David ab eis : Non ingredieris huc, nisi abstuleris cæcos et claudos dicentes : Non ingredietur David huc.Select 2 Samuel 5:6

7Cepit autem David arcem Sion : hæc est civitas David.Select 2 Samuel 5:7

8Proposuerat enim David in die illa præmium, qui percussisset Jebusæum, et tetigisset domatum fistulas, et abstulisset cæcos et claudos odientes animam David. Idcirco dicitur in proverbio : Cæcus et claudus non intrabunt in templum.Select 2 Samuel 5:8

9Habitavit autem David in arce, et vocavit eam civitatem David : et ædificavit per gyrum a Mello et intrinsecus.Select 2 Samuel 5:9

10Et ingrediebatur proficiens atque succrescens, et Dominus Deus exercituum erat cum eo.Select 2 Samuel 5:10

11Misit quoque Hiram rex Tyri nuntios ad David, et ligna cedrina, et artifices lignorum, artificesque lapidum ad parietes : et ædificaverunt domum David.Select 2 Samuel 5:11

12Et cognovit David quoniam confirmasset eum Dominus regem super Israël, et quoniam exaltasset regnum ejus super populum suum Israël.Select 2 Samuel 5:12

13Accepit ergo David adhuc concubinas et uxores de Jerusalem, postquam venerat de Hebron : natique sunt David et alii filii et filiæ :Select 2 Samuel 5:13

14et hæc nomina eorum, qui nati sunt ei in Jerusalem : Samua, et Sobab, et Nathan, et Salomon,Select 2 Samuel 5:14

15et Jebahar, et Elisua, et Nepheg,Select 2 Samuel 5:15

16et Japhia, et Elisama, et Elioda, et Eliphaleth.Select 2 Samuel 5:16

17Audierunt ergo Philisthiim quod unxissent David in regem super Israël, et ascenderunt universi ut quærerent David : quod cum audisset David, descendit in præsidium.Select 2 Samuel 5:17

18Philisthiim autem venientes diffusi sunt in valle Raphaim.Select 2 Samuel 5:18

19Et consuluit David Dominum, dicens : Si ascendam ad Philisthiim ? et si dabis eos in manu mea ? Et dixit Dominus ad David : Ascende, quia tradens dabo Philisthiim in manu tua.Select 2 Samuel 5:19

20Venit ergo David in Baal Pharasim : et percussit eos ibi, et dixit : Divisit Dominus inimicos meos coram me, sicut dividuntur aquæ. Propterea vocatum est nomen loci illius, Baal Pharasim.Select 2 Samuel 5:20

21Et reliquerunt ibi sculptilia sua, quæ tulit David et viri ejus.Select 2 Samuel 5:21

22Et addiderunt adhuc Philisthiim ut ascenderent, et diffusi sunt in valle Raphaim.Select 2 Samuel 5:22

23Consuluit autem David Dominum : Si ascendam contra Philisthæos, et tradas eos in manus meas ? Qui respondit : Non ascendas contra eos, sed gyra post tergum eorum, et venies ad eos ex adverso pyrorum.Select 2 Samuel 5:23

24Et cum audieris sonitum gradientis in cacumine pyrorum, tunc inibis prælium : quia tunc egredietur Dominus ante faciem tuam, ut percutiat castra Philisthiim.Select 2 Samuel 5:24

25Fecit itaque David sicut præceperat ei Dominus, et percussit Philisthiim de Gabaa usque dum venias Gezer.Select 2 Samuel 5:25