3Lamentations 3

1Ego vir videns paupertatem meam in virga indignationis ejus.Select Lamentations 3:1

2Me minavit, et adduxit in tenebras, et non in lucem.Select Lamentations 3:2

3Tantum in me vertit et convertit manum suam tota die.Select Lamentations 3:3

4Vetustam fecit pellem meam et carnem meam ; contrivit ossa mea.Select Lamentations 3:4

5Ædificavit in gyro meo, et circumdedit me felle et labore.Select Lamentations 3:5

6In tenebrosis collocavit me, quasi mortuos sempiternos.Select Lamentations 3:6

7Circumædificavit adversum me, ut non egrediar ; aggravavit compedem meum.Select Lamentations 3:7

8Sed et cum clamavero, et rogavero, exclusit orationem meam.Select Lamentations 3:8

9Conclusit vias meas lapidibus quadris ; semitas meas subvertit.Select Lamentations 3:9

10Ursus insidians factus est mihi, leo in absconditis.Select Lamentations 3:10

11Semitas meas subvertit, et confregit me ; posuit me desolatam.Select Lamentations 3:11

12Tetendit arcum suum, et posuit me quasi signum ad sagittam.Select Lamentations 3:12

13Misit in renibus meis filias pharetræ suæ.Select Lamentations 3:13

14Factus sum in derisum omni populo meo, canticum eorum tota die.Select Lamentations 3:14

15Replevit me amaritudinibus ; inebriavit me absinthio.Select Lamentations 3:15

16Et fregit ad numerum dentes meos ; cibavit me cinere.Select Lamentations 3:16

17Et repulsa est a pace anima mea ; oblitus sum bonorum.Select Lamentations 3:17

18Et dixi : Periit finis meus, et spes mea a Domino.Select Lamentations 3:18

19Recordare paupertatis, et transgressionis meæ, absinthii et fellis.Select Lamentations 3:19

20Memoria memor ero, et tabescet in me anima mea.Select Lamentations 3:20

21Hæc recolens in corde meo, ideo sperabo.Select Lamentations 3:21

22Misericordiæ Domini, quia non sumus consumpti ; quia non defecerunt miserationes ejus.Select Lamentations 3:22

23Novi diluculo, multa est fides tua.Select Lamentations 3:23

24Pars mea Dominus, dixit anima mea ; propterea exspectabo eum.Select Lamentations 3:24

25Bonus est Dominus sperantibus in eum, animæ quærenti illum.Select Lamentations 3:25

26Bonum est præstolari cum silentio salutare Dei.Select Lamentations 3:26

27Bonum est viro cum portaverit jugum ab adolescentia sua.Select Lamentations 3:27

28Sedebit solitarius, et tacebit, quia levavit super se.Select Lamentations 3:28

29Ponet in pulvere os suum, si forte sit spes.Select Lamentations 3:29

30Dabit percutienti se maxillam : saturabitur opprobriis.Select Lamentations 3:30

31Quia non repellet in sempiternum Dominus.Select Lamentations 3:31

32Quia si abjecit, et miserebitur, secundum multitudinem misericordiarum suarum.Select Lamentations 3:32

33Non enim humiliavit ex corde suo et abjecit filios hominum.Select Lamentations 3:33

34Ut conteret sub pedibus suis omnes vinctos terræ.Select Lamentations 3:34

35Ut declinaret judicium viri in conspectu vultus Altissimi.Select Lamentations 3:35

36Ut perverteret hominem in judicio suo ; Dominus ignoravit.Select Lamentations 3:36

37Quis est iste qui dixit ut fieret, Domino non jubente ?Select Lamentations 3:37

38Ex ore Altissimi non egredientur nec mala nec bona ?Select Lamentations 3:38

39Quid murmuravit homo vivens, vir pro peccatis suis ?Select Lamentations 3:39

40Scrutemur vias nostras, et quæramus, et revertamur ad Dominum.Select Lamentations 3:40

41Levemus corda nostra cum manibus ad Dominum in cælos.Select Lamentations 3:41

42Nos inique egimus, et ad iracundiam provocavimus ; idcirco tu inexorabilis es.Select Lamentations 3:42

43Operuisti in furore, et percussisti nos ; occidisti, nec pepercisti.Select Lamentations 3:43

44Opposuisti nubem tibi, ne transeat oratio.Select Lamentations 3:44

45Eradicationem et abjectionem posuisti me in medio populorum.Select Lamentations 3:45

46Aperuerunt super nos os suum omnes inimici.Select Lamentations 3:46

47Formido et laqueus facta est nobis vaticinatio, et contritio.Select Lamentations 3:47

48Divisiones aquarum deduxit oculus meus, in contritione filiæ populi mei.Select Lamentations 3:48

49Oculus meus afflictus est, nec tacuit, eo quod non esset requies.Select Lamentations 3:49

50Donec respiceret et videret Dominus de cælis.Select Lamentations 3:50

51Oculus meus deprædatus est animam meam in cunctis filiabus urbis meæ.Select Lamentations 3:51

52Venatione ceperunt me quasi avem inimici mei gratis.Select Lamentations 3:52

53Lapsa est in lacum vita mea, et posuerunt lapidem super me.Select Lamentations 3:53

54Inundaverunt aquæ super caput meum ; dixi : Perii.Select Lamentations 3:54

55Invocavi nomen tuum, Domine, de lacu novissimo.Select Lamentations 3:55

56Vocem meam audisti ; ne avertas aurem tuam a singultu meo et clamoribus.Select Lamentations 3:56

57Appropinquasti in die quando invocavi te ; dixisti : Ne timeas.Select Lamentations 3:57

58Judicasti, Domine, causam animæ meæ, redemptor vitæ meæ.Select Lamentations 3:58

59Vidisti, Domine, iniquitatem illorum adversum me : judica judicium meum.Select Lamentations 3:59

60Vidisti omnem furorem, universas cogitationes eorum adversum me.Select Lamentations 3:60

61Audisti opprobrium eorum, Domine, omnes cogitationes eorum adversum me.Select Lamentations 3:61

62Labia insurgentium mihi, et meditationes eorum adversum me tota die.Select Lamentations 3:62

63Sessionem eorum et resurrectionem eorum vide ; ego sum psalmus eorum.Select Lamentations 3:63

64Redes eis vicem, Domine, juxta opera manuum suarum.Select Lamentations 3:64

65Dabis eis scutum cordis, laborem tuum.Select Lamentations 3:65

66Persequeris in furore, et conteres eos sub cælis, Domine.Select Lamentations 3:66