11Deuteronomy 11

1Ama itaque Dominum Deum tuum, et observa præcepta ejus et cæremonias, judicia atque mandata, omni tempore.Select Deuteronomy 11:1

2Cognoscite hodie quæ ignorant filii vestri, qui non viderunt disciplinam Domini Dei vestri, magnalia ejus et robustam manum, extentumque brachium,Select Deuteronomy 11:2

3signa et opera quæ fecit in medio Ægypti Pharaoni regi, et universæ terræ ejus,Select Deuteronomy 11:3

4omnique exercitui Ægyptiorum, et equis ac curribus : quomodo operuerint eos aquæ maris Rubri, cum vos persequerentur, et deleverit eos Dominus usque in præsentem diem :Select Deuteronomy 11:4

5vobisque quæ fecerit in solitudine donec veniretis ad hunc locum :Select Deuteronomy 11:5

6et Dathan atque Abiron filiis Eliab, qui fuit filius Ruben : quos aperto ore suo terra absorbuit, cum domibus et tabernaculis, et universa substantia eorum, quam habebant in medio Israël.Select Deuteronomy 11:6

7Oculi vestri viderunt opera Domini magna quæ fecit,Select Deuteronomy 11:7

8ut custodiatis universa mandata illius, quæ ego hodie præcipio vobis, et possitis introire, et possidere terram, ad quam ingredimini,Select Deuteronomy 11:8

9multoque in ea vivatis tempore : quam sub juramento pollicitus est Dominus patribus vestris, et semini eorum, lacte et melle manantem.Select Deuteronomy 11:9

10Terra enim, ad quam ingrederis possidendam, non est sicut terra Ægypti, de qua existi, ubi jacto semine in hortorum morem aquæ ducuntur irriguæ :Select Deuteronomy 11:10

11sed montuosa est et campestris, de cælo expectans pluvias,Select Deuteronomy 11:11

12quam Dominus Deus tuus semper invisit, et oculi illius in ea sunt a principio anni usque ad finem ejus.Select Deuteronomy 11:12

13Si ergo obedieritis mandatis meis, quæ ego hodie præcipio vobis, ut diligatis Dominum Deum vestrum, et serviatis ei in toto corde vestro, et in tota anima vestra :Select Deuteronomy 11:13

14dabit pluviam terræ vestræ temporaneam et serotinam, ut colligatis frumentum, et vinum, et oleum,Select Deuteronomy 11:14

15fœnumque ex agris ad pascenda jumenta, et ut ipsi comedatis ac saturemini.Select Deuteronomy 11:15

16Cavete ne forte decipiatur cor vestrum, et recedatis a Domino, serviatisque diis alienis, et adoretis eos :Select Deuteronomy 11:16

17iratusque Dominus claudat cælum, et pluviæ non descendant, nec terra det germen suum, pereatisque velociter de terra optima, quam Dominus daturus est vobis.Select Deuteronomy 11:17

18Ponite hæc verba mea in cordibus et in animis vestris, et suspendite ea pro signo in manibus, et inter oculos vestros collocate.Select Deuteronomy 11:18

19Docete filios vestros ut illa meditentur : quando sederis in domo tua, et ambulaveris in via, et accubueris atque surrexeris.Select Deuteronomy 11:19

20Scribes ea super postes et januas domus tuæ,Select Deuteronomy 11:20

21ut multiplicentur dies tui, et filiorum tuorum in terra, quam juravit Dominus patribus tuis, ut daret eis quamdiu cælum imminet terræ.Select Deuteronomy 11:21

22Si enim custodieritis mandata quæ ego præcipio vobis, et feceritis ea, ut diligatis Dominum Deum vestrum, et ambuletis in omnibus viis ejus, adhærentes ei,Select Deuteronomy 11:22

23disperdet Dominus omnes gentes istas ante faciem vestram, et possidebitis eas, quæ majores et fortiores vobis sunt.Select Deuteronomy 11:23

24Omnis locus, quem calcaverit pes vester, vester erit. A deserto, et a Libano, a flumine magno Euphrate usque ad mare occidentale erunt termini vestri.Select Deuteronomy 11:24

25Nullus stabit contra vos : terrorem vestrum et formidinem dabit Dominus Deus vester super omnem terram quam calcaturi estis, sicut locutus est vobis.Select Deuteronomy 11:25

26En propono in conspectu vestro hodie benedictionem et maledictionem :Select Deuteronomy 11:26

27benedictionem, si obedieritis mandatis Domini Dei vestri, quæ ego hodie præcipio vobis :Select Deuteronomy 11:27

28maledictionem, si non obedieritis mandatis Domini Dei vestri, sed recesseritis de via, quam ego nunc ostendo vobis, et ambulaveritis post deos alienos, quos ignoratis.Select Deuteronomy 11:28

29Cum vero introduxerit te Dominus Deus tuus in terram, ad quam pergis habitandam, pones benedictionem super montem Garizim, maledictionem super montem Hebal :Select Deuteronomy 11:29

30qui sunt trans Jordanem, post viam quæ vergit ad solis occubitum in terra Chananæi, qui habitat in campestribus contra Galgalam, quæ est juxta vallem tendentem et intrantem procul.Select Deuteronomy 11:30

31Vos enim transibitis Jordanem, ut possideatis terram quam Dominus Deus vester daturus est vobis, ut habeatis et possideatis illam.Select Deuteronomy 11:31

32Videte ergo ut impleatis cæremonias atque judicia, quæ ego hodie ponam in conspectu vestro.Select Deuteronomy 11:32