7Ezekiel 7

1Et factus est sermo Domini ad me, dicens :Select Ezekiel 7:1

2Et tu, fili hominis, hæc dicit Dominus Deus terræ Israël : Finis venit : venit finis super quatuor plagas terræ.Select Ezekiel 7:2

3Nunc finis super te, et immittam furorem meum in te : et judicabo te juxta vias tuas, et ponam contra te omnes abominationes tuas.Select Ezekiel 7:3

4Et non parcet oculus meus super te, et non miserebor : sed vias tuas ponam super te, et abominationes tuæ in medio tui erunt, et scietis quia ego Dominus.Select Ezekiel 7:4

5Hæc dicit Dominus Deus : Afflictio una, afflictio ecce venit.Select Ezekiel 7:5

6Finis venit, venit finis : evigilavit adversum te, ecce venit.Select Ezekiel 7:6

7Venit contritio super te, qui habitas in terra : venit tempus, prope est dies occisionis, et non gloriæ montium.Select Ezekiel 7:7

8Nunc de propinquo effundam iram meam super te, et complebo furorem meum in te : et judicabo te juxta vias tuas, et imponam tibi omnia scelera tua,Select Ezekiel 7:8

9et non parcet oculus meus, nec miserebor : sed vias tuas imponam tibi, et abominationes tuæ in medio tui erunt, et scietis quia ego sum Dominus percutiens.Select Ezekiel 7:9

10Ecce dies, ecce venit : egressa est contritio, floruit virga, germinavit superbia,Select Ezekiel 7:10

11iniquitas surrexit in virga impietatis : non ex eis, et non ex populo, neque ex sonitu eorum : et non erit requies in eis.Select Ezekiel 7:11

12Venit tempus, appropinquavit dies : qui emit, non lætetur, et qui vendit, non lugeat : quia ira super omnem populum ejus.Select Ezekiel 7:12

13Quia qui vendit, ad id quod vendidit non revertetur : et adhuc in viventibus vita eorum : visio enim ad omnem multitudinem ejus non regredietur, et vir in iniquitate vitæ suæ non confortabitur.Select Ezekiel 7:13

14Canite tuba, præparentur omnes : et non est qui vadat ad prælium : ira enim mea super universum populum ejus.Select Ezekiel 7:14

15Gladium foris, et pestis et fames intrinsecus : qui in agro est, gladio morietur, et qui in civitate, pestilentia et fame devorabuntur.Select Ezekiel 7:15

16Et salvabuntur qui fugerint ex eis : et erunt in montibus quasi columbæ convallium omnes trepidi, unusquisque in iniquitate sua.Select Ezekiel 7:16

17Omnes manus dissolventur, et omnia genua fluent aquis.Select Ezekiel 7:17

18Et accingent se ciliciis, et operiet eos formido : et in omni facie confusio, et in universis capitibus eorum calvitium.Select Ezekiel 7:18

19Argentum eorum foras projicietur, et aurum eorum in sterquilinium erit : argentum eorum et aurum eorum non valebit liberare eos in die furoris Domini : animam suam non saturabunt, et ventres eorum non implebuntur, quia scandalum iniquitatis eorum factum est.Select Ezekiel 7:19

20Et ornamentum monilium suorum in superbiam posuerunt, et imagines abominationum suarum et simulacrorum fecerunt ex eo : propter hoc dedi eis illud in immunditiam.Select Ezekiel 7:20

21Et dabo illud in manus alienorum ad diripiendum, et impiis terræ in prædam, et contaminabunt illud.Select Ezekiel 7:21

22Et avertam faciem meam ab eis, et violabunt arcanum meum : et introibunt in illud emissarii, et contaminabunt illud.Select Ezekiel 7:22

23Fac conclusionem, quoniam terra plena est judicio sanguinum, et civitas plena iniquitate.Select Ezekiel 7:23

24Et adducam pessimos de gentibus, et possidebunt domos eorum : et quiescere faciam superbiam potentium, et possidebunt sanctuaria eorum.Select Ezekiel 7:24

25Angustia superveniente, requirent pacem, et non erit.Select Ezekiel 7:25

26Conturbatio super conturbationem veniet, et auditus super auditum : et quærent visionem de propheta, et lex peribit a sacerdote, et consilium a senioribus.Select Ezekiel 7:26

27Rex lugebit, et princeps induetur mœrore, et manus populi terræ conturbabuntur : secundum viam eorum faciam eis, et secundum judicia eorum judicabo eos, et scient quia ego Dominus.Select Ezekiel 7:27