22Deuteronomy 22

1Non videbis bovem fratris tui, aut ovem errantem, et præteribis : sed reduces fratri tuo,Select Deuteronomy 22:1

2etiamsi non est propinquus frater tuus, nec nosti eum : duces in domum tuam, et erunt apud te quamdiu quærat ea frater tuus, et recipiat.Select Deuteronomy 22:2

3Similiter facies de asino, et de vestimento, et de omni re fratris tui, quæ perierit : si inveneris eam, ne negligas quasi alienam.Select Deuteronomy 22:3

4Si videris asinum fratris tui aut bovem cecidisse in via, non despicies, sed sublevabis cum eo.Select Deuteronomy 22:4

5Non induetur mulier veste virili, nec vir utetur veste feminea : abominabilis enim apud Deum est qui facit hæc.Select Deuteronomy 22:5

6Si ambulans per viam, in arbore vel in terra nidum avis inveneris, et matrem pullis vel ovis desuper incubantem : non tenebis eam cum filiis,Select Deuteronomy 22:6

7sed abire patieris, captos tenens filios : ut bene sit tibi, et longo vivas tempore.Select Deuteronomy 22:7

8Cum ædificaveris domum novam, facies murum tecti per circuitum : ne effundatur sanguis in domo tua, et sis reus labente alio, et in præceps ruente.Select Deuteronomy 22:8

9Non seres vineam tuam altero semine : ne et sementis quam sevisti, et quæ nascuntur ex vinea, pariter sanctificentur.Select Deuteronomy 22:9

10Non arabis in bove simul et asino.Select Deuteronomy 22:10

11Non indueris vestimento, quod ex lana linoque contextum est.Select Deuteronomy 22:11

12Funiculos in fimbriis facies per quatuor angulos pallii tui, quo operieris.Select Deuteronomy 22:12

13Si duxerit vir uxorem, et postea odio habuerit eam,Select Deuteronomy 22:13

14quæsieritque occasiones quibus dimittat eam, objiciens ei nomen pessimum, et dixerit : Uxorem hanc accepi, et ingressus ad eam non inveni virginem :Select Deuteronomy 22:14

15tollent eam pater et mater ejus, et ferent secum signa virginitatis ejus ad seniores urbis qui in porta sunt :Select Deuteronomy 22:15

16et dicet pater : Filiam meam dedi huic uxorem : quam quia odit,Select Deuteronomy 22:16

17imponit ei nomen pessimum, ut dicat : Non inveni filiam tuam virginem : et ecce hæc sunt signa virginitatis filiæ meæ. Expandent vestimentum coram senioribus civitatis :Select Deuteronomy 22:17

18apprehendentque senes urbis illius virum, et verberabunt illum,Select Deuteronomy 22:18

19condemnantes insuper centum siclis argenti, quos dabit patri puellæ, quoniam diffamavit nomen pessimum super virginem Israël : habebitque eam uxorem, et non poterit dimittere eam omnibus diebus vitæ suæ.Select Deuteronomy 22:19

20Quod si verum est quod objicit, et non est in puella inventa virginitas,Select Deuteronomy 22:20

21ejicient eam extra fores domus patris sui, et lapidibus obruent viri civitatis illius, et morietur : quoniam fecit nefas in Israël, ut fornicaretur in domo patris sui : et auferes malum de medio tui.Select Deuteronomy 22:21

22Si dormierit vir cum uxore alterius, uterque morietur, id est, adulter et adultera : et auferes malum de Israël.Select Deuteronomy 22:22

23Si puellam virginem desponderit vir, et invenerit eam aliquis in civitate, et concubuerit cum ea,Select Deuteronomy 22:23

24educes utrumque ad portam civitatis illius, et lapidibus obruentur : puella, quia non clamavit, cum esset in civitate : vir, quia humiliavit uxorem proximi sui : et auferes malum de medio tui.Select Deuteronomy 22:24

25Sin autem in agro repererit vir puellam, quæ desponsata est, et apprehendens concubuerit cum ea, ipse morietur solus :Select Deuteronomy 22:25

26puella nihil patietur, nec est rea mortis : quoniam sicut latro consurgit contra fratrem suum, et occidit animam ejus, ita et puella perpessa est.Select Deuteronomy 22:26

27Sola erat in agro : clamavit, et nullus affuit qui liberaret eam.Select Deuteronomy 22:27

28Si invenerit vir puellam virginem, quæ non habet sponsum, et apprehendens concubuerit cum illa, et res ad judicium venerit :Select Deuteronomy 22:28

29dabit qui dormivit cum ea, patri puellæ quinquaginta siclos argenti, et habebit eam uxorem, quia humiliavit illam : non poterit dimittere eam cunctis diebus vitæ suæ.Select Deuteronomy 22:29

30Non accipiet homo uxorem patris sui, nec revelabit operimentum ejus.Select Deuteronomy 22:30