5Judges 5

1Cecineruntque Debbora et Barac filius Abinoëm in illo die, dicentes :Select Judges 5:1

2Qui sponte obtulistis de Israël animas vestras ad periculum, benedicite Domino.Select Judges 5:2

3Audite, reges ; auribus percipite, principes : ego sum, ego sum, quæ Domino canam, psallam Domino Deo Israël.Select Judges 5:3

4Domine, cum exires de Seir, et transires per regiones Edom, terra mota est, cælique ac nubes distillaverunt aquis.Select Judges 5:4

5Montes fluxerunt a facie Domini, et Sinai a facie Domini Dei Israël.Select Judges 5:5

6In diebus Samgar filii Anath, in diebus Jahel quieverunt semitæ : et qui ingrediebantur per eas, ambulaverunt per calles devios.Select Judges 5:6

7Cessaverunt fortes in Israël, et quieverunt : donec surgeret Debbora, surgeret mater in Israël.Select Judges 5:7

8Nova bella elegit Dominus, et portas hostium ipse subvertit : clypeus et hasta si apparuerint in quadraginta millibus Israël.Select Judges 5:8

9Cor meum diligit principes Israël : qui propria voluntate obtulistis vos discrimini, benedicite Domino.Select Judges 5:9

10Qui ascenditis super nitentes asinos, et sedetis in judicio, et ambulatis in via, loquimini.Select Judges 5:10

11Ubi collisi sunt currus, et hostium suffocatus est exercitus, ibi narrentur justitiæ Domini, et clementia in fortes Israël : tunc descendit populus Domini ad portas, et obtinuit principatum.Select Judges 5:11

12Surge, surge Debbora ; surge, surge, et loquere canticum : surge Barac, et apprehende captivos tuos, fili Abinoëm.Select Judges 5:12

13Salvatæ sunt reliquiæ populi : Dominus in fortibus dimicavit.Select Judges 5:13

14Ex Ephraim delevit eos in Amalec, et post eum ex Benjamin in populos tuos, o Amalec : de Machir principes descenderunt, et de Zabulon qui exercitum ducerent ad bellandum.Select Judges 5:14

15Duces Issachar fuere cum Debbora, et Barac vestigia sunt secuti, qui quasi in præceps ac barathrum se discrimini dedit : diviso contra se Ruben, magnanimorum reperta est contentio.Select Judges 5:15

16Quare habitas inter duos terminos, ut audias sibilos gregum ? diviso contra se Ruben, magnanimorum reperta est contentio.Select Judges 5:16

17Galaad trans Jordanem quiescebat, et Dan vacabat navibus : Aser habitabat in littore maris, et in portubus morabatur.Select Judges 5:17

18Zabulon vero et Nephthali obtulerunt animas suas morti in regione Merome.Select Judges 5:18

19Venerunt reges et pugnaverunt : pugnaverunt reges Chanaan in Thanach juxta aquas Mageddo, et tamen nihil tulere prædantes.Select Judges 5:19

20De cælo dimicatum est contra eos : stellæ manentes in ordine et cursu suo, adversus Sisaram pugnaverunt.Select Judges 5:20

21Torrens Cison traxit cadavera eorum, torrens Cadumim, torrens Cison : conculca, anima mea, robustos.Select Judges 5:21

22Ungulæ equorum ceciderunt, fugientibus impetu, et per præceps ruentibus fortissimis hostium.Select Judges 5:22

23Maledicite terræ Meroz, dixit angelus Domini : maledicite habitatoribus ejus, quia non venerunt ad auxilium Domini, in adjutorium fortissimorum ejus.Select Judges 5:23

24Benedicta inter mulieres Jahel uxor Haber Cinæi, et benedicatur in tabernaculo suo.Select Judges 5:24

25Aquam petenti lac dedit, et in phiala principum obtulit butyrum.Select Judges 5:25

26Sinistram manum misit ad clavum, et dexteram ad fabrorum malleos. Percussitque Sisaram quærens in capite vulneri locum, et tempus valide perforans :Select Judges 5:26

27inter pedes ejus ruit ; defecit, et mortuus est : volvebatur ante pedes ejus, et jacebat exanimis et miserabilis.Select Judges 5:27

28Per fenestram respiciens, ululabat mater ejus : et de cœnaculo loquebatur : Cur moratur regredi currus ejus ? quare tardaverunt pedes quadrigarum illius ?Select Judges 5:28

29Una sapientior ceteris uxoribus ejus, hæc socrui verba respondit :Select Judges 5:29

30Forsitan nunc dividit spolia, et pulcherrima feminarum eligitur ei : vestes diversorum colorum Sisaræ traduntur in prædam, et supellex varia ad ornanda colla congeritur.Select Judges 5:30

31Sic pereant omnes inimici tui, Domine : qui autem diligunt te, sicut sol in ortu suo splendet, ita rutilent.Select Judges 5:31

32Quievitque terra per quadraginta annos.Select Judges 5:32