10Judges 10

1Post Abimelech surrexit dux in Israël Thola filius Phua patrui Abimelech, vir de Issachar, qui habitavit in Samir montis Ephraim :Select Judges 10:1

2et judicavit Israëlem viginti et tribus annis, mortuusque est, ac sepultus in Samir.Select Judges 10:2

3Huic successit Jair Galaadites, qui judicavit Israël per viginti et duos annos,Select Judges 10:3

4habens triginta filios sedentes super triginta pullos asinarum, et principes triginta civitatum, quæ ex nomine ejus sunt appellatæ Havoth Jair, id est, oppida Jair, usque in præsentem diem, in terra Galaad.Select Judges 10:4

5Mortuusque est Jair, ac sepultus in loco cui est vocabulum Camon.Select Judges 10:5

6Filii autem Israël peccatis veteribus jungentes nova, fecerunt malum in conspectu Domini, et servierunt idolis, Baalim et Astaroth, et diis Syriæ ac Sidonis et Moab et filiorum Ammon et Philisthiim : dimiseruntque Dominum, et non coluerunt eum.Select Judges 10:6

7Contra quos Dominus iratus, tradidit eos in manus Philisthiim et filiorum Ammon.Select Judges 10:7

8Afflictique sunt, et vehementer oppressi per annos decem et octo, omnes qui habitabant trans Jordanem in terra Amorrhæi, qui est in Galaad :Select Judges 10:8

9in tantum ut filii Ammon, Jordane transmisso, vastarent Judam et Benjamin et Ephraim : afflictusque est Israël nimis.Select Judges 10:9

10Et clamantes ad Dominum, dixerunt : Peccavimus tibi, quia dereliquimus Dominum Deum nostrum, et servivimus Baalim.Select Judges 10:10

11Quibus locutus est Dominus : Numquid non Ægyptii et Amorrhæi, filiique Ammon et Philisthiim,Select Judges 10:11

12Sidonii quoque et Amalec et Chanaan oppresserunt vos, et clamastis ad me, et erui vos de manu eorum ?Select Judges 10:12

13Et tamen reliquistis me, et coluistis deos alienos : idcirco non addam ut ultra vos liberem :Select Judges 10:13

14ite, et invocate deos quos elegistis : ipsi vos liberent in tempore angustiæ.Select Judges 10:14

15Dixeruntque filii Israël ad Dominum : Peccavimus, redde tu nobis quidquid tibi placet : tantum nunc libera nos.Select Judges 10:15

16Quæ dicentes, omnia de finibus suis alienorum deorum idola projecerunt, et servierunt Domino Deo : qui doluit super miseriis eorum.Select Judges 10:16

17Itaque filii Ammon conclamantes in Galaad fixere tentoria, contra quos congregati filii Israël in Maspha castrametati sunt.Select Judges 10:17

18Dixeruntque principes Galaad singuli ad proximos suos : Qui primus ex nobis contra filios Ammon cœperit dimicare, erit dux populi Galaad.Select Judges 10:18