23Deuteronomy 23

1Non intravit eunuchus, attritis vel amputatis testiculis et abscisso veretro, ecclesiam Domini.Select Deuteronomy 23:1

2Non ingredietur mamzer, hoc est, de scorto natus, in ecclesiam Domini, usque ad decimam generationem.Select Deuteronomy 23:2

3Ammonites et Moabites etiam post decimam generationem non intrabunt ecclesiam Domini in æternum :Select Deuteronomy 23:3

4quia noluerunt vobis occurrere cum pane et aqua in via quando egressi estis de Ægypto : et quia conduxerunt contra te Balaam filium Beor de Mesopotamia Syriæ, ut malediceret tibi :Select Deuteronomy 23:4

5et noluit Dominus Deus tuus audire Balaam, vertitque maledictionem ejus in benedictionem tuam, eo quod diligeret te.Select Deuteronomy 23:5

6Non facies cum eis pacem, nec quæras eis bona cunctis diebus vitæ tuæ in sempiternum.Select Deuteronomy 23:6

7Non abominaberis Idumæum, quia frater tuus est : nec Ægyptium, quia advena fuisti in terra ejus.Select Deuteronomy 23:7

8Qui nati fuerint ex eis, tertia generatione intrabunt in ecclesiam Domini.Select Deuteronomy 23:8

9Quando egressus fueris adversus hostes tuos in pugnam, custodies te ab omni re mala.Select Deuteronomy 23:9

10Si fuerit inter vos homo, qui nocturno pollutus sit somnio, egredietur extra castra,Select Deuteronomy 23:10

11et non revertetur, priusquam ad vesperam lavetur aqua : et post solis occasum regredietur in castra.Select Deuteronomy 23:11

12Habebis locum extra castra, ad quem egrediaris ad requisita naturæ,Select Deuteronomy 23:12

13gerens paxillum in balteo : cumque sederis, fodies per circuitum, et egesta humo operiesSelect Deuteronomy 23:13

14quo revelatus es : Dominus enim Deus tuus ambulat in medio castrorum, ut eruat te, et tradat tibi inimicos tuos : et sint castra tua sancta, et nihil in eis appareat fœditatis, ne derelinquat te.Select Deuteronomy 23:14

15Non trades servum domino suo, qui ad te confugerit.Select Deuteronomy 23:15

16Habitabit tecum in loco, qui ei placuerit, et in una urbium tuarum requiescet : ne contristes eum.Select Deuteronomy 23:16

17Non erit meretrix de filiabus Israël, nec scortator de filiis Israël.Select Deuteronomy 23:17

18Non offeres mercedem prostibuli, nec pretium canis in domo Domini Dei tui, quidquid illud est quod voveris : quia abominatio est utrumque apud Dominum Deum tuum.Select Deuteronomy 23:18

19Non fœnerabis fratri tuo ad usuram pecuniam, nec fruges, nec quamlibet aliam rem :Select Deuteronomy 23:19

20sed alieno. Fratri autem tuo absque usura id quo indiget, commodabis : ut benedicat tibi Dominus Deus tuus in omni opere tuo in terra, ad quam ingredieris possidendam.Select Deuteronomy 23:20

21Cum votum voveris Domino Deo tuo, non tardabis reddere : quia requiret illud Dominus Deus tuus, et si moratus fueris, reputabitur tibi in peccatum.Select Deuteronomy 23:21

22Si nolueris polliceri, absque peccato eris.Select Deuteronomy 23:22

23Quod autem semel egressum est de labiis tuis, observabis, et facies sicut promisisti Domino Deo tuo, et propria voluntate et ore tuo locutus es.Select Deuteronomy 23:23

24Ingressus vineam proximi tui, comede uvas, quantum tibi placuerit : foras autem ne efferas tecum.Select Deuteronomy 23:24

25Si intraveris in segetem amici tui, franges spicas, et manu conteres : falce autem non metes.Select Deuteronomy 23:25