25Deuteronomy 25

1Si fuerit causa inter aliquos, et interpellaverint judices : quem justum esse perspexerint, illi justitiæ palmam dabunt : quem impium, condemnabunt impietatis.Select Deuteronomy 25:1

2Sin autem eum, qui peccavit, dignum viderint plagis : prosternent, et coram se facient verberari. Pro mensura peccati erit et plagarum modus :Select Deuteronomy 25:2

3ita dumtaxat, ut quadragenarium numerum non excedant : ne fœde laceratus ante oculos tuos abeat frater tuus.Select Deuteronomy 25:3

4Non ligabis os bovis terentis in area fruges tuas.Select Deuteronomy 25:4

5Quando habitaverint fratres simul, et unus ex eis absque liberis mortuus fuerit, uxor defuncti non nubet alteri : sed accipiet eam frater ejus, et suscitabit semen fratris sui :Select Deuteronomy 25:5

6et primogenitum ex ea filium nomine illius appellabit, ut non deleatur nomen ejus ex Israël.Select Deuteronomy 25:6

7Sin autem noluerit accipere uxorem fratris sui, quæ ei lege debetur, perget mulier ad portam civitatis, et interpellabit majores natu, dicetque : Non vult frater viri mei suscitare nomen fratris sui in Israël, nec me in conjugem sumere.Select Deuteronomy 25:7

8Statimque accersiri eum facient, et interrogabunt. Si responderit : Nolo eam uxorem accipere :Select Deuteronomy 25:8

9accedet mulier ad eum coram senioribus, et tollet calceamentum de pede ejus, spuetque in faciem illius, et dicet : Sic fiet homini, qui non ædificat domum fratris sui.Select Deuteronomy 25:9

10Et vocabitur nomen illius in Israël, Domus discalceati.Select Deuteronomy 25:10

11Si habuerint inter se jurgium viri duo, et unus contra alterum rixari cœperit, volensque uxor alterius eruere virum suum de manu fortioris, miseritque manum, et apprehenderit verenda ejus :Select Deuteronomy 25:11

12abscides manum illius, nec flecteris super eam ulla misericordia.Select Deuteronomy 25:12

13Non habebis in sacculo diversa pondera, majus et minus :Select Deuteronomy 25:13

14nec erit in domo tua modius major, et minor.Select Deuteronomy 25:14

15Pondus habebis justum et verum, et modius æqualis et verus erit tibi : ut multo vivas tempore super terram, quam Dominus Deus tuus dederit tibi.Select Deuteronomy 25:15

16Abominatur enim Dominus tuus eum qui facit hæc, et aversatur omnem injustitiam.Select Deuteronomy 25:16

17Memento quæ fecerit tibi Amalec in via quando egrediebaris ex Ægypto :Select Deuteronomy 25:17

18quomodo occurrerit tibi, et extremos agminis tui, qui lassi residebant, ceciderit, quando tu eras fame et labore confectus : et non timuerit Deum.Select Deuteronomy 25:18

19Cum ergo Dominus Deus tuus dederit tibi requiem, et subjecerit cunctas per circuitum nationes in terra, quam tibi pollicitus est : delebis nomen ejus sub cælo. Cave ne obliviscaris.Select Deuteronomy 25:19