1James 1

1Jacobus, Dei et Domini nostri Jesu Christi servus, duodecim tribubus, quæ sunt in dispersione, salutem.Select James 1:1

2Omne gaudium existimate fratres mei, cum in tentationes varias incideritis :Select James 1:2

3scientes quod probatio fidei vestræ patientiam operatur.Select James 1:3

4Patientia autem opus perfectum habet : ut sitis perfecti et integri in nullo deficientes.Select James 1:4

5Si quis autem vestrum indiget sapientia, postulet a Deo, qui dat omnibus affluenter, et non improperat : et dabitur ei.Select James 1:5

6Postulet autem in fide nihil hæsitans : qui enim hæsitat, similis est fluctui maris, qui a vento movetur et circumfertur :Select James 1:6

7non ergo æstimet homo ille quod accipiat aliquid a Domino.Select James 1:7

8Vir duplex animo inconstans est in omnibus viis suis.Select James 1:8

9Glorietur autem frater humilis in exaltatione sua :Select James 1:9

10dives autem in humilitate sua, quoniam sicut flos fœni transibit ;Select James 1:10

11exortus est enim sol cum ardore, et arefecit fœnum, et flos ejus decidit, et decor vultus ejus deperiit : ita et dives in itineribus suis marcescet.Select James 1:11

12Beatus vir qui suffert tentationem : quoniam cum probatus fuerit, accipiet coronam vitæ, quam repromisit Deus diligentibus se.Select James 1:12

13Nemo cum tentatur, dicat quoniam a Deo tentatur : Deus enim intentator malorum est : ipse autem neminem tentat.Select James 1:13

14Unusquisque vero tentatur a concupiscentia sua abstractus, et illectus.Select James 1:14

15Deinde concupiscentia cum conceperit, parit peccatum : peccatum vero cum consummatum fuerit, generat mortem.Select James 1:15

16Nolite itaque errare, fratres mei dilectissimi.Select James 1:16

17Omne datum optimum, et omne donum perfectum desursum est, descendens a Patre luminum, apud quem non est transmutatio, nec vicissitudinis obumbratio.Select James 1:17

18Voluntarie enim genuit nos verbo veritatis, ut simus initium aliquod creaturæ ejus.Select James 1:18

19Scitis, fratres mei dilectissimi. Sit autem omnis homo velox ad audiendum : tardus autem ad loquendum, et tardus ad iram.Select James 1:19

20Ira enim viri justitiam Dei non operatur.Select James 1:20

21Propter quod abjicientes omnem immunditiam, et abundantiam malitiæ, in mansuetudine suscipite insitum verbum, quod potest salvare animas vestras.Select James 1:21

22Estote autem factores verbi, et non auditores tantum : fallentes vosmetipsos.Select James 1:22

23Quia si quis auditor est verbi, et non factor, hic comparabitur viro consideranti vultum nativitatis suæ in speculo :Select James 1:23

24consideravit enim se, et abiit, et statim oblitus est qualis fuerit.Select James 1:24

25Qui autem perspexerit in legem perfectam libertatis, et permanserit in ea, non auditor obliviosus factus, sed factor operis : hic beatus in facto suo erit.Select James 1:25

26Si quis autem putat se religiosum esse, non refrenans linguam suam, sed seducens cor suum, hujus vana est religio.Select James 1:26

27Religio munda et immaculata apud Deum et Patrem, hæc est : visitare pupillos et viduas in tribulatione eorum, et immaculatum se custodire ab hoc sæculo.Select James 1:27