3Amos 3

1Audite verbum quod locutus est Dominus super vos, filii Israël, super omnem cognationem quam eduxi de terra Ægypti, dicens :Select Amos 3:1

2Tantummodo vos cognovi ex omnibus cognationibus terræ ; idcirco visitabo super vos omnes iniquitates vestras.Select Amos 3:2

3Numquid ambulabunt duo pariter, nisi convenerit eis ?Select Amos 3:3

4numquid rugiet leo in saltu, nisi habuerit prædam ? numquid dabit catulus leonis vocem de cubili suo, nisi aliquid apprehenderit ?Select Amos 3:4

5numquid cadet avis in laqueum terræ absque aucupe ? numquid auferetur laqueus de terra antequam quid ceperit ?Select Amos 3:5

6si clanget tuba in civitate, et populus non expavescet ? si erit malum in civitate, quod Dominus non fecerit ?Select Amos 3:6

7Quia non facit Dominus Deus verbum, nisi revelaverit secretum suum ad servos suos prophetas.Select Amos 3:7

8Leo rugiet, quis non timebit ? Dominus Deus locutus est, quis non prophetabit ?Select Amos 3:8

9Auditum facite in ædibus Azoti, et in ædibus terræ Ægypti, et dicite : Congregamini super montes Samariæ, et videte insanias multas in medio ejus, et calumniam patientes in penetralibus ejus.Select Amos 3:9

10Et nescierunt facere rectum, dicit Dominus, thesaurizantes iniquitatem et rapinas in ædibus suis.Select Amos 3:10

11Propterea hæc dicit Dominus Deus : Tribulabitur et circuietur terra : et detrahetur ex te fortitudo tua, et diripientur ædes tuæ.Select Amos 3:11

12Hæc dicit Dominus : Quomodo si eruat pastor de ore leonis duo crura, aut extremum auriculæ, sic eruentur filii Israël, qui habitant in Samaria in plaga lectuli, et in Damasci grabato.Select Amos 3:12

13Audite, et contestamini in domo Jacob, dicit Dominus Deus exercituum ;Select Amos 3:13

14quia in die cum visitare cœpero prævaricationes Israël, super eum visitabo, et super altaria Bethel ; et amputabuntur cornua altaris, et cadent in terram.Select Amos 3:14

15Et percutiam domum hiemalem cum domo æstiva, et peribunt domus eburneæ, et dissipabuntur ædes multæ, dicit Dominus.Select Amos 3:15