27Ezekiel 27

1Et factum est verbum Domini ad me, dicens :Select Ezekiel 27:1

2Tu ergo, fili hominis, assume super Tyrum lamentum :Select Ezekiel 27:2

3et dices Tyro, quæ habitat in introitu maris, negotiationi populorum ad insulas multas : Hæc dicit Dominus Deus : O Tyre, tu dixisti : Perfecti decoris ego sum,Select Ezekiel 27:3

4et in corde maris sita. Finitimi tui qui te ædificaverunt, impleverunt decorem tuum :Select Ezekiel 27:4

5abietibus de Sanir exstruxerunt te cum omnibus tabulatis maris : cedrum de Libano tulerunt ut facerent tibi malum.Select Ezekiel 27:5

6Quercus de Basan dolaverunt in remos tuos, et transtra tua fecerunt tibi ex ebore indico, et prætoriola de insulis Italiæ.Select Ezekiel 27:6

7Byssus varia de Ægypto texta est tibi in velum ut poneretur in malo : hyacinthus et purpura de insulis Elisa facta sunt operimentum tuum.Select Ezekiel 27:7

8Habitatores Sidonis et Aradii fuerunt remiges tui : sapientes tui, Tyre, facti sunt gubernatores tui.Select Ezekiel 27:8

9Senes Giblii et prudentes ejus habuerunt nautas ad ministerium variæ supellectilis tuæ : omnes naves maris, et nautæ earum, fuerunt in populo negotiationis tuæ.Select Ezekiel 27:9

10Persæ, et Lydii, et Libyes erant in exercitu tuo viri bellatores tui : clypeum et galeam suspenderunt in te pro ornatu tuo.Select Ezekiel 27:10

11Filii Aradii cum exercitu tuo erant super muros tuos in circuitu : sed et Pigmæi qui erant in turribus tuis, pharetras suas suspenderunt in muris tuis per gyrum : ipsi compleverunt pulchritudinem tuam.Select Ezekiel 27:11

12Carthaginenses negotiatores tui, a multitudine cunctarum divitiarum, argento, ferro, stanno, plumboque repleverunt nundinas tuas.Select Ezekiel 27:12

13Græcia, Thubal, et Mosoch, ipsi institores tui : mancipia, et vasa ærea advexerunt populo tuo.Select Ezekiel 27:13

14De domo Thogorma, equos, et equites, et mulos adduxerunt ad forum tuum.Select Ezekiel 27:14

15Filii Dedan negotiatores tui ; insulæ multæ, negotiatio manus tuæ : dentes eburneos et hebeninos commutaverunt in pretio tuo.Select Ezekiel 27:15

16Syrus negotiator tuus propter multitudinem operum tuorum : gemmam, et purpuram, et scutulata, et byssum, et sericum, et chodchod proposuerunt in mercatu tuo.Select Ezekiel 27:16

17Juda et terra Israël, ipsi institores tui in frumento primo : balsamum, et mel, et oleum, et resinam proposuerunt in nundinis tuis.Select Ezekiel 27:17

18Damascenus negotiator tuus in multitudine operum tuorum, in multitudine diversarum opum, in vino pingui, in lanis coloris optimi.Select Ezekiel 27:18

19Dan, et Græcia, et Mosel, in nundinis tuis proposuerunt ferrum fabrefactum : stacte et calamus in negotiatione tua.Select Ezekiel 27:19

20Dedan institores tui in tapetibus ad sedendum.Select Ezekiel 27:20

21Arabia et universi principes Cedar, ipsi negotiatores manus tuæ : cum agnis, et arietibus, et hædis, venerunt ad te negotiatores tui.Select Ezekiel 27:21

22Venditores Saba et Reema, ipsi negotiatores tui : cum universis primis aromatibus, et lapide pretioso, et auro, quod proposuerunt in mercatu tuo.Select Ezekiel 27:22

23Haran, et Chene, et Eden, negotiatores tui ; Saba, Assur, et Chelmad venditores tui.Select Ezekiel 27:23

24Ipsi negotiatores tui multifariam, involucris hyacinthi, et polymitorum, gazarumque pretiosarum, quæ obvolutæ et astrictæ erant funibus : cedros quoque habebant in negotiationibus tuis.Select Ezekiel 27:24

25Naves maris, principes tui in negotiatione tua : et repleta es, et glorificata nimis in corde maris.Select Ezekiel 27:25

26In aquis multis adduxerunt te remiges tui : ventus auster contrivit te in corde maris.Select Ezekiel 27:26

27Divitiæ tuæ, et thesauri tui, et multiplex instrumentum tuum : nautæ tui et gubernatores tui, qui tenebant supellectilem tuam, et populo tuo præerant : viri quoque bellatores tui, qui erant in te, cum universa multitudine tua quæ est in medio tui, cadent in corde maris in die ruinæ tuæ :Select Ezekiel 27:27

28a sonitu clamoris gubernatorum tuorum conturbabuntur classes.Select Ezekiel 27:28

29Et descendent de navibus suis omnes qui tenebant remum : nautæ et universi gubernatores maris in terra stabunt.Select Ezekiel 27:29

30Et ejulabunt super te voce magna : et clamabunt amare, et superjacient pulverem capitibus suis, et cinere conspergentur.Select Ezekiel 27:30

31Et radent super te calvitium, et accingentur ciliciis : et plorabunt te in amaritudine animæ, ploratu amarissimo.Select Ezekiel 27:31

32Et assument super te carmen lugubre, et plangent te : Quæ est ut Tyrus, quæ obmutuit in medio maris ?Select Ezekiel 27:32

33Quæ in exitu negotiationum tuarum de mari implesti populos multos : in multitudine divitiarum tuarum, et populorum tuorum, ditasti reges terræ.Select Ezekiel 27:33

34Nunc contrita es a mari : in profundis aquarum opes tuæ, et omnis multitudo tua quæ erat in medio tui, ceciderunt.Select Ezekiel 27:34

35Universi habitatores insularum obstupuerunt super te, et reges earum omnes tempestate perculsi mutaverunt vultus.Select Ezekiel 27:35

36Negotiatores populorum sibilaverunt super te : ad nihilum deducta es, et non eris usque in perpetuum.Select Ezekiel 27:36