24Deuteronomy 24

1Si acceperit homo uxorem, et habuerit eam, et non invenerit gratiam ante oculos ejus propter aliquam fœditatem : scribet libellum repudii, et dabit in manu illius, et dimittet eam de domo sua.Select Deuteronomy 24:1

2Cumque egressa alterum maritum duxerit,Select Deuteronomy 24:2

3et ille quoque oderit eam, dederitque ei libellum repudii, et dimiserit de domo sua, vel certe mortuus fuerit :Select Deuteronomy 24:3

4non poterit prior maritus recipere eam in uxorem : quia polluta est, et abominabilis facta est coram Domino : ne peccare facias terram tuam, quam Dominus Deus tuus tradiderit tibi possidendam.Select Deuteronomy 24:4

5Cum acceperit homo nuper uxorem, non procedet ad bellum, nec ei quippiam necessitatis injungetur publicæ, sed vacabit absque culpa domi suæ, ut uno anno lætetur cum uxore sua.Select Deuteronomy 24:5

6Non accipies loco pignoris inferiorem, et superiorem molam : quia animam suam opposuit tibi.Select Deuteronomy 24:6

7Si deprehensus fuerit homo sollicitans fratrem suum de filiis Israël, et vendito eo acceperit pretium, interficietur, et auferes malum de medio tui.Select Deuteronomy 24:7

8Observa diligenter ne incurras plagam lepræ, sed facies quæcumque docuerint te sacerdotes Levitici generis, juxta id quod præcepi eis, et imple sollicite.Select Deuteronomy 24:8

9Mementote quæ fecerit Dominus Deus vester Mariæ in via cum egrederemini de Ægypto.Select Deuteronomy 24:9

10Cum repetes a proximo tuo rem aliquam, quam debet tibi, non ingredieris domum ejus ut pignus auferas :Select Deuteronomy 24:10

11sed stabis foris, et ille tibi proferet quod habuerit.Select Deuteronomy 24:11

12Sin autem pauper est, non pernoctabit apud te pignus,Select Deuteronomy 24:12

13sed statim reddes ei ante solis occasum : ut dormiens in vestimento suo, benedicat tibi, et habeas justitiam coram Domino Deo tuo.Select Deuteronomy 24:13

14Non negabis mercedem indigentis, et pauperis fratris tui, sive advenæ, qui tecum moratur in terra, et intra portas tuas est :Select Deuteronomy 24:14

15sed eadem die reddes ei pretium laboris sui ante solis occasum, quia pauper est, et ex eo sustentat animam suam : ne clamet contra te ad Dominum, et reputetur tibi in peccatum.Select Deuteronomy 24:15

16Non occidentur patres pro filiis, nec filii pro patribus, sed unusquisque pro peccato suo morietur.Select Deuteronomy 24:16

17Non pervertes judicium advenæ et pupilli, nec auferes pignoris loco viduæ vestimentum.Select Deuteronomy 24:17

18Memento quod servieris in Ægypto, et eruerit te Dominus Deus tuus inde. Idcirco præcipio tibi ut facias hanc rem.Select Deuteronomy 24:18

19Quando messueris segetem in agro tuo, et oblitus manipulum reliqueris, non reverteris, ut tollas illum : sed advenam, et pupillum, et viduam auferre patieris, ut benedicat tibi Dominus Deus tuus in omni opere manuum tuarum.Select Deuteronomy 24:19

20Si fruges collegeris olivarum, quidquid remanserit in arboribus, non reverteris ut colligas : sed relinques advenæ, pupillo, ac viduæ.Select Deuteronomy 24:20

21Si vindemiaveris vineam tuam, non colliges remanentes racemos : sed cedent in usus advenæ, pupilli, ac viduæ.Select Deuteronomy 24:21

22Memento quod et tu servieris in Ægypto, et idcirco præcipio tibi ut facias hanc rem.Select Deuteronomy 24:22