48Ezekiel 48

1Et hæc nomina tribuum a finibus aquilonis, juxta viam Hethalon, pergentibus Emath, atrium Enan terminus Damasci ad aquilonem, juxta viam Emath : et erit ei plaga orientalis mare, Dan una.Select Ezekiel 48:1

2Et super terminum Dan, a plaga orientali usque ad plagam maris, Aser una.Select Ezekiel 48:2

3Et super terminum Aser, a plaga orientali usque ad plagam maris, Nephthali una.Select Ezekiel 48:3

4Et super terminum Nephthali, a plaga orientali usque ad plagam maris, Manasse una.Select Ezekiel 48:4

5Et super terminum Manasse, a plaga orientali usque ad plagam maris, Ephraim una.Select Ezekiel 48:5

6Et super terminum Ephraim, a plaga orientali usque ad plagam maris, Ruben una.Select Ezekiel 48:6

7Et super terminum Ruben, a plaga orientali usque ad plagam maris, Juda una.Select Ezekiel 48:7

8Et super terminum Juda, a plaga orientali usque ad plagam maris, erunt primitiæ quas separabitis, viginti quinque millibus latitudinis et longitudinis, sicuti singulæ partes a plaga orientali usque ad plagam maris : et erit sanctuarium in medio ejus.Select Ezekiel 48:8

9Primitiæ quas separabitis Domino, longitudo viginti quinque millibus, et latitudo decem millibus.Select Ezekiel 48:9

10Hæ autem erunt primitiæ sanctuarii sacerdotum, ad aquilonem longitudinis viginti quinque millia, et ad mare latitudinis decem millia, sed et ad orientem latitudinis decem millia, et ad meridiem longitudinis viginti quinque millia : et erit sanctuarium Domini in medio ejus.Select Ezekiel 48:10

11Sacerdotibus sanctuarium erit de filiis Sadoc, qui custodierunt cæremonias meas, et non erraverunt cum errarent filii Israël, sicut erraverunt et Levitæ.Select Ezekiel 48:11

12Et erunt eis primitiæ de primitiis terræ Sanctum sanctorum, juxta terminum Levitarum.Select Ezekiel 48:12

13Sed et Levitis similiter, juxta fines sacerdotum, viginti quinque millia longitudinis, et latitudinis decem millia. Omnis longitudo viginti et quinque millium, et latitudo decem millium.Select Ezekiel 48:13

14Et non venundabunt ex eo, neque mutabunt : neque transferentur primitiæ terræ, quia sanctificatæ sunt Domino.Select Ezekiel 48:14

15Quinque millia autem quæ supersunt in latitudine per viginti quinque millia, profana erunt urbis in habitaculum et in suburbana : et erit civitas in medio ejus.Select Ezekiel 48:15

16Et hæ mensuræ ejus : ad plagam septentrionalem, quingenta et quatuor millia : et ad plagam meridianam, quingenta et quatuor millia : et ad plagam orientalem, quingenta et quatuor millia : et ad plagam occidentalem, quingenta et quatuor millia.Select Ezekiel 48:16

17Erunt autem suburbana civitatis ad aquilonem, ducenta quinquaginta : et ad meridiem, ducenta quinquaginta : et ad orientem, ducenta quinquaginta : et ad mare, ducenta quinquaginta.Select Ezekiel 48:17

18Quod autem reliquum fuerit in longitudine secundum primitias sanctuarii, decem millia in orientem, et decem millia in occidentem, erunt sicut primitiæ sanctuarii : et erunt fruges ejus in panes his qui serviunt civitati.Select Ezekiel 48:18

19Servientes autem civitati, operabuntur ex omnibus tribubus Israël.Select Ezekiel 48:19

20Omnes primitiæ viginti quinque millium, per viginti quinque millia in quadrum, separabuntur in primitias sanctuarii, et in possessionem civitatis.Select Ezekiel 48:20

21Quod autem reliquum fuerit, principis erit ex omni parte primitiarum sanctuarii, et possessionis civitatis e regione viginti quinque millium primitiarum usque ad terminum orientalem : sed et ad mare, e regione viginti quinque millium, usque ad terminum maris, similiter in partibus principis erit : et erunt primitiæ sanctuarii, et sanctuarium templi, in medio ejus.Select Ezekiel 48:21

22De possessione autem Levitarum, et de possessione civitatis in medio partium principis, erit inter terminum Juda et inter terminum Benjamin, et ad principem pertinebit.Select Ezekiel 48:22

23Et reliquis tribubus, a plaga orientali usque ad plagam occidentalem, Benjamin una.Select Ezekiel 48:23

24Et contra terminum Benjamin, a plaga orientali usque ad plagam occidentalem, Simeon una.Select Ezekiel 48:24

25Et super terminum Simeonis, a plaga orientali usque ad plagam occidentalem, Issachar una.Select Ezekiel 48:25

26Et super terminum Issachar, a plaga orientali usque ad plagam occidentalem, Zabulon una.Select Ezekiel 48:26

27Et super terminum Zabulon, a plaga orientali usque ad plagam maris, Gad una.Select Ezekiel 48:27

28Et super terminum Gad, ad plagam austri in meridie : et erit finis de Thamar usque ad aquas contradictionis Cades : hæreditas contra mare magnum.Select Ezekiel 48:28

29Hæc est terra quam mittetis in sortem tribubus Israël, et hæ partitiones earum, ait Dominus Deus.Select Ezekiel 48:29

30Et hi egressus civitatis : a plaga septentrionali, quingentos et quatuor millia mensurabis.Select Ezekiel 48:30

31Et portæ civitatis ex nominibus tribuum Israël : portæ tres a septentrione : porta Ruben una, porta Juda una, porta Levi una.Select Ezekiel 48:31

32Et ad plagam orientalem, quingentos et quatuor millia, et portæ tres : porta Joseph una, porta Benjamin una, porta Dan una.Select Ezekiel 48:32

33Et ad plagam meridianam, quingentos et quatuor millia metieris, et portæ tres : porta Simeonis una, porta Issachar una, porta Zabulon una.Select Ezekiel 48:33

34Et ad plagam occidentalem, quingentos et quatuor millia, et portæ eorum tres : porta Gad una, porta Aser una, porta Nephthali una.Select Ezekiel 48:34

35Per circuitum, decem et octo millia : et nomen civitatis ex illa die, Dominus ibidem.Select Ezekiel 48:35