6Zechariah 6

1Et conversus sum, et levavi oculos meos, et vidi : et ecce quatuor quadrigæ egredientes de medio duorum montium : et montes, montes ærei.Select Zechariah 6:1

2In quadriga prima equi rufi, et in quadriga secunda equi nigri,Select Zechariah 6:2

3et in quadriga tertia equi albi, et in quadriga quarta equi varii et fortes.Select Zechariah 6:3

4Et respondi, et dixi ad angelum qui loquebatur in me : Quid sunt hæc, domine mi ?Select Zechariah 6:4

5Et respondit angelus, et ait ad me : Isti sunt quatuor venti cæli, qui egrediuntur ut stent coram Dominatore omnis terræ.Select Zechariah 6:5

6In qua erant equi nigri, egrediebantur in terram aquilonis : et albi egressi sunt post eos, et varii egressi sunt ad terram austri.Select Zechariah 6:6

7Qui autem erant robustissimi, exierunt, et quærebant ire et discurrere per omnem terram. Et dixit : Ite, perambulate terram : et perambulaverunt terram.Select Zechariah 6:7

8Et vocavit me, et locutus est ad me, dicens : Ecce qui egrediuntur in terram aquilonis, requiescere fecerunt spiritum meum in terra aquilonis.Select Zechariah 6:8

9Et factum est verbum Domini ad me, dicens :Select Zechariah 6:9

10Sume a transmigratione, ab Holdai, et a Tobia, et ab Idaia : et venies tu in die illa, et intrabis domum Josiæ filii Sophoniæ, qui venerunt de Babylone.Select Zechariah 6:10

11Et sumes aurum et argentum, et facies coronas, et pones in capite Jesu filii Josedec, sacerdotis magni :Select Zechariah 6:11

12et loqueris ad eum, dicens : Hæc ait Dominus exercituum, dicens : Ecce vir, Oriens nomen ejus, et subter eum orietur, et ædificabit templum Domino.Select Zechariah 6:12

13Et ipse exstruet templum Domino : et ipse portabit gloriam, et sedebit, et dominabitur super solio suo : et erit sacerdos super solio suo, et consilium pacis erit inter illos duos.Select Zechariah 6:13

14Et coronæ erunt Helem, et Tobiæ, et Idaiæ, et Hem filio Sophoniæ, memoriale in templo Domini.Select Zechariah 6:14

15Et qui procul sunt, venient, et ædificabunt in templo Domini : et scietis quia Dominus exercituum misit me ad vos. Erit autem hoc, si auditu audieritis vocem Domini Dei vestri.Select Zechariah 6:15