42Ezekiel 42

1Et eduxit me in atrium exterius, per viam ducentem ad aquilonem, et introduxit me in gazophylacium quod erat contra separatum ædificium, et contra ædem vergentem ad aquilonem.Select Ezekiel 42:1

2In facie longitudinis, centum cubitos ostii aquilonis, et latitudinis quinquaginta cubitos,Select Ezekiel 42:2

3contra viginti cubitos atrii interioris, et contra pavimentum stratum lapide atrii exterioris, ubi erat porticus juncta porticui triplici.Select Ezekiel 42:3

4Et ante gazophylacia deambulatio decem cubitorum latitudinis, ad interiora respiciens viæ cubiti unius. Et ostia eorum ad aquilonem :Select Ezekiel 42:4

5ubi erant gazophylacia in superioribus humiliora, quia supportabant porticus quæ ex illis eminebant de inferioribus, et de mediis ædificii.Select Ezekiel 42:5

6Tristega enim erant, et non habebant columnas, sicut erant columnæ atriorum : propterea eminebant de inferioribus, et de mediis a terra cubitis quinquaginta.Select Ezekiel 42:6

7Et peribolus exterior secundum gazophylacia, quæ erant in via atrii exterioris ante gazophylacia : longitudo ejus quinquaginta cubitorum :Select Ezekiel 42:7

8quia longitudo erat gazophylaciorum atrii exterioris quinquaginta cubitorum, et longitudo ante faciem templi, centum cubitorum.Select Ezekiel 42:8

9Et erat subter gazophylacia hæc introitus ab oriente, ingredientium in ea de atrio exteriori.Select Ezekiel 42:9

10In latitudine periboli atrii quod erat contra viam orientalem, in faciem ædificii separati, et erant ante ædificium gazophylacia.Select Ezekiel 42:10

11Et via ante faciem eorum, juxta similitudinem gazophylaciorum quæ erant in via aquilonis : secundum longitudinem eorum, sic et latitudo eorum, et omnis introitus eorum, et similitudines, et ostia eorum.Select Ezekiel 42:11

12Secundum ostia gazophylaciorum, quæ erant in via respiciente ad notum : ostium in capite viæ, quæ via erat ante vestibulum separatum per viam orientalem ingredientibus.Select Ezekiel 42:12

13Et dixit ad me : Gazophylacia aquilonis, et gazophylacia austri, quæ sunt ante ædificium separatum, hæc sunt gazophylacia sancta, in quibus vescuntur sacerdotes qui appropinquant ad Dominum in Sancta sanctorum : ibi ponent Sancta sanctorum et oblationem pro peccato et pro delicto : locus enim sanctus est.Select Ezekiel 42:13

14Cum autem ingressi fuerint sacerdotes, non egredientur de sanctis in atrium exterius : et ibi reponent vestimenta sua in quibus ministrant, quia sancta sunt, vestienturque vestimentis aliis : et sic procedent ad populum.Select Ezekiel 42:14

15Cumque complesset mensuras domus interioris, eduxit me per viam portæ quæ respiciebat ad viam orientalem : et mensus est eam undique per circuitum.Select Ezekiel 42:15

16Mensus est autem contra ventum orientalem calamo mensuræ, quingentos calamos in calamo mensuræ per circuitum.Select Ezekiel 42:16

17Et mensus est contra ventum aquilonis quingentos calamos in calamo mensuræ per gyrum.Select Ezekiel 42:17

18Et ad ventum australem mensus est quingentos calamos in calamo mensuræ per circuitum.Select Ezekiel 42:18

19Et ad ventum occidentalem mensus est quingentos calamos in calamo mensuræ.Select Ezekiel 42:19

20Per quatuor ventos mensus est murum ejus undique per circuitum, longitudinem quingentorum cubitorum, et latitudinem quingentorum cubitorum, dividentem inter sanctuarium et vulgi locum.Select Ezekiel 42:20