2 Kings 11
Latin, Vulgata Clementina
Translation: VULGATE
Modern translations such as the NIV or ESV are not available yet. They need a license, and we will add them when one is in place. All translations and their sources
1Athalia vero mater Ochoziæ, videns mortuum filium suum, surrexit, et interfecit omne semen regium.Select 2 Kings 11:1
2Tollens autem Josaba filia regis Joram, soror Ochoziæ, Joas filium Ochoziæ, furata est eum de medio filiorum regis qui interficiebantur, et nutricem ejus de triclinio : et abscondit eum a facie Athaliæ ut non interficeretur.Select 2 Kings 11:2
3Eratque cum ea sex annis clam in domo Domini : porro Athalia regnavit super terram.Select 2 Kings 11:3
4Anno autem septimo misit Jojada, et assumens centuriones et milites, introduxit ad se in templum Domini, pepigitque cum eis fœdus : et adjurans eos in domo Domini, ostendit eis filium regis :Select 2 Kings 11:4
5et præcepit illis, dicens : Iste est sermo, quem facere debetis :Select 2 Kings 11:5
6tertia pars vestrum introëat sabbato, et observet excubias domus regis. Tertia autem pars sit ad portam Sur, et tertia pars sit ad portam quæ est post habitaculum scutariorum : et custodietis excubias domus Messa.Select 2 Kings 11:6
7Duæ vero partes e vobis, omnes egredientes sabbato, custodiant excubias domus Domini circa regem.Select 2 Kings 11:7
8Et vallabitis eum, habentes arma in manibus vestris : si quis autem ingressus fuerit septum templi, interficiatur : eritisque cum rege introëunte et egrediente.Select 2 Kings 11:8
9Et fecerunt centuriones juxta omnia quæ præceperat eis Jojada sacerdos : et assumentes singuli viros suos qui ingrediebantur sabbatum, cum his qui egrediebantur sabbato, venerunt ad Jojadam sacerdotem.Select 2 Kings 11:9
10Qui dedit eis hastas et arma regis David, quæ erant in domo Domini.Select 2 Kings 11:10
11Et steterunt singuli habentes arma in manu sua, a parte templi dextera usque ad partem sinistram altaris et ædis, circum regem.Select 2 Kings 11:11
12Produxitque filium regis, et posuit super eum diadema et testimonium : feceruntque eum regem, et unxerunt : et plaudentes manu, dixerunt : Vivat rex.Select 2 Kings 11:12
13Audivit autem Athalia vocem populi currentis : et ingressa ad turbas in templum Domini,Select 2 Kings 11:13
14vidit regem stantem super tribunal juxta morem, et cantores, et tubas prope eum, omnemque populum terræ lætantem, et canentem tubis : et scidit vestimenta sua, clamavitque : Conjuratio, conjuratio.Select 2 Kings 11:14
15Præcepit autem Jojada centurionibus qui erant super exercitum, et ait eis : Educite eam extra septa templi, et quicumque eam secutus fuerit, feriatur gladio. Dixerat enim sacerdos : Non occidatur in templo Domini.Select 2 Kings 11:15
16Imposueruntque ei manus, et impegerunt eam per viam introitus equorum, juxta palatium, et interfecta est ibi.Select 2 Kings 11:16
17Pepigit ergo Jojada fœdus inter Dominum, et inter regem, et inter populum, ut esset populus Domini : et inter regem et populum.Select 2 Kings 11:17
18Ingressusque est omnis populus terræ templum Baal, et destruxerunt aras ejus, et imagines contriverunt valide : Mathan quoque sacerdotem Baal occiderunt coram altari. Et posuit sacerdos custodias in domo Domini.Select 2 Kings 11:18
19Tulitque centuriones, et Cerethi et Phelethi legiones, et omnem populum terræ, deduxeruntque regem de domo Domini : et venerunt per viam portæ scutariorum in palatium, et sedit super thronum regum.Select 2 Kings 11:19
20Lætatusque est omnis populus terræ, et civitas conquievit : Athalia autem occisa est gladio in domo regis.Select 2 Kings 11:20
21Septemque annorum erat Joas, cum regnare cœpisset.Select 2 Kings 11:21
Latin, Vulgata Clementina (VULGATE). Public domain. Text from the CrossWire Bible Society module. About this translation