19Ezekiel 19

1Et tu assume planctum super principes Israël,Select Ezekiel 19:1

2et dices : Quare mater tua leæna inter leones cubavit ? in medio leunculorum enutrivit catulos suos ?Select Ezekiel 19:2

3Et eduxit unum de leunculis suis, et leo factus est : et didicit capere prædam, hominemque comedere.Select Ezekiel 19:3

4Et audierunt de eo gentes : et non absque vulneribus suis ceperunt eum, et adduxerunt eum in catenis in terram Ægypti.Select Ezekiel 19:4

5Quæ cum vidisset quoniam infirmata est, et periit exspectatio ejus, tulit unum de leunculis suis ; leonem constituit eum.Select Ezekiel 19:5

6Qui incedebat inter leones, et factus est leo : et didicit prædam capere, et homines devorare :Select Ezekiel 19:6

7didicit viduas facere, et civitates earum in desertum adducere : et desolata est terra et plenitudo ejus a voce rugitus illius.Select Ezekiel 19:7

8Et convenerunt adversus eum gentes undique de provinciis, et expanderunt super eum rete suum : in vulneribus earum captus est,Select Ezekiel 19:8

9et miserunt eum in caveam : in catenis adduxerunt eum ad regem Babylonis, miseruntque eum in carcerem, ne audiretur vox ejus ultra super montes Israël.Select Ezekiel 19:9

10Mater tua quasi vinea in sanguine tuo super aquam plantata est : fructus ejus et frondes ejus creverunt ex aquis multis.Select Ezekiel 19:10

11Et factæ sunt ei virgæ solidæ in sceptra dominantium, et exaltata est statura ejus inter frondes, et vidit altitudinem suam in multitudine palmitum suorum.Select Ezekiel 19:11

12Et evulsa est in ira, in terramque projecta, et ventus urens siccavit fructum ejus : marcuerunt et arefactæ sunt virgæ roboris ejus : ignis comedit eam.Select Ezekiel 19:12

13Et nunc transplantata est in desertum, in terra invia et sitienti.Select Ezekiel 19:13

14Et egressus est ignis de virga ramorum ejus, qui fructum ejus comedit : et non fuit in ea virga fortis, sceptrum dominantium. Planctus est, et erit in planctum.Select Ezekiel 19:14